ԴԱՏԱՒՈՐՔ 20:1 - Գրաբար Աստվածաշունչ (1895)

¹ Եւ ելին ամենայն որդիքն Իսրայելի, եւ եկեղեցացաւ ժողովուրդն իբրեւ զայր մի ի Դանայ մինչեւ ցԲերսաբէէ եւ երկիրն Գաղաադու՝ առ Տէր ի Մասփա։

ԴԱՏԱՒՈՐՔ 20:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:14

Եւ դարձոյց զսիրտ ամենայն Յուդայ իբրեւ զառն միոջ, եւ առաքեցին առ արքայ եւ ասեն. Դարձիր դու եւ ամենայն ծառայք քո։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:9

եւ թագաւորեցոյց զնա ի վերայ Գաղաադաստանի եւ ի վերայ Թասիրայ եւ ի վերայ Յեզրայելի եւ ի վերայ Եփրեմի եւ ի վերայ Բենիամինի, եւ ի վերայ ամենայն Իսրայելի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:2

Եւ ասէ արքայ ցՅովաբ իշխան զօրուն որ ընդ նմա. Շրջեա ընդ ամենայն ցեղսն Իսրայելի՝ ի Դանայ մինչեւ ցԲերսաբէէ, եւ հանդէս արա ժողովրդեանդ, եւ գիտացից զթիւ դոցա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:10

բառնալ զթագաւորութիւնն Սաւուղայ, եւ կանգնել զթագաւորութիւնն Դաւթի ի վերայ Իսրայելի եւ ի վերայ Յուդայ ի Դանայ մինչեւ ցԲերսաբէէ։

ԹԱԳԱՒՈՐՈՒԹԵԱՆՑ ԵՐՐՈՐԴ 5:5

Եւ ահա ես ասեմ շինել տուն անուան Տեառն Աստուծոյ իմոյ, որպէս խօսեցաւ Տէր Աստուած ընդ Դաւթի հօր իմում եւ ասէ. Որդի քո զոր տաց փոխանակ քո յաթոռ քո՝ նա շինեսցէ տուն անուան իմոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:23

Եւ լուան ամենայն իշխանք զօրուն նորա եւ արք նոցա եթէ կացոյց ի վերայ արքայն Բաբելոնի զԳոդողիա. եւ եկին առ Գոդողիա ի Մասփա. Իսմայէլ որդի Նաթանեայ եւ Յովնան որդի Կարէի, եւ Սարայիա որդի Թանայեմայ Սովփաթացի, եւ Յեզոնիա որդի Մաքաթայ, ինքեանք եւ արք իւրեանց։

ՄՆԱՑՈՐԴԱՑ ԱՌԱՋԻՆ 21:2

Եւ ասէ Դաւիթ ցՅովաբ եւ ցիշխանս զօրուն. Երթայք թուեցէք զԻսրայէլ ի Բերսաբէէ մինչեւ ցԴան, եւ բերէք առ իս, եւ գիտացից զթիւ նոցա։

ՄՆԱՑՈՐԴԱՑ ԵՐԿՐՈՐԴ 30:5

եւ հաստատեցին բան, զի անցցեն քարոզքն ընդ ամենայն Իսրայէլ, ի Բերսաբէէ մինչեւ ի Դան, գալ եւ առնել զպասեքն Տեառն Աստուծոյ Իսրայելի յԵրուսաղէմ. վասն զի բազմութիւնն ոչ արար՝՝ ըստ գրոյն։

ԵԶՐ 3:1

Եւ ժամանեաց եհաս ամիսն եւթներորդ. եւ էին որդիքն Իսրայելի յիւրաքանչիւր քաղաքս. եւ ժողովեցան ամենայն ժողովուրդն իբրեւ զմի այր յԵրուսաղէմ։

ԳԻՐՔ ՆԷԵՄԵԱՅ 8:1

Եւ ժողովեցան ամենայն ժողովուրդքն իբրեւ զայր մի ի հրապարակն առաջի դրան ջուրցն, եւ ասացին ցԵզրա գրիչ օրինացն Տեառն՝՝, զի բերցէ զօրէնսն Մովսիսի զոր հրամայեալ է Տեառն Աստուծոյ Իսրայելի։

ՄԱՐԳԱՐԷՈՒԹԻՒՆ ԵՐԵՄԵԱՅ 40:6

Եւ եկն Երեմիա առ Գոդողիա որդի Աքիկամայ ի Մասփա, եւ նստաւ անդ ի մէջ ժողովրդեան երկրին մնացելոյ։

ԹԻՒՔ 32:1

Եւ անասուն բազում էր որդւոցն Իսրայելի, որդւոցն՝՝ Ռուբենի եւ որդւոցն Գադայ զեղեալ յոյժ. եւ տեսին զերկիրն Յազերայ եւ զերկիրն Գաղաադու, եւ էր տեղին տեղի խաշանց։

