ԴԱՏԱՒՈՐՔ 6:11 - Գրաբար Աստվածաշունչ (1895)

¹¹ Եւ եկն հրեշտակ Տեառն, եւ նստաւ ընդ կաղնեաւն որ էր յԵփրա Յովասու, հօր Եսրեայ, եւ Գեդէոն որդի նորա ծեծէր ցորեան ի կալ, փախչել՝՝ յերեսաց Մադիամու։

ԴԱՏԱՒՈՐՔ 6:11 ပူးပေါင်းရင်းမြစ်များ

ԾՆՈՒՆԴՔ 16:7

Եգիտ զնա հրեշտակ Տեառն յաղբեւր ջուրց յանապատի անդ, յաղբեւրն որ ի ճանապարհին Սուրայ է։

ԾՆՈՒՆԴՔ 48:16

հրեշտակն որ փրկեաց զիս յամենայն չարեաց, օրհնեսցէ զմանկունս զայսոսիկ, եւ կոչեսցի ի սոսա անուն իմ եւ անուն հարց իմոց, Աբրահամու եւ Իսահակայ, եւ օրհնեսցին ի բազմութիւն յոյժ ի վերայ երկրի։

ԹԱԳԱՒՈՐՈՒԹԵԱՆՑ ԵՐՐՈՐԴ 19:19

Եւ գնաց անտի, եւ եգիտ զԵղիսէ որդի Սափատայ, եւ նա վարէր երկոտասան եզամբք. եւ զոյգք զոյգք եզանց առաջի նորա, եւ ինքն ի վերայ երկոտասանիցն՝՝. եւ եհաս Եղիա առ նա, եւ ընկէց զմաշկեակն իւր ի վերայ նորա.

ՄԱՐԳԱՐԷՈՒԹԻՒՆ ԵՍԱՅԵԱՅ 63:9

Ոչ պատգամաւոր ոք եւ ոչ հրեշտակ, այլ ինքնին Տէր՝՝ փրկեաց զնոսա. վասն սիրելոյ զնոսա եւ խնայելոյ ի նոսա ինքնին փրկեաց զնոսա, եւ վերացոյց զնոսա եւ բարձրացոյց զամենայն աւուրս յաւիտենից։

ԹԻՒՔ 26:30

Եւ որդիք Գաղաադու՝ Աքիեզեր, եւ գունդ մի Աքիեզերայ. Քեղէգ, եւ գունդ մի Քեղեգեայ.

ԱՌ ԵԲՐԱՅԵՑԻՍ ԹՈՒՂԹ 11:32

Եւ արդ զի՞նչ եւս ասացից. զի չէ բաւական ժամանակս պատմելոյ վասն Գեդէոնի, Բարակայ, Սամփսոնի, Յեփթայեայ, Դաւթի եւ Սամուելի եւ այլոց մարգարէիցն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:2

Եւ եղեւ այլոց որդւոցն Մանասէի, ըստ տոհմից իւրեանց, որդւոցն Աքիեզերայ եւ որդւոցն Քեղկեայ եւ որդւոցն Եսրիելայ եւ որդւոցն Սիւքեմայ եւ որդւոցն Սեմիդայեայ, եւ որդւոցն Ոփերայ, սոքա են որդիք Մանասէի որդւոյ Յովսեփայ արուք ըստ տոհմից իւրեանց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:23

եւ Կարեմ եւ Քափերամին եւ Գաբաա.

ԴԱՏԱՒՈՐՔ 13:3

Եւ երեւեցաւ հրեշտակ Տեառն կնոջն, եւ ասէ ցնա. Ահաւադիկ դու ամուլ ես եւ ոչ է քո ծնեալ, եւ յղասցիս եւ ծնցիս որդի։

ԴԱՏԱՒՈՐՔ 13:6

Եւ եմուտ կինն եւ ասէ ցայր իւր, եթէ՝ Այր Աստուծոյ եկն առ իս, եւ տեսիլ նորա իբրեւ զտեսիլ հրեշտակի Աստուծոյ երեւելի յոյժ. եւ՝՝ հարցի ցնա թէ՝ Ուստի՛ ես, եւ զանուն իւր ոչ պատմեաց ինձ։

ԴԱՏԱՒՈՐՔ 5:23

Նզովեցէք զՄարովզ, ասէ հրեշտակն Տեառն, անիծանելով անիծէք զբնակիչս նորա, զի ոչ եկին յօգնականութիւն Տեառն, օգնական Տէր ի մէջ նահատակաց հզօրն՝՝։

ԴԱՏԱՒՈՐՔ 6:12

Եւ երեւեցաւ նմա հրեշտակ Տեառն եւ ասէ ցնա. Տէր ընդ քեզ, հզօր զօրութեամբ։

ԴԱՏԱՒՈՐՔ 8:2

Եւ ասէ ցնոսա. Արդ զի՞նչ ինչ արարի իբրեւ զձեզ. ո՞չ ապաքէն լաւագոյն է ճռաքաղութիւնդ Եփրեմի քան զկութսն Աբիեզերայ։

ԴԱՏԱՒՈՐՔ 9:5

Եւ եմուտ ի տուն հօր իւրոյ յԵփրա, եւ կոտորեաց զեղբարս իւր զորդիսն Յերոբաաղայ արս եւթանասուն, ի վերայ վիմի միոյ. եւ մնաց Յովաթամ որդի Յերոբաաղայ կրտսեր, քանզի թաքեաւ։