27 Ի մէջ ոտից նորա անկաւ ծանրացեալ, եւ նիրհեցոյց ի մէջ ծնգաց իւրոց, յորում կորացաւ՝ մինչեւ զգետնեցաւ, անդ անկաւ չուառականն։
Ո՜ տացէ ի Սիոնէ զփրկութիւն Իսրայելի. ի դարձուցանել Տեառն զգերութիւն ժողովրդեան իւրոյ, ցնծասցէ Յակոբ եւ ուրախ եղիցի Իսրայէլ։
զի որով դատաստանաւ դատիք՝ դատելոց էք. եւ որով չափով չափէք՝ չափեսցի ձեզ։
Զի անողորմ դատաստան լինելոց է այնմ որ ոչ առնիցէ զողորմութիւն, քանզի բարձր ի գլուխ պարծի ողորմութիւն առ դատաստանաւն։
Զձեռն իւր ձախ ձգեաց ի ցիցն, եւ զաջ իւր ի սպառսպուռ ջախջախանս անպիտանացուցանել՝՝, եւ վախճանեցոյց զՍիսարա. վարսեաց ընդ ծամելիս նորա եւ անցոյց ցից ընդ գլուխ նորա եւ սատակեաց։
Մայրն Սիսարայ հայեցեալ դէտ ակն ունէր ի վանդակապատ պատուհանէն, քանզի տեսանէր զդարձեալսն ի Սիսարայ, վասն զի՝՝ յետնեցան կառք նորա ի գալոյ։ Ընդէ՞ր յամեցին հետք կառաց նորա։