ԹԻՒՔ 32:40

Եւ ետ Մովսէս զԳաղաադ Մաքիրայ որդւոյ Մանասէի, եւ բնակեցաւ անդ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:38

եւ Դաղաան, եւ Մասփա եւ Յեքթայեղ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:1

Եւ եղեն սահմանք ցեղի որդւոցն Մանասէի, զի նա էր անդրանիկ Յովսեփայ. Մաքիրայ՝ անդրանկանն Մանասէի հօր Գաղաադու, քանզի այր պատերազմօղ էր, Գաղաադայինն եւ Բասանաստան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:26

եւ Մասփա եւ Կեփիրա եւ Ամուսա

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:12

եւ լուան որդիքն Իսրայելի, եւ ժողովեցան որդիքն Իսրայելի ի Սելով, ելանել տալ ընդ նոսա պատերազմ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:9

Եւ դարձան եւ գնացին որդիքն Ռուբենի եւ որդիքն Գադայ եւ կէս ցեղին Մանասէի յորդւոցն Իսրայելի, ի Սելովայ, յերկրէն Քանանացւոց, երթալ յերկիրն Գաղաադու՝ յերկիր կալուածոց իւրեանց զոր ժառանգեցին հրամանաւ Տեառն ի ձեռն Մովսիսի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:13

չորք բեւրք վառեալք ի կռիւ, անցին առաջի Տեառն ի պատերազմ ընդ Երիքով քաղաքի՝՝։

ԴԱՏԱՒՈՐՔ 10:17

Եւ ելին որդիքն Ամոնայ եւ բանակեցան ի Գաղաադ. եւ ելին որդիքն Իսրայելի եւ բանակեցան ի դիտանոցին։

ԴԱՏԱՒՈՐՔ 11:11

Եւ գնաց Յեփթայէ ընդ ծերսն Գաղաադու. եւ կացուցին զնա ժողովուրդն ի վերայ իւրեանց գլուխ եւ առաջնորդ. եւ խօսեցաւ Յեփթայէ զամենայն զբանս իւր առաջի Տեառն ի Մասփա։

ԴԱՏԱՒՈՐՔ 11:34

Եւ եկն Յեփթայէ ի Մասփա ի տուն իւր. եւ ահա դուստր իւր ելանէր ընդ առաջ նորա թմբկօք եւ պարուք. եւ նա էր միամօր սիրելի նորա, եւ ոչ գոյր նորա բաց ի նմանէ ուստր կամ դուստր։

ԴԱՏԱՒՈՐՔ 18:29

Եւ կոչեցին զանուն նորա Դան՝ ըստ անուան հօրն իւրեանց որ եղեւ Իսրայելի. եւ էր անուն քաղաքին յառաջագոյն Լայիսա։

ԴԱՏԱՒՈՐՔ 20:11

Եւ ժողովեցաւ ամենայն Իսրայէլ իբրեւ զայր մի եկեալք ի քաղաքաց։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։

ԴԱՏԱՒՈՐՔ 20:2

Եւ եկաց կողմն՝՝ ամենայն ժողովրդեանն, եւ ամենայն ցեղք Իսրայելի յամենայն եկեղեցւոջ ժողովրդեանն Աստուծոյ, չորեք հարեւր հազար արանց սուսերամերկաց։

ԴԱՏԱՒՈՐՔ 20:26

Եւ ելին ամենայն որդիքն Իսրայելի եւ ամենայն ժողովուրդն եւ եկին ի Բեթէլ. եւ նստան լացին առաջի Տեառն, եւ պահեցին յաւուր յայնմիկ, եւ մատուցին ողջակէզս փրկութեան առաջի Տեառն.

ԴԱՏԱՒՈՐՔ 20:8

Եւ յարեաւ ամենայն ժողովուրդն իբրեւ զայր մի, եւ ասեն. Ոչ մտցուք այր իւրաքանչիւր ընդ յարկաւ իւրով, եւ ոչ խոտորեսցուք այր իւրաքանչիւր ի տուն իւր։

ԴԱՏԱՒՈՐՔ 21:5

Եւ ասեն որդիքն Իսրայելի. Ո՞վ է որ ոչ ել յայս եկեղեցի յամենայն ցեղիցն Իսրայելի առ Տէր ի Մասփա. զի երդումն մեծ էր այնմ որ ոչ ելանէր ի Մասփա եւ ասէին թէ՝ Մահու մեռցի։

ԹԱԳԱՒՈՐՈՒԹԵԱՆՑ ԱՌԱՋԻՆ 10:17

Եւ ժողովեաց Սամուէլ զամենայն ժողովուրդն առ Տէր ի Մասփա։

ԹԱԳԱՒՈՐՈՒԹԵԱՆՑ ԱՌԱՋԻՆ 3:20

Եւ գիտաց ամենայն Իսրայէլ ի Դանայ մինչեւ ցԲերսաբէէ թէ հաւատարիմ է Սամուէլ ի մարգարէ Տեառն։