ԴԱՏԱՒՈՐՔ 6:26 - Գրաբար Աստվածաշունչ (1895)

²⁶ Եւ շինեսցես սեղան Տեառն Աստուծոյ քում, որ երեւեցաւ քեզ ի գլուխ լերինն Մանովզայ, ի տեղւոջ պատերազմին՝՝. եւ առցես զեզն զերկրորդ, եւ հանցես յողջակէզ փայտիւք անտառին զոր կոտորեսցես։

ԴԱՏԱՒՈՐՔ 6:26 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:18

Եւ եկն Գադ առ Դաւիթ յաւուր յայնմիկ եւ ասէ ցնա. Ել եւ կանգնեա Տեառն սեղան ի կալն Ոռնեայ Յեբուսացւոյ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:22

Եւ ասէ Ոռնա ցԴաւիթ. Առցէ եւ մատուսցէ տէր իմ արքայ Տեառն, որպէս եւ հաճոյ իցէ առաջի աչաց նորա. ահաւասիկ եզինքս յողջակէզ, եւ անիւքդ եւ կահ եզանցդ ի փայտ։

ԵԼՔ 34:13

Զբագինս նոցա կործանեսջիք, եւ զարձանս նոցա փշրեսջիք, եւ զանտառս նոցա կոտորեսջիք, եւ զդրօշեալս դից նոցա հրով այրեսջիք։՝՝

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 14:33

Զի ոչ եթէ խռովութեան է Աստուած, այլ՝ խաղաղութեան, որպէս յամենայն եկեղեցիս սրբոց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 14:40

Եւ ամենեայն ինչ ձեր պարկեշտութեամբ եւ ըստ կարգի լինիցի։ ՎՋ

ԴԱՏԱՒՈՐՔ 6:25

Եւ եղեւ ի գիշերին յայնմիկ եւ ասէ ցնա Տէր. Առ դու քեզ զեզն պարարակ հօր քո, եւ զեզն երկրորդ զեւթնեմեան. եւ քակեսցես զսեղանն Բահաղու որ է հօր քո, եւ կոտորեսցես զանտառն որ զնովաւ։

ԴԱՏԱՒՈՐՔ 6:27

Եւ ա՛ռ Գեդէոն երեքտասան այր ի ծառայից իւրոց, եւ արար որպէս եւ խօսեցաւ ընդ նմա Տէր. եւ եղեւ իբրեւ երկեաւ ի տանէ հօր իւրոյ եւ յարանց քաղաքին առնել ի տուէ, արար գիշերի։

ԹԱԳԱՒՈՐՈՒԹԵԱՆՑ ԱՌԱՋԻՆ 6:14

Եւ սայլն եմուտ յանդաստանն Յեսուայ Բեթսամիւսացւոյ. եւ կանգնեցին անդ առ նովաւ՝՝ վէմ մի մեծ, եւ պատառեցին զփայտ սայլին, եւ զերինջսն հանին յողջակէզս Տեառն։