ԴԱՏԱՒՈՐՔ 4:11 - Գրաբար Աստվածաշունչ (1895)

¹¹ Եւ մերձաւորք Կինեցւոյն մեկնեցան՝՝ ի Կինեայ՝ յորդւոցն Յովբաբայ աներոյն Մովսիսի, եւ եհար զխորան իւր առ կաղնեաւն հանգուցելոցն՝ որ է մերձ ի Կադէս։

ԴԱՏԱՒՈՐՔ 4:11 ပူးပေါင်းရင်းမြစ်များ

ԵԼՔ 18:1

Եւ լուաւ Յոթոր քուրմ Մադիամու աներ Մովսիսի զամենայն զոր արար Տէր ընդ Մովսիսի եւ Իսրայելի ժողովրդեան իւրում, զի եհան Տէր զԻսրայէլ յԵգիպտոսէ։

ԵԼՔ 2:18

Եւ եկին առ Հռագուէլ հայրն իւրեանց եւ նա ասէ ցնոսա. Զի՞ է զի յարեւու եկիք այսօր։

ԵԼՔ 3:1

Եւ Մովսէս արածէր զխաշինս Յոթորայ աներոյ իւրոյ՝ քրմին Մադիանացւոց. եւ ած զխաշինսն յանապատ, եւ եկն ի լեառնն Աստուծոյ ի Քորեբ։

ԹԻՒՔ 10:29

Եւ ասէ Մովսէս ցՅոբաբ որդի Հռագուելի Մադիանացի, ցաներն Մովսիսի. Ահա մեք չուեմք ի տեղին զոր ասաց Տէր տալ զնա մեզ. եկ ընդ մեզ, եւ բարի արասցուք քեզ. զի Տէր խոստացաւ բարութիւնս Իսրայելի։

ԹԻՒՔ 10:32

Եւ եղիցի թէ երթայցես ընդ մեզ, եւ լինիցին բարութիւնքն զոր ինչ արասցէ մեզ Տէր, բարի արասցուք եւ քեզ։

ԹԻՒՔ 24:21

Եւ տեսեալ զԿինեցին, ամբարձեալ զառակս իւր ասէ. Հզօր է բնակութիւն քո, եւ թէ դիցես ի քարանձաւս զբոյն քո.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:33

Եւ եղեն սահմանք նոցա Մեեղեփ եւ Մայեղովմ եւ Բերսանայիմ եւ Արմէ եւ՝՝ Նագեբ եւ Յաբնեղ մինչեւ ցՂակում. եւ եղեն ելք նոցա Յորդանան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:37

եւ Կադէս եւ Եդրային եւ Ակնասովր

ԴԱՏԱՒՈՐՔ 1:16

Եւ որդիքն Յոբաբայ Կինեցւոյ աներոյն Մովսիսի ելին ի քաղաքէն Արմաւենեաց առ որդիսն Յուդայ ի յանապատն Յուդայ, որ է ի հարաւոյ Յուդայ, առ զառիվայրին՝՝ Արադայ, եւ գնացին բնակեցան ընդ ժողովրդեանն։

ԴԱՏԱՒՈՐՔ 4:12

Եւ ազդ եղեւ Սիսարայ եթէ ել Բարակ որդի Աբինէեմայ ի լեառն Թաբովր։

ԴԱՏԱՒՈՐՔ 4:6

Եւ առաքեաց Դեբովրա եւ կոչեաց զԲարակ զորդի Աբինէեմայ ի Կադեսայ Նեփթաղիմի, եւ ասէ ցնա. Ո՞չ ապաքէն հրաման ետ քեզ Տէր Աստուած Իսրայելի, եւ երթիցես՝՝ ի լեառն Թաբովր, եւ առցես ընդ քեզ տասն հազար արանց յորդւոցն Նեփթաղիմայ եւ յորդւոցն Զաբուղոնի.

ԹԱԳԱՒՈՐՈՒԹԵԱՆՑ ԱՌԱՋԻՆ 15:6

Եւ ասէ Սաւուղ ցԿինեցին. Երթ խոյս տուր ի միջոյ Ամաղեկացւոյն, զի մի՛ սատակեցից զքեզ ընդ նմա. եւ դու արարեր ողորմութիւն ընդ ամենայն որդիսն Իսրայելի յելանելն նոցա յԵգիպտոսէ։ Եւ խոյս ետ Կինեցին ի միջոյ Ամաղեկայ։

ԹԱԳԱՒՈՐՈՒԹԵԱՆՑ ԱՌԱՋԻՆ 27:10

Եւ ասէր Անքուս ցԴաւիթ. Որո՞ւմ կողման արշաւեցէք այսօր։ Եւ ասէ Դաւիթ ցԱնքուս. Ի կողմանս հարաւոյ Հրէաստանի, եւ ի կողմանս Յերամելի, եւ ի կողմանս Կենեզայ։