ԴԱՏԱՒՈՐՔ 6:5 - Գրաբար Աստվածաշունչ (1895)

⁵ Զի ինքեանք եւ խաշինք իւրեանց ելանէին, եւ զվրանս իւրեանց բերէին, եւ հասանէին իբրեւ զմարախ բազմութեամբ. եւ ոչ գոյր թիւ նոցա եւ ուղտուց իւրեանց. եւ հասանէին յերկիրն Իսրայելի ապականել զնա։

ԴԱՏԱՒՈՐՔ 6:5 ပူးပေါင်းရင်းမြစ်များ

Երգ Երգոց 1:5

Մի՛ հայիք ընդ իս, զի ես սեւացեալ թխացայ, քանզի խեթիւ հայեցաւ ընդ իս արեգակն. որդիք մօր իմոյ մարտեան ընդ իս, եւ եդին զիս պահապան այգեստանի. զի զայգին իմ ոչ պահեցի։

ՄԱՐԳԱՐԷՈՒԹԻՒՆ ԵՍԱՅԵԱՅ 13:20

Եւ ոչ բնակեսցէ յաւիտեանս ժամանակաց, եւ մի՛ մտցեն ի նա յազգս բազումս՝՝, եւ մի՛ եւս անցցեն ընդ նա Արաբացիք, եւ հովիւք մի՛ հանգիցեն ի նմա։

ՄԱՐԳԱՐԷՈՒԹԻՒՆ ԵՍԱՅԵԱՅ 60:6

Եկեսցեն ի քեզ երամակք ուղտուց, եւ ծածկեսցեն զքեզ ուղտերամակքն՝՝ Մադիամու եւ Գեփայ. ամենեքեան ի Սաբայ եկեսցեն, բերել ոսկի եւ կնդրուկ եւ ականս պատուականս՝՝, եւ զփրկութեան Տեառն առցեն զաւետիս։

ՄԱՐԳԱՐԷՈՒԹԻՒՆ ԵՐԵՄԵԱՅ 46:23

հարէք զանտառս նորա, ասէ Տէր Աստուած, զորոյ ոչ ոք առնուցու զչափ. զի բազմասցի առաւել քան զմարախ, եւ ոչ է նոցա թիւ։

ՄԱՐԳԱՐԷՈՒԹԻՒՆ ԵՐԵՄԵԱՅ 49:29

Զխորանս նոցա եւ զխաշինս նոցա առցեն, զհանդերձս նոցա եւ զամենայն կահ եւ զկարասի նոցա, եւ զուղտերամակս նոցա առցեն իւրեանց. եւ կոչեցէք ի վերայ նոցա կորուստ շուրջանակի։

ՄԱՐԳԱՐԷՈՒԹԻՒՆ ԵՐԵՄԵԱՅ 49:32

Եւ եղիցին ուղտերամակք նոցա յաւար, եւ բազմութիւն խաշանց նոցա ի կորուստ. եւ հոսեցից ընդ ամենայն հողմս զյապաւեալսն առ երեսօք, եւ յամենայն կողմանց նոցա ածից նոցա կործանումն, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 51:14

Զի երդուաւ Տէր զօրութեանց ի բազուկ՝՝ իւր, թէ՝ Լցից զքեզ զօրօք իբրեւ մարախով, եւ բարբառեսցին ի վերայ քո որ իջանեն ի քեզ՝՝։

ԵՐԿՐՈՐԴՈՒՄՆ ՕՐԻՆԱՑ 28:33

Զբերս երկրի քո եւ զամենայն վաստակս քո կերիցէ ազգ զոր դու ոչ գիտիցես, եւ եղիցես զրկեալ եւ խորտակեալ զամենայն աւուրս.

ԴԱՏԱՒՈՐՔ 7:12

Եւ Մադիամ եւ Ամաղէկ եւ ամենայն որդիքն արեւելեայց բանակեալ էին ի ծործորսն իբրեւ զմարախ բազմութեամբ. եւ ուղտուց նոցա ոչ գոյր թիւ, այլ էին իբրեւ զաւազ առ եզերբ ծովու բազմութեամբ։

ԴԱՏԱՒՈՐՔ 8:10

Եւ Զեբէի եւ Սաղմանա էին ի Կարկար, եւ բանակ նոցա ընդ նոսա, իբրեւ հնգետասան հազար այր ընդ ամենայն՝ որ մնացեալ էին յամենայն բանակէ որդւոցն արեւելից. եւ անկեալք էին հարեւր եւ քսան հազար արանց սուսերամերկաց։

ԴԱՏԱՒՈՐՔ 8:21

Եւ ասեն Զեբէէ եւ Սաղմանա. Արի եւ դու քեզէն պատահեա մեզ, զի ըստ առն եւ զօրութիւն իւր։ Եւ յարեաւ Գեդէոն եւ սպան զԶեբէէ եւ զՍաղմանա, եւ առ զմանեակսն ի պարանոցաց ուղտուց նոցա։

ԹԱԳԱՒՈՐՈՒԹԵԱՆՑ ԱՌԱՋԻՆ 30:17

Եւ եհաս ի վերայ նոցա Դաւիթ՝՝, եւ եհար զնոսա Դաւիթ յելանելոյ արուսեկին մինչեւ ցերեկոյ եւ ի վաղիւ անդր՝՝, եւ ոչ ապրեցաւ ի նոցանէ այր. բայց միայն պատանեակք չորեքհարեւր հեծան յուղտս եւ փախեան։