ԴԱՏԱՒՈՐՔ 6:25 - Գրաբար Աստվածաշունչ (1895)

²⁵ Եւ եղեւ ի գիշերին յայնմիկ եւ ասէ ցնա Տէր. Առ դու քեզ զեզն պարարակ հօր քո, եւ զեզն երկրորդ զեւթնեմեան. եւ քակեսցես զսեղանն Բահաղու որ է հօր քո, եւ կոտորեսցես զանտառն որ զնովաւ։

ԴԱՏԱՒՈՐՔ 6:25 ပူးပေါင်းရင်းမြစ်များ

ԾՆՈՒՆԴՔ 35:2

Եւ ասէ Յակոբ ցընտանիս իւր եւ ցամենեսին որ ընդ նմա էին. Ի բաց առէք զաստուածսդ օտարոտիս որ ընդ ձեզ են ի միջոյ ձերմէ, եւ սրբեցարուք, եւ փոխեցէք զպատմուճանս ձեր։

ԹԱԳԱՒՈՐՈՒԹԵԱՆՑ ԵՐՐՈՐԴ 18:21

Եւ մերձեցոյց Եղիա զամենայն՝՝ ժողովուրդն, եւ ասէ ցնոսա Եղիա. Մինչեւ ցե՞րբ կաղայք յերկուս հետս. եթէ Տէր է Աստուած, երթայք զհետ նորա, եւ եթէ Բահաղն իցէ, երթայք զհետ նորա։ Եւ ոչ ետ ժողովուրդն նմա պատասխանի։

ԳԻՐՔ ՅՈԲԱՅ 22:23

Եւ եթէ դարձցիս եւ խոնարհեցուսցես զանձն քո առաջի Տեառն,՝՝ հեռի արարեր ի յարկէ քումմէ զանիրաւութիւն։

ԳԻՐՔ ՍԱՂՄՈՍԱՑ 101:2

Տէր, լուր աղօթից իմոց, աղաղակ իմ առ քեզ եկեսցէ։

ԵԼՔ 34:13

Զբագինս նոցա կործանեսջիք, եւ զարձանս նոցա փշրեսջիք, եւ զանտառս նոցա կոտորեսջիք, եւ զդրօշեալս դից նոցա հրով այրեսջիք։՝՝

Մատթեոսի Աւետարան 10:37

Որ սիրէ զհայր կամ զմայր առաւել քան զիս՝ ոչ է ինձ արժանի. եւ որ սիրէ զուստր կամ զդուստր առաւել քան զիս՝ չէ ինձ արժանի։

Մատթեոսի Աւետարան 6:24

Ոչ ոք կարէ երկուց տերանց ծառայել. կա՛մ զմին ատիցէ եւ զմեւսն սիրիցէ, կա՛մ զմին մեծարիցէ եւ զմեւսն արհամարհիցէ. ոչ կարէք Աստուծոյ ծառայել եւ մամոնայի։

ԳՈՐԾՔ ԱՌԱՔԵԼՈՑ 4:19

Իսկ Պետրոս եւ Յովհաննէս պատասխանի ետուն եւ ասեն ցնոսա. Եթէ արժան իցէ առաջի Աստուծոյ ձեզ լսել առաւել քան Աստուծոյ, ընտրեցէք։

ԳՈՐԾՔ ԱՌԱՔԵԼՈՑ 5:29

Պատասխանի ետ Պետրոս եւ առաքեալքն եւ ասեն. Հնազանդել պարտ է Աստուծոյ առաւել քան մարդկան։

ԵՐԿՐՈՐԴՈՒՄՆ ՕՐԻՆԱՑ 7:5

Այլ այսպէս արասջիք նոցա. զբագինս նոցա կործանեսջիք, եւ զարձանս նոցա փշրեսջիք, եւ զանտառս նոցա կոտորեսջիք, եւ զդրօշեալս նոցա այրեսջիք հրով։

ԴԱՏԱՒՈՐՔ 2:11

Եւ արարին որդիքն Իսրայելի չար առաջի Տեառն, եւ պաշտեցին զԲահաղիմ.

ԴԱՏԱՒՈՐՔ 3:7

Եւ արարին որդիքն Իսրայելի չար առաջի Տեառն, եւ մոռացան զՏէր Աստուած իւրեանց եւ պաշտեցին զԲահաղ եւ զանտառսն։

ԴԱՏԱՒՈՐՔ 6:26

Եւ շինեսցես սեղան Տեառն Աստուծոյ քում, որ երեւեցաւ քեզ ի գլուխ լերինն Մանովզայ, ի տեղւոջ պատերազմին՝՝. եւ առցես զեզն զերկրորդ, եւ հանցես յողջակէզ փայտիւք անտառին զոր կոտորեսցես։