ԴԱՏԱՒՈՐՔ 6:3 - Գրաբար Աստվածաշունչ (1895)

³ Եւ լինէր իբրեւ վարէր այր Իսրայելի, ելանէր Մադիամ եւ Ամաղէկ եւ որդիքն արեւելեայց, հասանէին ի վերայ նոցա.

ԴԱՏԱՒՈՐՔ 6:3 ပူးပေါင်းရင်းမြစ်များ

ԾՆՈՒՆԴՔ 25:6

Եւ որդւոց հարճիցն իւրոց որ էին Աբրահամու՝ ետ Աբրահամ պարգեւս, եւ արձակեաց զնոսա յԻսահակայ որդւոյ իւրոյ, մինչդեռ ինքն կենդանի էր, ընդ արեւելս՝ յերկիրն արեւելից։

ԾՆՈՒՆԴՔ 29:1

Եւ զոտս իւր ամբարձեալ Յակոբայ գնալ յերկիրն արեւելից, առ Լաբան որդի Բաթուելի Ասորւոյ, եղբայր Ռեբեկայ, մօր Յակոբայ եւ Եսաւայ։՝՝

ԹԱԳԱՒՈՐՈՒԹԵԱՆՑ ԵՐՐՈՐԴ 20:27

Եւ որդիքն Իսրայելի արարին հանդէս, եւ երկգնդեցան եւ հասին յառաջս նոցա. եւ ճակատեցան որդիքն Իսրայելի ընդդէմ Ասորւոցն իբրեւ երկու երամակք այծից. եւ Ասորիքն լցին զերկիրն։

ԹԱԳԱՒՈՐՈՒԹԵԱՆՑ ԵՐՐՈՐԴ 4:30

Եւ բազմացաւ իմաստութիւնն Սողոմոնի յոյժ քան զհանճար ամենայն նախնեաց մարդկան՝՝ եւ քան զամենայն իմաստնոց Եգիպտոսի։

ԹԱԳԱՒՈՐՈՒԹԵԱՆՑ ԵՐՐՈՐԴ 5:10

Եւ տայր Քիրամ Սողոմոնի եղեւնափայտս եւ մայրս, զամենայն զկամս նորա։

ԳԻՐՔ ՅՈԲԱՅ 1:3

Եւ էին խաշինք նորա՝ եւթն հազար ոչխար, ուղտք երեք հազարք, լուծք եզանց հինգ հարեւր, եւ էշք մատակք արօտականք հինգ հարեւր. եւ սպասք բազում յոյժ, եւ գործք մեծամեծք էին նորա ի վերայ երկրի.՝՝ եւ էր այրն այն ազնուական քան զամենայն արեւելեայսն։

ԳԻՐՔ ՅՈԲԱՅ 31:8

ապա ես սերմանեցից՝ եւ այլք կերիցեն, եւ անարմատ եղէց յերկրի։

ԵԼՔ 17:8

Եկն Ամաղէկ, եւ տայր պատերազմ ընդ Իսրայելի յՌափիդիմ։

ՄԱՐԳԱՐԷՈՒԹԻՒՆ ԵՍԱՅԵԱՅ 11:14

Եւ թռիցեն նաւք այլազգեաց՝՝, եւ առցեն աւար միանգամայն զծովակողմն եւ զարեւելեայսն եւ զԵդովմայեցիսն՝՝, արկցեն զձեռս իւրեանց նախ ի Մովաբ. եւ որդիքն Ամովնայ յառաջագոյն հնազանդեսցին։

ՄԱՐԳԱՐԷՈՒԹԻՒՆ ԵՍԱՅԵԱՅ 62:8

Երդուաւ Տէր ի փառս՝՝ իւր եւ ի զօրութիւն բազկի իւրոյ, եթէ ոչ տաց զցորեան քո եւ զկերակուր ի ձեռս՝՝ թշնամեաց քոց, եւ ոչ արբցեն որդիք օտարաց զգինի քո յորում դուն վաստակեցեր։

ՄԱՐԳԱՐԷՈՒԹԻՒՆ ԵՐԵՄԵԱՅ 49:28

Ի վերայ Կեդարու, ի վերայ տիկնոջ հանգրուանին՝՝, զոր եհար Նաբուքոդոնոսոր արքայ Բաբելացւոց, այսպէս ասէ Տէր. Արիք, ելէք ի վերայ Կեդարու, եւ հարէք զորդիսն Կեդեմայ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 25:3

