ԴԱՏԱՒՈՐՔ 2:2 - Գրաբար Աստվածաշունչ (1895)

² Եւ մի՛ դնիցէք ուխտ ընդ բնակիչս երկրիդ այդորիկ. եւ մի՛ ընդ դիս նոցա, եւ մի՛ երկիր պագանիցէք նոցա. այլ զդրօշեալս նոցա խորտակեսջիք, եւ՝՝ զսեղանս նոցա կործանեսջիք. եւ ոչ լուարուք ձայնի իմում. քանզի արարէք զայն։

ԴԱՏԱՒՈՐՔ 2:2 ပူးပေါင်းရင်းမြစ်များ

ԾՆՈՒՆԴՔ 12:18

Կոչեաց փարաւոն զԱբրամ, եւ ասէ ցնա. Զի՞նչ գործեցեր զայդ ընդ իս, զի ոչ պատմեցեր եթէ կին քո է։

ԾՆՈՒՆԴՔ 4:10

Եւ ասէ Աստուած. Զի՞նչ գործեցեր զայդ. գոչումն արեան եղբօր քո բողոքէ առ իս յերկրէ։

ԵԼՔ 32:21

Եւ ասէ Մովսէս ցԱհարոն. Զի՞նչ արար քեզ ժողովուրդդ, զի ածեր ի վերայ դոցա զանհնարին մեղսդ։

ՄԱՐԳԱՐԷՈՒԹԻՒՆ ԵՐԵՄԵԱՅ 2:18

Եւ արդ զի՞նչ կայ քո եւ ճանապարհին Եգիպտացւոց՝ ըմպել քեզ զջուր Գեհոնի, եւ զի՞նչ կայ քո եւ ճանապարհին Ասորեստանեայց՝ ըմպել զջուրն գետոց։

ՄԱՐԳԱՐԷՈՒԹԻՒՆ ԵՐԵՄԵԱՅ 2:36

Զի արհամարհեցեր յոյժ կրկնել՝՝ զճանապարհս քո. եւ յԵգիպտոսէ ամաչեսցես՝ որպէս ամաչեցերն յԱսորեստանւոյն.

ՄԱՐԳԱՐԷՈՒԹԻՒՆ ԵՐԵՄԵԱՅ 2:5

Այսպէս ասէ Տէր. Զի՞նչ վնաս գտին յիս հարքն ձեր զի հեռացան յինէն, եւ գնացին զհետ սնոտեաց, եւ սնոտի եղեն.

ԵՐԿՐՈՐԴՈՒՄՆ ՕՐԻՆԱՑ 7:16

Եւ կերիցես զամենայն զկապուտ ազգացն՝՝ զոր Տէր Աստուած քո տացէ քեզ. եւ մի՛ խնայեսցէ ակն քո ի նոսա, եւ ոչ պաշտեսցես զդիս նոցա, զի խոչ է այն քեզ։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 1:8

ի բոց հրոյ առնուլ զվրէժս յայնցանէ ոյք ոչ ճանաչեն զԱստուած, եւ որ ոչ հնազանդին աւետարանին Տեառն մերոյ Յիսուսի Քրիստոսի.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:7

Եւ ասեն որդիքն Իսրայելի ցՔոռացին. Տես՝ գուցէ՝՝ առ իս բնակեալ իցես, եւ զիա՞րդ դնեմք ընդ քեզ ուխտ։

ՊԵՏՐՈՍԻ ԱՌԱՋԻՆ՝՝ 4:17

Զի ժամանակ է սկիզբն լինելոյ դատաստանին ի տանէն Աստուծոյ. զի եթէ նախ ի մէնջ, իսկ զի՞նչ կատարած իցէ այնոցիկ որ ոչ հաւանեցան Աստուծոյ աւետարանին։

ԴԱՏԱՒՈՐՔ 2:20

Եւ բարկացաւ սրտմտութեամբ Տէր Իսրայելի, եւ ասէ. Փոխանակ զի եթող ազգդ այդ զուխտ իմ զոր պատուիրեցի հարց դոցա եւ ոչ լուան ձայնի իմում,

ԴԱՏԱՒՈՐՔ 6:10

եւ ասացի ցձեզ. Ես եմ Տէր Աստուած ձեր, մի՛ երկնչիք յաստուածոց Ամովրհացւոցն, յորոց միջի դուք բնակեալ էք յերկրի նոցա. եւ ոչ լուարուք ձայնի իմում։

ԴԱՏԱՒՈՐՔ 6:8

եւ առաքեաց Տէր այր մարգարէ առ որդիսն Իսրայելի եւ ասէ ցնոսա. Այսպէս ասէ Տէր Աստուած Իսրայելի. Ես եմ որ հանի զձեզ յերկրէն Եգիպտացւոց, եւ կորզեցի զձեզ ի տանէ ծառայութեան,

ԴԱՏԱՒՈՐՔ 8:27

Եւ արար զայն Գեդէոն յեփուդ, եւ հաստատեաց զայն ի քաղաքի իւրում յԵփրա. եւ պոռնկեցաւ ամենայն Իսրայէլ զկնի նորա անդր, եւ եղեւ Գեդէոնի եւ տան նորա ի գայթագղութիւն։