ԴԱՏԱՒՈՐՔ 21:15 - Գրաբար Աստվածաշունչ (1895)

¹⁵ Եւ ժողովուրդն մխիթարեցաւ ի վերայ Բենիամինի. զի արար Տէր խրամատութիւն ի մէջ ցեղիցն Իսրայելի։

ԴԱՏԱՒՈՐՔ 21:15 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 13:11

Եւ տրտմեցաւ Դաւիթ, վասն զի խրամատեաց Տէր խրամատութիւն յՈզա. եւ կոչեաց զտեղին զայն Խրամատութիւն Ոզայ մինչեւ յօրս յայս։

ՄՆԱՑՈՐԴԱՑ ԱՌԱՋԻՆ 15:13

Ո՞չ ապաքէն՝՝ զի ոչ էիք դուք յառաջ, խրամատեաց Աստուած ձեր՝՝ ի մեզ, վասն զի ոչ խնդրեցաք իրաւամբք զնա։

ՄԱՐԳԱՐԷՈՒԹԻՒՆ ԵՍԱՅԵԱՅ 30:13

Վասն այնորիկ եղիցին ձեզ մեղքդ այդոքիկ իբրեւ զպարիսպ կործանեալ առժամայն ամուր քաղաքի առելոյ՝՝, որում յանկարծակի հասանիցէ կործանումն։

ՄԱՐԳԱՐԷՈՒԹԻՒՆ ԵՍԱՅԵԱՅ 58:12

Եւ շինեսցին աւերակք քո յաւիտենից, եւ եղիցին հիմունք քո մշտնջենաւորք, ազգաց յազգս՝՝ կանգնեսջիր, եւ կոչեսջիր Խրամակարկատ ցանգոյ, եւ զընդմիջնաշաւիղս նոցա դադարեցուսցես՝՝։

ԴԱՏԱՒՈՐՔ 21:14

Եւ դարձաւ Բենիամին ի ժամանակին յայնմիկ առ որդիսն Իսրայելի՝՝. եւ ետուն նոցա կանայս զայնոսիկ որ էին ի կանանցն Յաբիսայ Գաղաադու. եւ հաճոյ թուեցաւ նոցա այնպէս՝՝։

ԴԱՏԱՒՈՐՔ 21:16

Եւ ասեն ծերք ժողովրդեանն. Զի՞նչ արասցուք եւ վասն այլոց անկանանցն. զի սատակեցաւ կին ի Բենիամինէ։

ԴԱՏԱՒՈՐՔ 21:17

Եւ ասեն. Ժառանգութիւն զերծեալ է ի Բենիամինէ, եւ մի՛ ջնջեսցի ցեղն յԻսրայելէ.

ԴԱՏԱՒՈՐՔ 21:6

Եւ մխիթարեցան որդիքն Իսրայելի ի վերայ Բենիամինի եղբօր իւրեանց, եւ ասեն. Բարձաւ այսօր ցեղ մի յԻսրայելէ։