ԴԱՏԱՒՈՐՔ 8:10 - Գրաբար Աստվածաշունչ (1895)

¹⁰ Եւ Զեբէի եւ Սաղմանա էին ի Կարկար, եւ բանակ նոցա ընդ նոսա, իբրեւ հնգետասան հազար այր ընդ ամենայն՝ որ մնացեալ էին յամենայն բանակէ որդւոցն արեւելից. եւ անկեալք էին հարեւր եւ քսան հազար արանց սուսերամերկաց։

ԴԱՏԱՒՈՐՔ 8:10 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 3:26

Եւ ետես արքայն Մովաբայ եթէ սաստկացաւ քան զնա պատերազմն, առ ընդ իւր եւթն հարեւր այր սուսերաձիգս, հատանել երթալ առ արքայն Եդովմայ, եւ ոչ կարացին։

ՄՆԱՑՈՐԴԱՑ ԵՐԿՐՈՐԴ 13:17

Եւ եհար ի նոցանէ Աբիա եւ զօրն նորա հարուածս մեծամեծս, եւ անկան վիրաւորք յԻսրայելէ հինգ հազար՝՝ արք զօրաւորք։

ՄՆԱՑՈՐԴԱՑ ԵՐԿՐՈՐԴ 28:6

Եւ կոտորեաց Փակէէ որդի Ռովմելայ արքայ Իսրայելի՝՝ ի Յուդայ ի միում աւուր հարեւր եւ քսան հազար արանց զօրաւորաց զօրութեամբ, ի թողուլն նոցա զՏէր Աստուած հարցն իւրեանց։

ՄՆԱՑՈՐԴԱՑ ԵՐԿՐՈՐԴ 28:8

Եւ գերեցին որդիքն Իսրայելի յեղբարցն իւրեանց երեք հարեւր՝՝ հազար կանայս, եւ ուստերս եւ դստերս, եւ աւար բազում առին ի նոցանէ. եւ տարան զաւարն ի Սամարիա։

ՄԱՐԳԱՐԷՈՒԹԻՒՆ ԵՍԱՅԵԱՅ 37:36

Եւ ել հրեշտակ Տեառն, եւ սատակեաց ի բանակէ անտի Ասորեստանեայցն հարեւր ութսուն եւ հինգ հազար. եւ յարեան ընդ առաւօտն՝ գտին զայն ամենայն մարմին մեռեալ։

ՄԱՐԳԱՐԷՈՒԹԻՒՆ ԵՍԱՅԵԱՅ 9:4

զի վերացաւ ի նոցանէ լուծն որ կայր ի վերայ, եւ գաւազանն որ ի վերայ պարանոցի նոցա. զի զգաւազան պահանջողացն մերժեաց՝՝ որպէս եւ յաւուրն Մադիամու.

ԴԱՏԱՒՈՐՔ 20:15

Եւ հանդէս արարին որդիքն Բենիամինի յաւուր յայնմիկ յիւրաքանչիւր քաղաքաց, քսան եւ հինգ հազար արանց սուսերամերկաց. թող զբնակիչս Գաբաացւոց, որ անցին ի հանդիսի՝ եւթն հարիւր այր,

ԴԱՏԱՒՈՐՔ 20:17

Եւ ամենայն այր Իսրայելի անցին ի հանդիսի, առանց որդւոցն Բենիամինի, չորեք հարեւր հազարք արանց սուսերամերկաց, ամենեքին նոքա արք պատերազմօղք։

ԴԱՏԱՒՈՐՔ 20:2

Եւ եկաց կողմն՝՝ ամենայն ժողովրդեանն, եւ ամենայն ցեղք Իսրայելի յամենայն եկեղեցւոջ ժողովրդեանն Աստուծոյ, չորեք հարեւր հազար արանց սուսերամերկաց։

ԴԱՏԱՒՈՐՔ 20:25

Եւ ել Բենիամին ընդդէմ նոցա ի պատերազմ յաւուրն երկրորդի. եւ սատակեաց միւսանգամ ի ժողովրդենէ անտի ութ հազար արանց յերկիր, ամենեքեան նոքա սուսերաձիգք։

ԴԱՏԱՒՈՐՔ 20:35

Եւ վանեաց Տէր զԲենիամին առաջի որդւոցն Իսրայելի, եւ սատակեցին որդիքն Իսրայելի ի Բենիամինէ յաւուր յայնմիկ քսան եւ հինգ հազար եւ հարեւր այր, ամենեքին նոքա սուսերաձիգք։

ԴԱՏԱՒՈՐՔ 20:46

Եւ եղեն ամենայն անկեալքն ի Բենիամինէ քսան եւ հինգ հազար արանց սուսերամերկաց յաւուր յայնմիկ, ամենեքեան նոքա արք զօրութեան։

ԴԱՏԱՒՈՐՔ 6:5

Զի ինքեանք եւ խաշինք իւրեանց ելանէին, եւ զվրանս իւրեանց բերէին, եւ հասանէին իբրեւ զմարախ բազմութեամբ. եւ ոչ գոյր թիւ նոցա եւ ուղտուց իւրեանց. եւ հասանէին յերկիրն Իսրայելի ապականել զնա։

ԴԱՏԱՒՈՐՔ 7:12

Եւ Մադիամ եւ Ամաղէկ եւ ամենայն որդիքն արեւելեայց բանակեալ էին ի ծործորսն իբրեւ զմարախ բազմութեամբ. եւ ուղտուց նոցա ոչ գոյր թիւ, այլ էին իբրեւ զաւազ առ եզերբ ծովու բազմութեամբ։

ԴԱՏԱՒՈՐՔ 7:13

Եւ եմուտ Գեդէոն, եւ ահա այր պատմէր ընկերի իւրում երազ. Տեսի, ասէ, երազ, եւ ահա նկանակ գարեղէն հոլովեալ ի բանակս Մադիամու, եւ եկն մինչեւ ի խորանն Մադիամու, եւ եհար զնա եւ կործանեաց, եւ անկաւ խորանն վերուստ ի վայր։

ԴԱՏԱՒՈՐՔ 7:22

Եւ գոչեցին երեքհարիւրեքին փողքն եղջերեայք. եւ եդ Տէր զսուր առն յընկեր իւր եւ յամենայն բանակն. եւ փախեաւ ամենայն բանակն մինչեւ ցԲեթասետա, եւ մեւս գունդն մինչեւ՝՝ ցդարն Աբէլմաուլայ եւ ցՏաբէթ։

ԴԱՏԱՒՈՐՔ 8:11

Եւ ել Գեդէոն ընդ ճանապարհս վրանաբնակչացն յարեւելից Նաբաէի եւ հանդէպ Նաբեայ, եւ եհար զբանակն. զի ահա էր բանակն յանհոգս։