ԴԱՏԱՒՈՐՔ 21:10 - Գրաբար Աստվածաշունչ (1895)

¹⁰ Եւ առաքեցին անդր ժողովուրդն երկոտասան հազար արանց յորդւոցն զօրութեան, եւ պատուիրեցին նոցա եւ ասեն. Երթայք եւ հարէք զբնակիչս Յաբիսայ Գաղաադու սրով սուսերի, եւ զկանայս եւ զժողովուրդ։

ԴԱՏԱՒՈՐՔ 21:10 ပူးပေါင်းရင်းမြစ်များ

ԹԻՒՔ 31:17

Եւ արդ կոտորեցէք զամենայն արու յամենայն աղխիդ, եւ զամենայն կին որոյ գիտացեալ է զարութիւն արուի՝ կոտորեցէք։

ԵՐԿՐՈՐԴՈՒՄՆ ՕՐԻՆԱՑ 13:15

կոտորելով կոտորեսջիք զամենայն բնակիչս երկրին այնորիկ կոտորմամբ սրոյ, եւ նզովելով նզովեսջիք զնա եւ զամենայն ինչ որ ի նմա եւ զանասուն նոցա ի բերան սրոյ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:24

Եւ ա՛ռ Յեսու զԱքար զորդի Զարայի, եւ եհան զնա ի ձորն Աքովրայ՝՝, եւ զուստերս նորա եւ զդստերս նորա եւ զարջառ նորա եւ զէշ նորա եւ զամենայն զոչխարս նորա, եւ զվրանս նորա եւ զամենայն ինչս նորա, եւ ամենայն Իսրայէլ ընդ նմա, եւ ած զնոսա յԵմակն Աքովրայ։

ԴԱՏԱՒՈՐՔ 21:5

Եւ ասեն որդիքն Իսրայելի. Ո՞վ է որ ոչ ել յայս եկեղեցի յամենայն ցեղիցն Իսրայելի առ Տէր ի Մասփա. զի երդումն մեծ էր այնմ որ ոչ ելանէր ի Մասփա եւ ասէին թէ՝ Մահու մեռցի։

ԴԱՏԱՒՈՐՔ 21:8

Եւ ասեն. Ո՞ ոք մի ի ցեղիցն Իսրայելի որ ոչ ել առ Տէր ի Մասփա. եւ ահա չէր ոք եկեալ Յաբիսայ Գաղաադու ի բանակ եկեղեցւոյն։

ԴԱՏԱՒՈՐՔ 21:9

Եւ անց ի հանդիսի ժողովուրդն, եւ ոչ գոյր անդ այր ի տանէ Յաբիսայ Գաղաադու։

ԴԱՏԱՒՈՐՔ 5:23

Նզովեցէք զՄարովզ, ասէ հրեշտակն Տեառն, անիծանելով անիծէք զբնակիչս նորա, զի ոչ եկին յօգնականութիւն Տեառն, օգնական Տէր ի մէջ նահատակաց հզօրն՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 11:7

Եւ ա՛ռ երկուս եզինս եւ յօշեաց զնոսա, եւ առաքեաց յամենայն սահմանս Իսրայելի ի ձեռն հրեշտակաց եւ ասէ. Որ ոք ոչ ելանիցէ զհետ Սաւուղայ եւ զհետ Սամուելի, ըստ այդմ օրինակի արասցեն զեզինս նորա։ Եւ անկաւ ահ Տեառն ի վերայ ամենայն ժողովրդեանն Իսրայելի, եւ խրախուսեցին իբրեւ զմի այր։

ԹԱԳԱՒՈՐՈՒԹԵԱՆՑ ԱՌԱՋԻՆ 15:3

Եւ արդ երթ եւ հարցես զԱմաղէկ եւ զՅարիմ եւ՝՝ զամենայն որ ինչ նորա իցէ. եւ մի՛ ապրեցուցանիցես ի նոցանէ, եւ սատակեսցես զնա եւ կորուսցես յառնէ մինչեւ ցկին եւ ի տղայոյ մինչեւ ցստնդիացն, եւ յարջառոյ մինչեւ ցոչխար եւ յուղտուէ մինչեւ ցէշ։