ԴԱՏԱՒՈՐՔ 21:13 - Գրաբար Աստվածաշունչ (1895)

¹³ Եւ առաքեաց ամենայն ժողովուրդն եւ խօսեցան ընդ որդիսն Բենիամինի որ էին ի վիմին Ռեմոնայ, եւ կոչեցին զնոսա ի խաղաղութիւն։

ԴԱՏԱՒՈՐՔ 21:13 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՍԱՅԵԱՅ 57:19

Հաստատեցի պտուղ՝՝. խաղաղութիւն ի վերայ խաղաղութեան՝ հեռաւորաց եւ մերձաւորաց, ասէ Տէր, եւ ես բժշկեցից զնոսա։

ԱՒԵՏԱՐԱՆ ԸՍՏ ՂՈՒԿԱՍՈՒ 10:5

Յոր տուն մտանիցէք, նախ ասասջիք թէ՝ Ողջոյն տանս այսմիկ.

ԱՌ ԵՓԵՍԱՑԻՍ ԹՈՒՂԹ 2:17

Եւ եկն աւետարանեաց խաղաղութիւն ձեզ հեռաւորաց, եւ խաղաղութիւն՝ մերձաւորաց.

ԵՐԿՐՈՐԴՈՒՄՆ ՕՐԻՆԱՑ 20:10

Եւ եթէ մերձենայցես ի քաղաք տալ պատերազմ ընդ նմա, կոչեսցես զնոսա ի խաղաղութիւն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:32

եւ Ղամովթ եւ Սէղէմի եւ Ռեմոն. քաղաքք քսանեւինն եւ աւանք նոցա։

ԴԱՏԱՒՈՐՔ 20:45

Եւ տեսեալ մնացորդացն փախեան յանապատն ապաստան ի վէմն Ռեմոնայ. եւ ճռաքաղ արարին ի նմանէ ի ճանապարհին հազարս հինգ արանց. եւ պնդեցան զհետ նոցա մինչեւ ցԳաղաադ, եւ հարին ի Բենիամինէ երկուս հազարս արանց։

ԴԱՏԱՒՈՐՔ 20:47

Եւ խուսեալ մնացորդացն փախեան յանապատն ապաստան ի վէմն Ռեմոնայ՝ արք վեց հարեւր. եւ նստան ի վիմին Ռեմոնի չորս ամիսս։

ԴԱՏԱՒՈՐՔ 21:12

Եւ գտին ի տանէ Յաբիսայ Գաղաադու չորեք հարեւր աղջիկ կոյս որ ոչ գիտէին զայր յանկողինս արուի. եւ ածին զնոսա ի բանակն ի Սելով, որ է յերկրին Քանանու։

ԴԱՏԱՒՈՐՔ 21:14

Եւ դարձաւ Բենիամին ի ժամանակին յայնմիկ առ որդիսն Իսրայելի՝՝. եւ ետուն նոցա կանայս զայնոսիկ որ էին ի կանանցն Յաբիսայ Գաղաադու. եւ հաճոյ թուեցաւ նոցա այնպէս՝՝։