ԴԱՏԱՒՈՐՔ 7:8 - Գրաբար Աստվածաշունչ (1895)

⁸ Եւ առին զպաշար ժողովրդեանն ի ձեռս իւրեանց, եւ զփողս նոցա եղջերեայս։ Եւ զամենայն այր Իսրայելի արձակեաց զայր ի բնակութիւն իւր, եւ զերեքհարեւր այրն եւեթ կալաւ. եւ բանակն Մադիամու էին ի ներքոյ նորա ի հովիտսն։

ԴԱՏԱՒՈՐՔ 7:8 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՍԱՅԵԱՅ 27:13

Եւ եղիցի յաւուր յայնմիկ հարցեն փող աւագափող. եւ եկեսցեն ցրուեալքն յերկրին Ասորեստանեայց, եւ կորուսեալք յերկրին Եգիպտացւոց, եւ երկիր պագցեն Տեառն ի վերայ լերին սրբոյ յԵրուսաղէմ։

ՂԵՒՏԱԿԱՆ 23:24

Խօսեաց ընդ որդիսն Իսրայելի եւ ասասցես. Յամսեանն եւթներորդի որ օր մի իցէ ամսոյն, եղիցի ձեզ հանգիստ, յիշատակ փողոց, կոչեցեալ սուրբ Տեառն՝՝։

ՂԵՒՏԱԿԱՆ 25:9

Եւ ազդ առնիցէք բարբառով փողոյ յամենայն երկրին ձերում՝՝, յամսեանն եւթներորդի որ օր տասն իցէ ամսոյն, յաւուրն քաւութեան ազդ արասջիք փողով ընդ ամենայն երկիրն ձեր։

ԹԻՒՔ 10:9

Եւ եթէ ելանիցէք ի պատարազմ յերկրի ձերում ընդդիմակացացն որ կայցեն ձեզ հակառակ, ազդեսջիք փողով եւ յիշատակեսջիք առաջի Տեառն, եւ ապրիցէք ի թշնամեացն ձերոց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:52

Նորոգեսցուք յանկարծակի՝՝ յական թօթափել ի փող յետին, քանզի փող հարկանի, եւ մեռեալք յարիցեն առանց ապականութեան, եւ մեք նորոգեսցուք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:20

Եւ աղաղակեաց ժողովուրդն, եւ հարին քահանայքն զփողսն. իբրեւ լուաւ ժողովուրդն զձայն փողոյն՝ աղաղակեաց ամենայն ժողովուրդն առհասարակ մեծ եւ ուժգին աղաղակաւ, եւ անկաւ պարիսպն շուրջանակի. եւ ել ամենայն ժողովուրդն ի քաղաքն իւրաքանչիւր հանդէպ իւր, եւ առին զքաղաքն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:4

Եւ եւթն քահանայ առցեն զեւթն փողսն եղջերեայս յոբելեան առաջի տապանակին. եւ յաւուրն եւթներորդի պատեսջիք զքաղաքն եւթն անգամ. եւ քահանայքն հարցեն զփողսն եղջերեայս։

ԴԱՏԱՒՈՐՔ 3:27

Եւ եղեւ իբրեւ եկն Աւովդ յերկիրն Իսրայելի՝՝, եհար փող ի լերինն Եփրեմայ. եւ իջին ընդ նմա որդիքն Իսրայելի ի լեռնէ անտի, եւ ինքն առաջի նոցա։

ԴԱՏԱՒՈՐՔ 6:33

Եւ ամենայն Մադիամ եւ Ամաղէկ եւ ամենայն որդիքն արեւելեայց ժողովեցան ի միասին, եւ եկին բանակեցան ի հովիտսն Յեզրայելի։

ԴԱՏԱՒՈՐՔ 7:7

Եւ ասէ Տէր ցԳեդէոն. Երեք հարեւր արամբքդ որ լափեցին զջուր՝ փրկեցից զձեզ, եւ տաց զՄադիամ ի ձեռս քո. եւ ամենայն ժողովուրդդ երթիցէ այր իւրաքանչիւր ի տեղի իւր։

ԴԱՏԱՒՈՐՔ 7:9

Եւ եղեւ ի գիշերին յայնմիկ եւ ասէ ցնա Տէր. Արի էջ աստի վաղվաղակի ի բանակն, զի մատնեցի զնա ի ձեռս քո։