ԴԱՏԱՒՈՐՔ 20:26 - Գրաբար Աստվածաշունչ (1895)

²⁶ Եւ ելին ամենայն որդիքն Իսրայելի եւ ամենայն ժողովուրդն եւ եկին ի Բեթէլ. եւ նստան լացին առաջի Տեառն, եւ պահեցին յաւուր յայնմիկ, եւ մատուցին ողջակէզս փրկութեան առաջի Տեառն.

ԴԱՏԱՒՈՐՔ 20:26 ပူးပေါင်းရင်းမြစ်များ

ԾՆՈՒՆԴՔ 28:19

Եւ կոչեաց Յակոբ զանուն տեղւոյն այնորիկ Տուն Աստուծոյ՝՝. եւ յառաջ անուն էր քաղաքին այնորիկ Լուզա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:35

Եւ եկն ամենայն ժողովուրդն տալ ընթրիս Դաւթի մինչդեռ աւուր կայր. եւ երդուաւ Դաւիթ եւ ասէ. Օն եւ օն արասցէ ինձ Աստուած եւ օն եւ օն յաւելցէ, եթէ ոչ մտանիցէ արեգակն եւ ապա ճաշակեցից հաց, եւ կամ զայլ ինչ ամենայն։

ՄՆԱՑՈՐԴԱՑ ԵՐԿՐՈՐԴ 20:3

Եւ երկեաւ, եւ ետ Յովսափատ զերեսս իւր խնդրել զՏէր, եւ քարոզեաց պահս յամենայն Յուդայ։

ԵԶՐ 8:21

Եւ քարոզեցաք անդ պահս առ եզր գետոյն Առիս, եւ մատուցաք անդ աղօթս առաջի Տեառն Աստուծոյ մերոյ, խնդրել ի նմանէ ճանապարհ ուղղութեան մեզ եւ որդւոց մերոց եւ ամենայնի որ ընդ մեզ.

ՄԱՐԳԱՐԷՈՒԹԻՒՆ ԵՐԵՄԵԱՅ 36:9

Եւ եղեւ յամին հինգերորդի Յովակիմայ որդւոյ Յովսեայ արքայի Յուդայ՝ յամսեանն իններորդի, ժողովեցաւ ի պահս առաջի Տեառն ամենայն ժողովուրդն Երուսաղեմի, եւ ամենայն ժողովուրդն որ գային ի քաղաքացն Յուդայ յԵրուսաղէմ, եւ տունն Յուդայ։՝՝

ՄԱՐԳԱՐԷՈՒԹԻՒՆ ՅՈՎԵԼԱՅ 1:14

Սրբեցէք պահս, քարոզեցէք պաղատանս. ժողովեցէք զծերս, ամենայն բնակիչք երկրիդ, ի տուն Աստուծոյ ձերոյ, եւ աղաղակեցէք առ Տէր սրտի մտօք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:1

Եւ ժողովեաց Յեսու զամենայն ցեղսն Իսրայելի ի Սելով, եւ կոչեաց զամենայն ծերսն Իսրայելի եւ զիշխանս նոցա եւ զդպիրս նոցա եւ զդատաւորս նոցա, եւ կացին առաջի Տեառն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:6

Եւ պատառեաց Յեսու զհանդերձս իւր, եւ անկաւ ի վերայ երեսաց իւրոց յերկիր առաջի տապանակին Տեառն մինչեւ ցերեկոյ, ինքն եւ ծերքն Իսրայելի, եւ արկին հող զգլխովք իւրեանց։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։

ԴԱՏԱՒՈՐՔ 20:23

Եւ ելին որդիքն Իսրայելի եւ լացին առաջի Տեառն մինչեւ ցերեկոյ. եւ հարցին զՏէր եւ ասեն. Եթէ յաւելցո՞ւք մարտնչել ի պատերազմ ընդ Բենիամինի եղբօր մերում։ Եւ ասէ Տէր. Ելէք ի վերայ նոցա։

ԴԱՏԱՒՈՐՔ 20:25

Եւ ել Բենիամին ընդդէմ նոցա ի պատերազմ յաւուրն երկրորդի. եւ սատակեաց միւսանգամ ի ժողովրդենէ անտի ութ հազար արանց յերկիր, ամենեքեան նոքա սուսերաձիգք։

ԴԱՏԱՒՈՐՔ 21:2

Եւ եկին ամենայն ժողովուրդն ի Մասփա՝ ի Բեթէլ, եւ նստան անդ մինչեւ ցերեկոյ առաջի Աստուծոյ, եւ ամբարձին զձայնս իւրեանց եւ լացին լալիւն մեծ։

ԴԱՏԱՒՈՐՔ 21:4

Եւ եղեւ ի վաղիւ անդր կանխեաց ժողովուրդն եւ շինեցին անդ սեղան, եւ մատուցին զողջակէզս փրկութեան։

ԹԱԳԱՒՈՐՈՒԹԵԱՆՑ ԱՌԱՋԻՆ 11:4

Եւ եկին հրեշտակքն ի Գաբաա առ Սաւուղ՝՝, եւ խօսեցան զբանսն յականջս ժողովրդեանն. եւ ամբարձին ժողովուրդն զձայնս իւրեանց եւ լացին։

ԹԱԳԱՒՈՐՈՒԹԵԱՆՑ ԱՌԱՋԻՆ 7:6

Եւ ժողովեցան ի Մասփա եւ հանին ջուր, եւ եհեղ յերկիր առաջի Տեառն. եւ պահեցին յաւուր յայնմիկ, եւ ասեն. Մեղաք առաջի Տեառն։ Եւ դատեցաւ Սամուէլ զորդիսն Իսրայելի ի Մասփա։