ԴԱՏԱՒՈՐՔ 5:30 - Գրաբար Աստվածաշունչ (1895)

³⁰ ոչ գտանիցեն զնա աւարաբաշխք, առնել սէր բարեկամաց ի գլուխ արանց։ Եւ եգել զաղիս նորա կապուտ երանգոցն՝ Սիսարայ, կապուտ երանգոցն գոյնագոյն նկարուց, նարօտ պէսպէս նկարուց. այն էր պարանոցին նորա կապուտ՝՝։

ԴԱՏԱՒՈՐՔ 5:30 ပူးပေါင်းရင်းမြစ်များ

ԾՆՈՒՆԴՔ 37:3

Բայց՝՝ Իսրայէլ սիրէր զՅովսէփ առաւել քան զամենայն որդիսն իւր, քանզի որդի ծերութեան էր նորա. եւ արար նմա պատմուճան ծաղկեայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 13:18

Եւ էր զնովաւ պարեգօտք ասղնագործք եւ կոճկէնք՝՝, զի այնպէս զգենուին դստերք թագաւորաց կոյսք զձորձս իւրեանց. եւ եհան զնա սպասաւորն արտաքս, եւ փակեաց զդուրսն զկնի նորա։

ԳԻՐՔ ՅՈԲԱՅ 20:5

Զի ուրախութիւն ամպարշտաց բեկումն անհնարին, եւ խնդութիւն անօրինաց՝ կորուստ։

ԳԻՐՔ ՍԱՂՄՈՍԱՑ 68:12

Արարի զհանդերձս իմ քուրձ, եւ եղէ յառակ նոցա։

ԵԼՔ 15:9

Ասաց թշնամին. Հալածեցից եւ հասից, բաժանեցից զաւարն, եւ լցուցից ի նոցանէ զանձն իմ. սատակեցից սրով իմով, տիրեսցէ նոցա՝՝ ձեռն իմ։

ԵԼՔ 27:16

Եւ դրան սրահին վարագոյր՝ քսան կանգուն ի բարձրութիւն, ի կապուտակէ եւ ի ծիրանւոյ եւ ի կարմրոյ մանելոյ եւ ի բեհեզոյ նիւթելոյ, նկարէն յասղնագործաց. եւ սիւնք նոցա չորք եւ խարիսխք նոցա չորք։

ԱՌԱԿՔ ՍՈՂՈՄՈՆԻ 16:19

Լաւ է հանդարտասիրտն խոնարհութեամբ, քան զայն որ բաժանէ զաւար ընդ թշնամանօղս։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 9:2

Ժողովուրդ որ գնայր ընդ խաւար՝ ետես լոյս մեծ, եւ որ բնակեալ էք յաշխարհի եւ ի ստուերս մահու՝ լոյս ծագեսցէ ձեզ։

ԴԱՏԱՒՈՐՔ 5:19

Հասին թագաւորք եւ ճակատեցան. յայնժամ տագնապեցան թագաւորք Քանանացւոց ի Թանաք ի վերայ ջրոց Մակեդդովայ. զագահութիւն արծաթոյ ես ոչ առի՝՝։

ԴԱՏԱՒՈՐՔ 5:29

Կանայք իմաստունք իշխանաց նորա ետուն անդրէն պատասխանի նմա եւ ասեն՝՝. եւ ինքնին անձամբ անձին առնէր իւր պատասխանի.