ԴԱՏԱՒՈՐՔ 8:33 - Գրաբար Աստվածաշունչ (1895)

³³ Եւ եղեւ իբրեւ մեռաւ Գեդէոն, դարձան որդիքն Իսրայելի եւ պոռնկեցան զհետ Բահաղիմայցն. եւ եդին զուխտ իւրեանց ընդ Բահաղուն Բերիթայ, լինել նոցա յաստուած։

ԴԱՏԱՒՈՐՔ 8:33 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:2

Եւ արար Յովաս ուղղութիւն առաջի Տեառն զամենայն աւուրս զորս լուսաւորեաց զնա Յովիդայէ քահանայ.

ՄԱՐԳԱՐԷՈՒԹԻՒՆ ԵՐԵՄԵԱՅ 23:27

խորհին՝՝ մոռանալոյ ժողովրդեան իմոյ զօրէնս իմ երազովք իւրեանց, զոր պատմէին իւրաքանչիւր ընկերի իւրում, զոր օրինակ մոռացան հարքն դոցա զանուն իմ ի ձեռն Բահաղու։

ՄԱՐԳԱՐԷՈՒԹԻՒՆ ԵՐԵՄԵԱՅ 3:9

Եւ եղեւ յոչինչ պոռնկութիւն նորա. եւ՝՝ շաղախէր զերկիրն, զի շնայր ընդ քարի եւ ընդ փայտին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:31

եւ թաղեցին զնա առ սահմանօք ժառանգութեան իւրոյ ի Թամնաթսարա ի լերինն Եփրեմայ ի հիւսիսոյ լերինն Գայասու։ Եւ անդ եդին ընդ նմա՝ ուր թաղեցին զնա՝ առ ի յիշատակէ զսուրսն քարեղէնս, որով թլփատեաց զորդիսն Իսրայելի ի Գաղգաղա, յորժամ եհան զնոսա յերկրէն Եգիպտացւոց՝ որպէս հրամայեաց Տէր. եւ անդ են մինչեւ ցայսօր ժամանակի։՝՝

ԴԱՏԱՒՈՐՔ 10:6

Եւ յաւելին որդիքն Իսրայելի առնել չար առաջի Տեառն, եւ պաշտեցին զԲահաղիմսն եւ զԱստարովթն, եւ զաստուածս Ասորւոց եւ զաստուածս Սիդոնայ եւ զաստուածս Մովաբայ եւ զաստուածս որդւոցն Ամոնայ եւ զաստուածս այլազգեացն. եւ թողին զՏէր եւ ոչ ծառայեցին նմա։

ԴԱՏԱՒՈՐՔ 2:12

եւ թողին զՏէր Աստուած հարցն իւրեանց, որ եհան զնոսա յերկրէն Եգիպտացւոց, եւ գնացին զհետ աստուածոց օտարաց, աստուածոց ազգացն որ շուրջ զնոքօք, եւ երկիր պագին նոցա, եւ բարկացուցին զՏէր.

ԴԱՏԱՒՈՐՔ 2:17

Սակայն եւ նոցա ոչ լուան. զի պոռնկեցան զհետ աստուածոց օտարաց, եւ երկիր պագին նոցա, եւ բարկացուցին զՏէր. եւ՝՝ խոտորեցան վաղվաղակի ի ճանապարհէն ընդ որ գնային հարք նոցա՝ լսել պատուիրանաց Տեառն, եւ ոչ արարին այնպէս։

ԴԱՏԱՒՈՐՔ 2:19

Եւ լինէր իբրեւ մեռանէր դատաւորն, դառնային միւսանգամ եղծանել առաւել քան զհարս իւրեանց, երթալ զհետ աստուածոց օտարաց, պաշտել զնոսա եւ երկիր պագանել նոցա. եւ ոչ ընկեցին ի բաց զարուեստս իւրեանց, եւ ոչ հատան ի խիստ ճանապարհաց իւրեանց։

ԴԱՏԱՒՈՐՔ 3:7

Եւ արարին որդիքն Իսրայելի չար առաջի Տեառն, եւ մոռացան զՏէր Աստուած իւրեանց եւ պաշտեցին զԲահաղ եւ զանտառսն։

ԴԱՏԱՒՈՐՔ 8:27

Եւ արար զայն Գեդէոն յեփուդ, եւ հաստատեաց զայն ի քաղաքի իւրում յԵփրա. եւ պոռնկեցաւ ամենայն Իսրայէլ զկնի նորա անդր, եւ եղեւ Գեդէոնի եւ տան նորա ի գայթագղութիւն։

ԴԱՏԱՒՈՐՔ 8:32

Եւ մեռաւ Գեդէոն որդի Յովասու ի բարւոք ծերութեան, եւ թաղեցաւ ի գերեզմանի Յովասու հօր իւրոյ յԵփրա հօրն Եսրեայ։

ԴԱՏԱՒՈՐՔ 9:27

եւ ելին յանդաստանսն եւ կթեցին զայգիս իւրեանց, եւ հարին հնձանս, եւ արարին պարանցիկս, եւ մտին ի տուն աստուածոյն իւրեանց. եւ կերան եւ արբին եւ անիծին զԱբիմելէք։

ԴԱՏԱՒՈՐՔ 9:4

Եւ ետուն նմա եւթանասուն արծաթոյ ի տանէ Բահաղու Բերիթայ ուխտին, եւ վարձեցաւ նոքօք Աբիմելէք արս սրիկայս եւ զարհուրեցուցիչս, եւ գնացին զհետ նորա։

ԴԱՏԱՒՈՐՔ 9:46

Եւ լուան ամենայն արք աշտարակին Սիկիմացւոց, եւ եկին յամրոց տանն Բեթէլ Բերիթայ։