եւ ասասցես ցորդիսն Ամոնայ. Լուարուք զպատգամս Ադոնայի Տեառն. այսպէս ասէ Ադոնայի Տէր. Փոխանակ զի ոտնհար եղերուք ի վերայ սրբութեանց իմոց որ պղծեցան, եւ ի վերայ երկրին Իսրայելի որ ապականեցաւ, եւ ի վերայ տանն Յուդայ որ գնաց ի գերութիւն,

ՄԱՐԳԱՐԷՈՒԹԻՒՆ ԵԶԵԿԻԵԼԻ 25:4

վասն այնորիկ ահաւադիկ ես մատնեմ զձեզ որդւոցն Կեդեմայ ի ժառանգութիւն, եւ բնակեսցեն մեղօքն՝ իւրեանց ի քեզ, եւ կանգնեսցեն զխորանս իւրեանց ի քեզ. նոքա կերիցեն զպտուղ քո, եւ նոքա արբցեն զպարարտութիւն քո։

ՂԵՒՏԱԿԱՆ 26:16

արարից նոյնպէս եւ ես ձեզ. հաստատեցից ի վերայ ձեր տագնապաւ տարակուսանս, զքոս եւ զդալուկն որ սորեցուցանիցեն զաչս ձեր, եւ հաչիցէք յանձինս ձեր, եւ սերմանեսջիք ի սնոտիս զսերմանիս ձեր, եւ զայն հակառակորդք ձեր կերիցեն.

ՄԱՐԳԱՐԷՈՒԹԻՒՆ ՄԻՔԻԱՅ 6:15

Դու սերմանեսցես, եւ մի՛ հնձեսցես, դու կթեսցես ձէթ, եւ մի՛ օծցիս իւղով, եւ գինի՝ եւ մի՛ արբցես գինի։

ԵՐԿՐՈՐԴՈՒՄՆ ՕՐԻՆԱՑ 28:51

եւ կերիցէ զծնունդս խաշանց քոց եւ զարդիւնս երկրի քո. եւ ոչ թողուցու քեզ ցորեան, գինի, եւղ, զանդեայս արջառոց քոց, եւ զհօտս ոչխարաց քոց, մինչեւ կորուսցէ զքեզ.

ԴԱՏԱՒՈՐՔ 10:12

եւ Սիդոնացիք եւ Ամաղէկ եւ Քանան նեղեցին զձեզ, եւ աղաղակեցէք առ իս եւ փրկեցի զձեզ ի ձեռաց նոցա։

ԴԱՏԱՒՈՐՔ 3:13

Եւ ժողովեաց ի վերայ նոցա զամենայն որդիսն Ամոնայ եւ զԱմաղէկ. եւ չոգաւ եհար զԻսրայէլ, եւ ժառանգեաց զքաղաքն Արմաւենեաց։

ԴԱՏԱՒՈՐՔ 6:2

Եւ զօրացաւ ձեռն Մադիամու ի վերայ Իսրայելի. եւ արարին իւրեանց որդիքն Իսրայելի յերեսաց Մադիամու գոմս ի լերինս եւ յայրս եւ յամուրս՝՝։

ԴԱՏԱՒՈՐՔ 6:33

Եւ ամենայն Մադիամ եւ Ամաղէկ եւ ամենայն որդիքն արեւելեայց ժողովեցան ի միասին, եւ եկին բանակեցան ի հովիտսն Յեզրայելի։

ԴԱՏԱՒՈՐՔ 6:4

եւ բանակէին առ նոքօք, եւ ապականէին զբերս երկրին մինչեւ ի մուտս Գազայ. եւ ոչ թողուին դադար կենաց Իսրայելի, ոչխար եւ արջառ եւ էշ։

ԴԱՏԱՒՈՐՔ 7:12

Եւ Մադիամ եւ Ամաղէկ եւ ամենայն որդիքն արեւելեայց բանակեալ էին ի ծործորսն իբրեւ զմարախ բազմութեամբ. եւ ուղտուց նոցա ոչ գոյր թիւ, այլ էին իբրեւ զաւազ առ եզերբ ծովու բազմութեամբ։

ԴԱՏԱՒՈՐՔ 8:10

Եւ Զեբէի եւ Սաղմանա էին ի Կարկար, եւ բանակ նոցա ընդ նոսա, իբրեւ հնգետասան հազար այր ընդ ամենայն՝ որ մնացեալ էին յամենայն բանակէ որդւոցն արեւելից. եւ անկեալք էին հարեւր եւ քսան հազար արանց սուսերամերկաց։