ԴԱՏԱՒՈՐՔ 8:6 - Գրաբար Աստվածաշունչ (1895)

⁶ Եւ ասեն իշխանքն Սոկքովթայ. Միթէ ձեռն Զեբէի եւ Սաղմանայ իցէ՞ ի ձեռին քում, զի տացուք հաց զօրականիդ քում։

ԴԱՏԱՒՈՐՔ 8:6 ပူးပေါင်းရင်းမြစ်များ

ԾՆՈՒՆԴՔ 25:13

Եւ այս են անուանք որդւոցն Իսմայելի ըստ անուանց ազգացն նորա. անդրանիկ Իսմայելի Նաբեովթ եւ Կեդար եւ Աբդեէլ եւ Մաբսամ

ԾՆՈՒՆԴՔ 37:25

Եւ նստան ուտել հաց. զաչս ի վեր բարձեալ տեսին, եւ ահա ճանապարհորդք Իսմայելացիք գային ի Գաղաադէ, եւ ուղտք նոցա լի էին խնկովք, ստաշխամբ եւ ռետնիւ, եւ երթային իջուցանել յԵգիպտոս։

ԾՆՈՒՆԴՔ 37:28

Եւ անցանէին արք Մադիանացիք, վաճառականք, եւ ձգեցին հանին զՅովսէփ ի գբոյ անտի, եւ վաճառեցին զՅովսէփ Իսմայելացւոցն քսան դահեկանի. եւ իջուցին զՅովսէփ յԵգիպտոս։

ԹԱԳԱՒՈՐՈՒԹԵԱՆՑ ԵՐՐՈՐԴ 20:11

Եւ պատասխանի ետ արքայն Իսրայելի եւ ասէ. Շատ է արդ, մի՛ պարծեսցի կորն իբրեւ զուղիղն՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:9

Եւ առաքեաց Յովաս արքայ Իսրայելի առ Ամասիա արքայ Յուդայ եւ ասէ. Ակքան ի Լիբանանէ յղեաց առ եղեւնափայտն որ ի Լիբանան՝ եւ ասէ. Տուր զդուստր քո որդւոյ իմում կնութեան. եւ անցին գազանք անապատի որ ի Լիբանան եւ կոխեցին զԱկքանն։

ԱՌԱԿՔ ՍՈՂՈՄՈՆԻ 18:23

Յողոք բանի եւեթ կայ տնանկն, եւ մեծատունն յանդուգն տայ պատասխանի։

ԱՌ ՓԻԼԻՊԵՑԻՍ ԹՈՒՂԹ 2:21

Զի ամենեքին զանձանց խնդրեն, եւ ոչ զՅիսուսի Քրիստոսի։

ԴԱՏԱՒՈՐՔ 5:23

Նզովեցէք զՄարովզ, ասէ հրեշտակն Տեառն, անիծանելով անիծէք զբնակիչս նորա, զի ոչ եկին յօգնականութիւն Տեառն, օգնական Տէր ի մէջ նահատակաց հզօրն՝՝։

ԴԱՏԱՒՈՐՔ 8:15

Եւ եկն Գեդէոն առ իշխանսն՝՝ Սոկքովթայ, եւ ասէ ցնոսա. Ահաւասիկ Զեբէէ եւ Սաղմանա, վասն որոց նախատեցէք զիս եւ ասացէք. Միթէ ձեռն Զեբէի եւ Սաղմանայ այժմ ի ձեռի՞ն քում իցէ, զի տացուք հաց արանց քոց նքթելոց։

ԴԱՏԱՒՈՐՔ 8:5

Եւ ասէ ցարսն Սոկքովթայ. Տուք աւադիկ հաց ի կերակուր զօրուս այսմիկ որ ընդ իս, զի քաղցեալ են. եւ ես պնդեցայց զհետ Զեբէի եւ Սաղմանայ թագաւորացն Մադիամու։