ԴԱՏԱՒՈՐՔ 20:16 - Գրաբար Աստվածաշունչ (1895)

¹⁶ երիտասարդք ընտիրք յամենայն ժողովրդենէն, յերկոցունց ձեռացն աջողակք՝՝. ամենեքին նոքա պարսաւորք, որ ձգէին քարինս եւ ի մազէ ոչ վրիպէին։

ԴԱՏԱՒՈՐՔ 20:16 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 12:2

եւ աղեղամբ յաջուց եւ յահեկաց, եւ պարսաւորք քարամբք եւ նետիւք, յեղբարցն Սաւուղայ ի Բենիամինէ

ՄՆԱՑՈՐԴԱՑ ԵՐԿՐՈՐԴ 26:14

Եւ պատրաստէր նոցա Ոզիաս ամենայն զօրուն՝ վահանս եւ նիզակս եւ սաղաւարտս եւ զրահս եւ աղեղունս եւ պարսս ի քարինս։

ԴԱՏԱՒՈՐՔ 20:17

Եւ ամենայն այր Իսրայելի անցին ի հանդիսի, առանց որդւոցն Բենիամինի, չորեք հարեւր հազարք արանց սուսերամերկաց, ամենեքին նոքա արք պատերազմօղք։

ԴԱՏԱՒՈՐՔ 3:15

Եւ աղաղակեցին որդիքն Իսրայելի առ Տէր. եւ յարոյց նոցա Տէր փրկիչ զԱւովդ որդի Գերեայ՝ զորդի առն Յեմինեցւոյ, զերկոցունց ձեռաց աջողակն՝՝. եւ առաքեցին որդիքն Իսրայելի ի ձեռն նորա պատարագս Եգղոմայ արքայի Մովաբու։

ԹԱԳԱՒՈՐՈՒԹԵԱՆՑ ԱՌԱՋԻՆ 17:40

Եւ ա՛ռ զցուպն իւր ի ձեռին իւրում, եւ ընտրեաց իւր հինգ քարինս ողորկս ի հեղեղատէն, եւ եդ զնոսա ի հովուական մախաղին յոր սովոր էր զքարն ժողովել՝՝, եւ զպարսն ի ձեռին իւրում. եւ մերձեցաւ առ այրն այլազգի։

ԹԱԳԱՒՈՐՈՒԹԵԱՆՑ ԱՌԱՋԻՆ 25:29

Եւ ոչ յարիցէ՝՝ մարդ հալածել զքեզ, եւ խնդրել զանձն քո. եւ եղիցի անձն տեառն իմոյ ծրարեալ ի ծրարի կենաց Տեառն Աստուծոյ՝՝, եւ զանձն թշնամեաց քոց պարսաքարեսցես ի մէջ պարսատկաց։