ԴԱՏԱՒՈՐՔ 7:15 - Գրաբար Աստվածաշունչ (1895)

¹⁵ Եւ եղեւ իբրեւ լուաւ Գեդէոն զպատմութիւն երազոյն եւ զմեկնութիւն նորա, երկիր եպագ Տեառն, եւ դարձաւ անդրէն ի բանակն Իսրայելի, եւ ասէ. Արիք, զի մատնեաց Տէր զբանակն Մադիամու ի ձեռս մեր։

ԴԱՏԱՒՈՐՔ 7:15 ပူးပေါင်းရင်းမြစ်များ

ԾՆՈՒՆԴՔ 24:48

Եւ խնդացի, եւ երկիր պագի Տեառն, եւ օրհնեցի զՏէր Աստուած տեառն իմոյ Աբրահամու, որ յաջողեաց ինձ ի ճանապարհի աստ ճշմարտութեան, առնուլ զդուստր եղբօր տեառն իմոյ որդւոյ նորա։

ԾՆՈՒՆԴՔ 40:8

Եւ նոքա ասեն ցնա. Երազ տեսաք, եւ ոչ ոք է որ մեկնիցէ զնա։ Եւ ասէ ցնոսա Յովսէփ. Ո՞չ ապաքէն ի ձեռս Աստուծոյ իցէ մեկնութիւն նոցա. պատմեցէք ինձ։

ԾՆՈՒՆԴՔ 41:11

Եւ տեսաք երկոքին երազ ի միում գիշերի, ես եւ նա. իւրաքանչիւր ըստ երազոյ իւրում՝՝ տեսանէաք։

ԴԱՏԱՒՈՐՔ 3:28

Եւ ասէ ցնոսա. Իջէք զկնի իմ, զի մատնեաց Տէր Աստուած մեր՝՝ զթշնամիս մեր զՄովաբացիս ի ձեռս մեր։ Եւ իջին զկնի նորա, եւ կալան նախ զանցս Յորդանանու ի Մովաբայ, եւ ոչ թողին մարդոյ անցանել։

ԴԱՏԱՒՈՐՔ 4:14

Եւ ասէ Դեբովրա ցԲարակ. Արի, զի այս օր է՝ յորում մատնեաց Տէր զՍիսարա ի ձեռս քո. զի ահա Տէր է առաջի քո։ Եւ էջ Բարակ ի լեռնէն Թաբովրայ, եւ տասն հազար արանց զհետ նորա։

ԴԱՏԱՒՈՐՔ 7:11

եւ լուիցես եթէ զի՞նչ խօսիցին, եւ ապա զօրասցին ձեռք քո, եւ իջցես ի բանակն։ Եւ էջ ինքն եւ պատանեակն իւր Փարա ընդ նմա ի մասն ինչ յիսներորդաց բանակին։

ԴԱՏԱՒՈՐՔ 7:14

Պատասխանի ետ ընկերն նորա եւ ասէ. Ոչ է այն՝ եթէ ոչ սուրն Գեդէոնի որդւոյ Յովասու առն Իսրայելացւոյ. մատնեաց Տէր ի ձեռս նորա զՄադիամ եւ զամենայն բանակս։

ԴԱՏԱՒՈՐՔ 7:16

Եւ բաժանեաց զերեք հարեւր այրն յերիս առաջս. եւ ետ զփողսն եղջերեայս ի ձեռս ամենեցունց, եւ ջահս ի մէջ սափորոցն։

ԴԱՏԱՒՈՐՔ 8:7

Եւ ասէ Գեդէոն. Ոչ այդպէս, այլ ի տալ Տեառն զԶեբէի եւ զՍաղմանա ի ձեռս իմ, եւ ես քարշեցից զմարմինս ձեր փշովք անապատի եւ բորկոնիմաւ։

ԹԱԳԱՒՈՐՈՒԹԵԱՆՑ ԱՌԱՋԻՆ 1:28

Եւ տամ զդա փոխ Տեառն զամենայն աւուրս որչափ եւ կեցցէ. եւ եղիցի դա փոխ Տեառն։ Եւ պագին երկիր՝՝ անդ Տեառն։

ԹԱԳԱՒՈՐՈՒԹԵԱՆՑ ԱՌԱՋԻՆ 14:12

Եւ պատասխանի ետուն արք կրճացն եւ ասեն ցՅովնաթան եւ ցկապարճակիրն. Ելէք առ մեզ եւ ծանուսցուք ձեզ բանս։ Եւ ասէ Յովնաթան ցկապարճակիրն իւր. Եկ զկնի իմ, զի մատնեաց զնոսա Տէր ի ձեռս Իսրայելի։