ԴԱՏԱՒՈՐՔ 8:30 - Գրաբար Աստվածաշունչ (1895)

³⁰ Եւ Գեդէոնի էին եւթանասուն որդիք ելեալք յերանաց նորա. զի կանայք բազումք էին նորա.

ԴԱՏԱՒՈՐՔ 8:30 ပူးပေါင်းရင်းမြစ်များ

ԾՆՈՒՆԴՔ 2:24

Վասն այնորիկ թողցէ այր զհայր իւր եւ զմայր իւր, եւ երթիցէ զհետ կնոջ իւրոյ, եւ եղիցին երկուքն ի մարմին մի։

ԾՆՈՒՆԴՔ 46:26

Եւ ամենայն ոգիք որ մտին ընդ Յակոբայ յԵգիպտոս, որ ելեալ էին յերանաց նորա, առանց կանանց որդւոցն Յակոբայ, ամենայն ոգիք վաթսուն եւ վեց։

ԾՆՈՒՆԴՔ 7:7

Եւ եմուտ Նոյ եւ որդիք իւր եւ կին նորա եւ կանայք որդւոց նորա ընդ նմա ի տապանն վասն ջուրցն հեղեղի։

ԹԱԳԱՒՈՐՈՒԹԵԱՆՑ ԵՐՐՈՐԴ 11:3

Եւ էին նորա կանայք տիկնայք եւթն հարեւր, եւ հարճք երեք հարեւր. եւ խոտորեցուցին կանայք նորա զսիրտ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:1

Եւ Աքաաբու էին որդիք եւթանասուն ի Սամարիա. եւ գրեաց Յէու հրովարտակ եւ առաքեաց ի Սամարիա առ իշխանսն՝ Սամարիայ եւ՝՝ առ ծերս եւ առ դայեակսն Աքաաբու, եւ ասէ.

ԵԼՔ 1:5

Եւ էին ամենայն ոգիք ելեալք ի Յակոբայ, եւթանասուն եւ հինգ՝՝ ոգի. եւ Յովսէփ էր յԵգիպտոս։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:15

Եւ ոչ այլ ոք արար, եւ հատոր ոգւոյ նորա է։ Եւ ասացէք թէ՝ Զի՞նչ այլ ինչ խնդրէ Աստուած՝ եթէ ոչ զաւակ.՝՝ զգուշացարուք յոգիս ձեր, եւ զկին մանկութեան քո մի՛ թողուր։

ԵՐԿՐՈՐԴՈՒՄՆ ՕՐԻՆԱՑ 17:17

Եւ մի՛ յաճախեսցէ իւր կանայս, զի մի՛ խոտորեսցի սիրտ նորա. եւ արծաթ եւ ոսկի մի՛ կարի յաճախեսցէ իւր։

ԴԱՏԱՒՈՐՔ 10:4

Եւ եղեն նորա որդիք երեսուն եւ երկու՝՝, որ հեծանէին յերեսուն եւ երկու՝՝ յովանակս. եւ երեսուն եւ երկու՝՝ քաղաքք նոցա. եւ կոչեաց զնոսա աւանս Յայիրայ մինչեւ ցայսօր, որ են ի Գաաղադ։

ԴԱՏԱՒՈՐՔ 12:14

Եւ եղեն նորա որդիք քառասուն, եւ երեսուն որդիք որդւոց նորա, որ հեծանէին յեւթանասուն յաւանակս. եւ դատեաց զԻսրայէլ ամս ութ։

ԴԱՏԱՒՈՐՔ 12:9

Եւ եղեն նորա ուստերք երեսուն, եւ դստերք երեսուն տուեալ արտաքս. եւ երեսուն կին ած ուստերաց իւրոց արտաքուստ. եւ դատեաց զԻսրայէլ ամս եւթն։

ԴԱՏԱՒՈՐՔ 8:31

եւ հարճ նորա որ ի Սիկիմայ՝ ծնաւ նմա եւ նա որդի, եւ եդ անուն նմա Աբիմելէք։

ԴԱՏԱՒՈՐՔ 9:1

Եւ գնաց Աբիմելէք որդի Յերոբաաղայ ի Սիկիմ առ եղբարս մօր իւրոյ, եւ խօսեցաւ ընդ նոսա եւ ընդ ամենայն ազգատոհմի տան հօր մօր իւրոյ եւ ասէ.

ԴԱՏԱՒՈՐՔ 9:18

եւ դուք յարեայք ի վերայ տան հօր իմոյ այսօր, եւ կոտորեցէք զորդիս նորա, արս եւթանասուն ի վերայ վիմի միոյ, եւ թագաւորեցուցէք զԱբիմելէք զորդի աղախնոյ նորա ի վերայ արանց Սիկիմացւոց, զի եղբայր ձեր է.

ԴԱՏԱՒՈՐՔ 9:2

Խօսեցարուք յականջս ամենայն արանց Սիկիմացւոց. Ո՞ր լաւ իցէ ձեզ, իշխել ձեզ եւթանասո՞ւն արանց ամենայն որդւոցն Յերոբաաղայ, եթէ տիրել ձեզ առն միոջ. եւ յիշեցէք զի ոսկր ձեր եւ մարմին ձեր եմ ես։

ԴԱՏԱՒՈՐՔ 9:5

Եւ եմուտ ի տուն հօր իւրոյ յԵփրա, եւ կոտորեաց զեղբարս իւր զորդիսն Յերոբաաղայ արս եւթանասուն, ի վերայ վիմի միոյ. եւ մնաց Յովաթամ որդի Յերոբաաղայ կրտսեր, քանզի թաքեաւ։