ԴԱՏԱՒՈՐՔ 2:14 - Գրաբար Աստվածաշունչ (1895)

¹⁴ Եւ բարկացաւ սրտմտութեամբ Տէր Իսրայելի, եւ մատնեաց զնոսա Տէր ի ձեռս աւարառուացն, եւ աւերեցին զնոսա. եւ ետ զնոսա Տէր ի ձեռս թշնամեաց իւրեանց շուրջանակի, եւ ոչ կարացին կալ ընդդէմ թշնամեաց իւրեանց ամենեցունց՝ ընդ որս պոռնկեցան։

ԴԱՏԱՒՈՐՔ 2:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:1

Եւ յաւել սրտմտութիւն Տեառն բորբոքել ի վերայ Իսրայելի, եւ գրգռեաց զԴաւիթ ի նոսա եւ ասէ. Երթ թուեա զԻսրայէլ եւ զՅուդա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 7:11

յաւուրցն յորոց կարգեցի դատաւորս ի վերայ ժողովրդեան իմոյ Իսրայելի. եւ հանգուցից զքեզ յամենայն թշնամեաց քոց. եւ պատմեսցէ քեզ Տէր զի շինեսցես նմա տուն՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:3

Եւ բարկացաւ սրտմտութեամբ Տէր Իսրայելի, եւ ետ զնոսա ի ձեռս Ազայելի արքայի Ասորւոց, եւ ի ձեռս որդւոյ Ադերայ՝՝ որդւոյ Ազայելի զամենայն աւուրս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:20

Եւ մերժեցին զՏէր յամենայն զաւակէն՝՝ Իսրայելի. եւ շարժեաց զնոսա եւ ետ զնոսա ի ձեռս աւարառուաց իւրեանց, մինչեւ ընկէց զնոսա յերեսաց իւրոց։

ՄՆԱՑՈՐԴԱՑ ԵՐԿՐՈՐԴ 15:5

Ի ժամանակին յայնմիկ ոչ գոյր խաղաղութիւն այնոցիկ որք մտանէին եւ որք ելանէին. վասն զի արհաւիրք ի Տեառնէ անկան ի վերայ ամենեցուն բնակչաց գաւառացն.

ՄՆԱՑՈՐԴԱՑ ԵՐԿՐՈՐԴ 28:5

Եւ մատնեաց զնա Տէր Աստուած նորա ի ձեռս արքային Ասորեաց, եւ եհար զնա, եւ գերեաց ի նոցանէ գերութիւն բազում, եւ տարաւ ի Դամասկոս. եւ ի ձեռս արքային Իսրայելի մատնեաց զնա, եւ եհար զնա հարուածս մեծամեծս։

ՄՆԱՑՈՐԴԱՑ ԵՐԿՐՈՐԴ 36:16

Արհամարհէին զհրեշտակս նորա, եւ անգոսնէին զբանս նորա, եւ խաղ առնէին զմարգարէսն. մինչեւ եղեւ բարկութիւն Տեառն ի վերայ ժողովրդեան իւրոյ, եւ ոչ եւս գոյր այնուհետեւ նոցա բժշկութիւն։

ԳԻՐՔ ՆԷԵՄԵԱՅ 9:27

Եւ ետուր զնոսա ի ձեռս նեղչաց նոցա, եւ նեղեցին զնոսա. եւ աղաղակեցին առ քեզ ի ժամանակս նեղութեան իւրեանց, եւ դու յերկնից լուար նոցա. եւ բազում գթութեամբ եւ ողորմութեամբ փրկեցեր զնոսա, եւ հաներ զնոսա ի ձեռաց նեղչաց նոցա։

ԳԻՐՔ ՍԱՂՄՈՍԱՑ 44:11

Լուր, դուստր, եւ տես, խոնարհեցո զունկն քո. մոռա զժողովուրդ քո եւ զտուն հօր քո.

ԳԻՐՔ ՍԱՂՄՈՍԱՑ 44:12

զի ցանկացաւ թագաւոր գեղոյ քո. սա ինքն է Տէր քո, երկիր պագցես սմա։

ՄԱՐԳԱՐԷՈՒԹԻՒՆ ԵՍԱՅԵԱՅ 42:24

Ո՞վ ետ յափշտակութիւն զՅակոբ, եւ զԻսրայէլ աւարառուաց. ո՞չ ապաքէն Աստուած՝ որում մեղանն, եւ ոչ կամեցան գնալ ընդ ճանապարհս նորա, եւ ոչ լսել օրինաց նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 50:1

Այսպէս ասէ Տէր. Ո՞ւր է թուղթն ապահարզանի որով արձակեցի զմայրն ձեր. կամ ո՞ւր է գրաւական վաճառականացն, որով՝՝ վաճառեցի զձեզ. այլ ի մեղս ձեր վաճառեցայք. եւ վասն անօրէնութեանց ձերոց արձակեցի զմայրն ձեր։

ՄԱՐԳԱՐԷՈՒԹԻՒՆ ԵՐԵՄԵԱՅ 37:10

Եւ եղեւ իբրեւ մերժեցաւ զօր Քաղդէացւոցն յԵրուսաղեմէ, յերեսաց զօրացն փարաւոնի,

ՂԵՒՏԱԿԱՆ 26:17

հաստատեցից զերեսս իմ ի ձեզ, եւ անկանիջիք առաջի թշնամեաց ձերոց, եւ հալածեսցեն զձեզ ատելիք ձեր, եւ լինիջիք փախստեայք առանց ուրուք հալածելոյ զձեզ։

ՂԵՒՏԱԿԱՆ 26:28

եւ ես գնացից ընդ ձեզ բարկութեամբ խոտորնակս, եւ խրատեցից զձեզ եւթնպատիկ ըստ մեղաց ձերոց.

