ԴԱՏԱՒՈՐՔ 21:4 - Գրաբար Աստվածաշունչ (1895)

⁴ Եւ եղեւ ի վաղիւ անդր կանխեաց ժողովուրդն եւ շինեցին անդ սեղան, եւ մատուցին զողջակէզս փրկութեան։

ԴԱՏԱՒՈՐՔ 21:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:18

Եւ եկն Գադ առ Դաւիթ յաւուր յայնմիկ եւ ասէ ցնա. Ել եւ կանգնեա Տեառն սեղան ի կալն Ոռնեայ Յեբուսացւոյ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:25

Եւ շինեաց անդ Դաւիթ սեղան Տեառն Աստուծոյ, եւ եհան ողջակէզս եւ խաղաղականս ի վերայ նորա։ Եւ յաւել Սողոմոն ի սեղանն յետոյ, զի փոքր էր զառաջինն։ Եւ լուաւ Տէր՝՝ երկրին, եւ արգելաւ սատակումն յԻսրայելէ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:64

Յաւուր յայնմիկ սրբեաց արքայ զմիջոց սրահին որ հանդէպ տանն Տեառն. զի անդ արար զողջակէզսն եւ զպատարագսն եւ զզոհսն եւ զճարպսն խաղաղականաց. զի սեղանն պղնձի որ առաջի Տեառն կայր՝ փոքր էր. եւ ոչ կարէր ընդունել զողջակէզսն եւ զպատարագս եւ զզոհս խաղաղականաց։

ՄԱՐԳԱՐԷՈՒԹԻՒՆ ՈՎՍԵԱՅ 5:15

Գնացից եւ դարձայց ի տեղի իմ, մինչեւ ապականեսցին, եւ խնդրեսցեն զերեսս իմ. ի նեղութեան իւրեանց կանխեսցեն առ իս։

ԵՐԿՐՈՐԴՈՒՄՆ ՕՐԻՆԱՑ 12:5

այլ ի տեղւոջն զոր ընտրեսցէ Տէր Աստուած ձեր ի միում ի ցեղից ձերոց, անուանել զանուն իւր եւ կոչել ի նմա՝՝, խնդրեսջիք եւ մտջիք անդր.

ԱՌ ԵԲՐԱՅԵՑԻՍ ԹՈՒՂԹ 13:10

Ունիմք մեք սեղան, ուստի ոչ ունին իշխանութիւն ճաշակել որք պաշտեն զպաշտօն խորանին.

ԴԱՏԱՒՈՐՔ 20:26

Եւ ելին ամենայն որդիքն Իսրայելի եւ ամենայն ժողովուրդն եւ եկին ի Բեթէլ. եւ նստան լացին առաջի Տեառն, եւ պահեցին յաւուր յայնմիկ, եւ մատուցին ողջակէզս փրկութեան առաջի Տեառն.

ԴԱՏԱՒՈՐՔ 21:3

Եւ ասեն. Ընդէ՞ր, Տէր Աստուած Իսրայելի, եղեւ այս յԻսրայէլ, բնաջինջ լինել այսօր յԻսրայելէ ցեղի միոյ։

ԴԱՏԱՒՈՐՔ 6:24

Եւ շինեաց անդ Գեդէոն սեղան Տեառն, եւ կոչեաց զնա Խաղաղութիւն Տեառն մինչեւ ցայսօր. եւ մինչդեռ ինքն անդէն էր՝՝ յԵփրա հօր իւրոյ Եսրեայ։

ԴԱՏԱՒՈՐՔ 6:26

Եւ շինեսցես սեղան Տեառն Աստուծոյ քում, որ երեւեցաւ քեզ ի գլուխ լերինն Մանովզայ, ի տեղւոջ պատերազմին՝՝. եւ առցես զեզն զերկրորդ, եւ հանցես յողջակէզ փայտիւք անտառին զոր կոտորեսցես։

ԹԱԳԱՒՈՐՈՒԹԵԱՆՑ ԱՌԱՋԻՆ 7:17

Եւ դարձ իւր էր յԱրիմաթեմ, զի անդ էր տուն նորա. եւ անդ դատէր զԻսրայէլ, եւ շինեաց անդ սեղան Տեառն։