ԴԱՏԱՒՈՐՔ 20:17 - Գրաբար Աստվածաշունչ (1895)

¹⁷ Եւ ամենայն այր Իսրայելի անցին ի հանդիսի, առանց որդւոցն Բենիամինի, չորեք հարեւր հազարք արանց սուսերամերկաց, ամենեքին նոքա արք պատերազմօղք։

ԴԱՏԱՒՈՐՔ 20:17 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 21:5

Եւ ետ Յովաբ զթիւ համարոյ ժողովրդեանն՝ Դաւթի. եւ էր ամենայն Իսրայէլ հազարք հազարաց, եւ հարեւր հազար արանց որ ձգէին սուսերս. եւ Յուդաս չորեք հարեւր յիսուն հազար արանց սուսերաւորաց։

ԹԻՒՔ 1:46

եւ եղեն ամենայն անցեալքն ի հանդիսի վեց հարեւր հազար, եւ երեք հազար եւ հինգ հարեւր եւ յիսուն։

ԹԻՒՔ 26:51

Այս է հանդէս որդւոցն Իսրայելի, վեց հարեւր հազար եւ հազար մի եւ եւթն հարեւր եւ երեսուն։

ԴԱՏԱՒՈՐՔ 20:16

երիտասարդք ընտիրք յամենայն ժողովրդենէն, յերկոցունց ձեռացն աջողակք՝՝. ամենեքին նոքա պարսաւորք, որ ձգէին քարինս եւ ի մազէ ոչ վրիպէին։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։

ԴԱՏԱՒՈՐՔ 20:2

Եւ եկաց կողմն՝՝ ամենայն ժողովրդեանն, եւ ամենայն ցեղք Իսրայելի յամենայն եկեղեցւոջ ժողովրդեանն Աստուծոյ, չորեք հարեւր հազար արանց սուսերամերկաց։

ԴԱՏԱՒՈՐՔ 20:22

Եւ զօրացան դարձեալ այր Իսրայելացի, եւ յաւելին ճակատել ի պատերազմի ի տեղւոջ ուր ճակատեցան յաւուրն առաջնում։

ԹԱԳԱՒՈՐՈՒԹԵԱՆՑ ԱՌԱՋԻՆ 11:8

Եւ հանդէս արար նոցա ի Բեզեկ. ամենայն այր Իսրայելացի ելին վեց՝՝ հարեւր հազար, եւ այր Յուդայ եւթանասուն հազար։

ԹԱԳԱՒՈՐՈՒԹԵԱՆՑ ԱՌԱՋԻՆ 15:4

Եւ հրաման ետ Սաւուղ ժողովրդեանն, եւ հանդէս արար նոցա յԱղիմ, չորեք հարեւր հազար դասականաց, եւ երեսուն հազարաց դասականաց՝՝ Յուդայ։