ԴԱՏԱՒՈՐՔ 6:21 - Գրաբար Աստվածաշունչ (1895)

²¹ Եւ ձգեաց հրեշտակն Տեառն զծայր գաւազանին որ ի ձեռին իւրում, եւ հասոյց ի միսն եւ ի բաղարջսն. եւ բորբոքեցաւ հուր ի վիմէ անտի, եւ եկեր զմիսն եւ զբաղարջսն. եւ հրեշտակն Տեառն գնաց յաչաց նորա։

ԴԱՏԱՒՈՐՔ 6:21 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 18:38

Եւ անկաւ հուր ի Տեառնէ յերկնից, եւ եկեր զողջակէզսն եւ զշերտսն, եւ զհողն եւ զջուրն որ ի ծովուն լափեաց հուրն։

ՄՆԱՑՈՐԴԱՑ ԱՌԱՋԻՆ 21:26

Եւ շինեաց Դաւիթ անդ սեղան Տեառն, եւ եհան ողջակէզս եւ վասն փրկութեան՝՝. եւ գոչեաց առ Տէր, եւ լուաւ նմա հրով յերկնից ի վերայ սեղանոյ ողջակիզին, եւ ծախեաց զողջակէզսն։՝՝

ՄՆԱՑՈՐԴԱՑ ԵՐԿՐՈՐԴ 7:1

Եւ իբրեւ կատարեաց Սողոմոն զաղօթսն, հուր էջ յերկնից եւ եկեր զողջակէզսն եւ զզոհսն. եւ փառքն Տեառն լցին զտունն։

ՄԱՐԳԱՐԷՈՒԹԻՒՆ ԵՍԱՅԵԱՅ 38:7

Եւ այս քեզ նշան ի Տեառնէ, թէ առնիցէ Աստուած զբանդ զայդ զոր խօսեցաւ.

ՂԵՒՏԱԿԱՆ 9:24

Եւ ել հուր ի Տեառնէ, եւ եկեր որ ինչ կայր ի վերայ սեղանոյն, զողջակէզն եւ զճարպն. եւ ետես ամենայն ժողովուրդն եւ զարհուրեցաւ, եւ անկան ի վերայ երեսաց իւրեանց։

ԴԱՏԱՒՈՐՔ 13:19

Եւ ա՛ռ Մանովէ զուլն այծեաց զզոհն, եւ մատոյց ի վերայ վիմին՝ Տեառն սքանչելարարի՝՝. եւ Մանովէ եւ կին նորա հայէին։

ԴԱՏԱՒՈՐՔ 13:20

Եւ եղեւ ընդ ամբառնալ բոցոյն ի վերուստ ի սեղանոյն յերկինս՝ ամբարձաւ հրեշտակն Տեառն բոցով սեղանոյն, եւ Մանովէ եւ կին նորա հայէին. եւ անկան ի վերայ երեսաց իւրեանց յերկիր։

ԴԱՏԱՒՈՐՔ 6:20

Եւ ասէ ցնա հրեշտակն Տեառն. Առ դու զմիսդ եւ զհացդ բաղարջ, եւ դիր ի վերայ վիմին այնորիկ, եւ հեղ զարգանակն։ Եւ արար այնպէս։