ՂԵՒՏԱԿԱՆ 26:37

Եւ թողցէ եղբայր զեղբայր իւր իբրեւ ի պատերազմի՝ առանց ուրուք զհետ մտանելոյ, եւ ոչ կարիցէք ընդդէմ դառնալ թշնամեաց ձերոց։

ԹԻՒՔ 32:13

Եւ բարկացաւ սրտմտութեամբ Տէր ի վերայ Իսրայելի, եւ յածեցոյց զնոսա յանապատին ամս քառասուն, մինչեւ սատակեցաւ ամենայն ազգն որ արարին զչարիս առաջի Տեառն։

ԹԻՒՔ 32:14

Եւ արդ դուք յարուցեալ էք փոխանակ հարցն ձերոց, ժողովք մարդկան մեղաւորաց, յաւելուլ միւսանգամ ի սրտմտութիւն բարկութեան Տեառն ի վերայ Իսրայելի։

ԵՐԿՐՈՐԴՈՒՄՆ ՕՐԻՆԱՑ 28:20

Առաքեսցէ քեզ Տէր զնուազութիւն եւ զկարօտութիւն եւ ծախս՝՝ ի վերայ ամենայնի յոր մխեսցես զձեռն քո, եւ զոր ինչ առնիցես, մինչեւ սատակեսցէ զքեզ Տէր, մինչեւ կորուսցէ զքեզ վաղվաղակի վասն չարութեան գնացից քոց, զի թողեր դու զիս։

ԵՐԿՐՈՐԴՈՒՄՆ ՕՐԻՆԱՑ 28:25

Տացէ զքեզ Տէր ի պարտութիւն առաջի թշնամեաց քոց. ընդ մի ճանապարհ ելցես ի վերայ նոցա, եւ ընդ եւթն ճանապարհ փախիցես յերեսաց նոցա. եւ եղիցիս ցրուեալ ընդ ամենայն թագաւորութիւնս երկրի.

ԵՐԿՐՈՐԴՈՒՄՆ ՕՐԻՆԱՑ 28:58

Եւ եթէ ոչ լուիցէք առնել զամենայն բանս օրինացս այսոցիկ, զգրեալս ի գիրս յայսմիկ, երկնչել ի պատուական եւ սքանչելի անուանէ Տեառն Աստուծոյ քո,

ԵՐԿՐՈՐԴՈՒՄՆ ՕՐԻՆԱՑ 32:30

Զիա՞րդ հալածեսցէ մի զհազարս, եւ երկուք շարժեսցեն զբեւրս, եթէ ոչ Աստուած վաճառեաց զնոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:16

յանցանել ձեզ զուխտիւն Տեառն Աստուծոյ ձերոյ զոր պատուիրեաց ձեզ, եւ յերթալ պաշտել զաստուածս օտարս եւ երկիր պագանել նոցա. եւ բարկանայցէ ձեզ Տէր, եւ կորնչիջիք վաղվաղակի յերկրէս բարութեան զոր ետ ձեզ Տէր։

ԴԱՏԱՒՈՐՔ 1:19

Եւ էր Տէր ընդ Յուդայ, եւ ժառանգեաց զլեառնն, զի ոչ կարացին ժառանգել զբնակիչս հովտացն. զի Ռեքաբ զատոյց զնոսա. եւ՝՝ կառք երկաթիք էին նոցա։

ԴԱՏԱՒՈՐՔ 1:34

Եւ նեղեաց Ամովրհացին զորդիսն Դանայ ի լերինն, զի ոչ տայր նոցա թոյլ իջանել ի հովիտսն։

ԴԱՏԱՒՈՐՔ 10:7

Եւ սրտմտեցաւ բարկութեամբ Տէր Իսրայելի, եւ մատնեաց զնոսա ի ձեռս այլազգեացն, եւ ի ձեռս որդւոցն Ամոնայ։

ԴԱՏԱՒՈՐՔ 2:20

Եւ բարկացաւ սրտմտութեամբ Տէր Իսրայելի, եւ ասէ. Փոխանակ զի եթող ազգդ այդ զուխտ իմ զոր պատուիրեցի հարց դոցա եւ ոչ լուան ձայնի իմում,

ԴԱՏԱՒՈՐՔ 3:12

Եւ յաւելին որդիքն Իսրայելի առնել չար առաջի Տեառն. եւ զօրացոյց Տէր զԵգղոմ արքայ Մովաբու ի վերայ Իսրայելի՝ վասն առնելոյ նոցա չար առաջի Տեառն։

ԴԱՏԱՒՈՐՔ 4:2

Եւ մատնեաց զնոսա Տէր ի ձեռս Յաբինայ արքայի Քանանացւոց, որ թագաւորեաց յԱսովր. եւ իշխան զօրու նոցա Սիսարա, եւ ինքն բնակէր յԱրիսովթ ազգաց։