ԴԱՏԱՒՈՐՔ 6:34 - Գրաբար Աստվածաշունչ (1895)

³⁴ Եւ Հոգի Տեառն զօրացոյց զԳեդէոն՝՝, եւ եհար փող եղջերեաւն. եւ խրախոյս եբարձ Աբիեզեր զկնի նորա։

ԴԱՏԱՒՈՐՔ 6:34 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 24:20

Եւ Հոգին Տեառն զգեցաւ Ազարիաս որդի՝՝ Յովիդայեայ քահանայի, յարեաւ ի մէջ ամենայն ժողովրդեանն եւ ասէ. Այսպէս ասէ Տէր. Ընդէ՞ր խոտորեցայք ի պատուիրանացն Տեառն, եւ ոչ յաջողեսցի ձեզ. վասն զի թողէք դուք զՏէր, եւ նա լքցէ զձեզ։

ՄՆԱՑՈՐԴԱՑ ԱՌԱՋԻՆ 12:18

Եւ զօրացոյց Հոգին զԱմեսսա՝ զիշխան երեսնիցն, եւ ասէ. Երթ, Դաւիթ, որդի Յեսսեայ եւ զօրդ քո՝՝, խաղաղութիւն քեզ, եւ խաղաղութիւն օգնականաց քոց. վասն զի օգնեաց քեզ Աստուած քո։ Եւ ընկալաւ զնոսա Դաւիթ, եւ կացոյց զնոսա իշխանս զօրացն։

ԴԱՏԱՒՈՐՔ 3:27

Եւ եղեւ իբրեւ եկն Աւովդ յերկիրն Իսրայելի՝՝, եհար փող ի լերինն Եփրեմայ. եւ իջին ընդ նմա որդիքն Իսրայելի ի լեռնէ անտի, եւ ինքն առաջի նոցա։

ԴԱՏԱՒՈՐՔ 3:10

Եւ եղեւ ի նմա Հոգի Տեառն, եւ դատեաց զԻսրայէլ. եւ ել ի պատերազմ ընդ Քուսարսաթեմայ՝՝. եւ մատնեաց Տէր ի ձեռս նորա զՔուսարսաթեմ արքայ Ասորւոց. եւ սաստկացաւ ձեռն նորա ի վերայ Քուսարսաթեմայ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 13:14

այլ զգեցարուք զՏէր Յիսուս Քրիստոս, եւ մարմնոյ խնամ մի՛ տանիք ի ցանկութիւնս։

ԱՌ ԳԱՂԱՏԱՑԻՍ ԹՈՒՂԹ 3:27

Որք միանգամ ի Քրիստոս մկրտեցարուք, զՔրիստոս զգեցեալ էք. չիք խտիր,

ԳԻՐՔ ՍԱՂՄՈՍԱՑ 51:11

Խոստովան եղէց քեզ յաւիտեան զի արարեր, եւ համբերից անուան քում, զի քաղցր է առաջի սրբոց քոց։

ԹԱԳԱՒՈՐՈՒԹԵԱՆՑ ԱՌԱՋԻՆ 16:14

Եւ Հոգի Տեառն վերացաւ ի Սաւուղայ, եւ խեղդէր զնա այս չար ի Տեառնէ։

ԹԱԳԱՒՈՐՈՒԹԵԱՆՑ ԱՌԱՋԻՆ 11:6

Եւ խաղաց Հոգի Տեառն ի վերայ Սաւուղայ իբրեւ լուաւ զբանսն զայնոսիկ. եւ սրտմտեցաւ բարկութիւն նորա յոյժ։

ԹԱԳԱՒՈՐՈՒԹԵԱՆՑ ԱՌԱՋԻՆ 10:6

Եւ խաղասցէ ի վերայ քո Հոգի Տեառն, եւ մարգարէասցիս եւ դու ընդ նոսա, եւ դարձցիս յայր յայլ։

ԴԱՏԱՒՈՐՔ 15:14

Եւ եկն մինչեւ ցԾնօտն. եւ այլազգիքն աղաղակեցին եւ ընթացան ընդդէմ նորա. եւ յաջողեցաւ ի վերայ նորա Հոգի Տեառն, եւ եղեն կարքն ի բազուկս նորա իբրեւ զխծուծ յորժամ ի հուր հոտոտիցի, եւ հալեցան կապանքն ի բազկաց նորա։

ԴԱՏԱՒՈՐՔ 14:19

Եւ յաջողեցաւ ի վերայ նորա Հոգի Տեառն, եւ էջ յԱսկաղոն եւ եհար անդ արս երեսուն. եւ ա՛ռ ետ զպատմուճանսն առեղծանելեաց առասպելին. եւ բարկացաւ սրտմտութեամբ Սամփսոն, եւ ել ի տուն հօր իւրոյ։

ԴԱՏԱՒՈՐՔ 13:25

Եւ սկսաւ Հոգի Տեառն շրջել ընդ նմա ի բանակին Դանայ, ի մէջ Սարաայ եւ ի մէջ Եսթաւուղայ։

ԴԱՏԱՒՈՐՔ 8:2

Եւ ասէ ցնոսա. Արդ զի՞նչ ինչ արարի իբրեւ զձեզ. ո՞չ ապաքէն լաւագոյն է ճռաքաղութիւնդ Եփրեմի քան զկութսն Աբիեզերայ։

ԴԱՏԱՒՈՐՔ 6:11

Եւ եկն հրեշտակ Տեառն, եւ նստաւ ընդ կաղնեաւն որ էր յԵփրա Յովասու, հօր Եսրեայ, եւ Գեդէոն որդի նորա ծեծէր ցորեան ի կալ, փախչել՝՝ յերեսաց Մադիամու։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:2

Եւ եղեւ այլոց որդւոցն Մանասէի, ըստ տոհմից իւրեանց, որդւոցն Աքիեզերայ եւ որդւոցն Քեղկեայ եւ որդւոցն Եսրիելայ եւ որդւոցն Սիւքեմայ եւ որդւոցն Սեմիդայեայ, եւ որդւոցն Ոփերայ, սոքա են որդիք Մանասէի որդւոյ Յովսեփայ արուք ըստ տոհմից իւրեանց։

ԹԻՒՔ 10:3

Եւ հարկանիցեն փող նոքօք, եւ ժողովեսցի ամենայն ժողովուրդն ի դուռն խորանին վկայութեան։

ԹԱԳԱՒՈՐՈՒԹԵԱՆՑ ԱՌԱՋԻՆ 13:3

Եւ եհար Յովնաթան զՆասիբ այլազգի, որ էր ի բլրին՝՝, եւ լուան այլազգիքն։ Եւ Սաւուղ փող եհար ընդ ամենայն երկիրն եւ ասէ. Եթէ անգոսնեցին ծառայքն՝՝։

ՄՆԱՑՈՐԴԱՑ ԱՌԱՋԻՆ 12:19

Եւ ի Մանասէէ դիմեցին առ Դաւիթ ի գալ այլազգեացն ի վերայ Սաւուղայ ի պատերազմ, եւ ոչ օգնեաց նոցա. վասն զի խորհրդիւ եղեւ զօրագլխացն այլազգեաց, որք ասացին եթէ՝ Գլխովք արանցդ այդոցիկ դառնայ դա առ տէր իւր Սաւուղ։