ԴԱՏԱՒՈՐՔ 19:3 - Գրաբար Աստվածաշունչ (1895)

³ Եւ յարուցեալ այրն չոգաւ զհետ նորա, խօսել ի սիրտ նորա հաշտեցուցանել զնա ընդ իւր, եւ ածել միւսանգամ առ ինքն. եւ պատանի իւր ընդ իւր եւ զոյգք իշոց. եւ չոգան մինչեւ ցտուն հօր նորա՝՝. իբրեւ ետես զնա հայր աղջկանն, ել ընդ առաջ նորա՝՝։

ԴԱՏԱՒՈՐՔ 19:3 ပူးပေါင်းရင်းမြစ်များ

ԾՆՈՒՆԴՔ 34:3

Եւ ուշ եդեալ Դինայի դստերն Յակոբայ՝ սիրեաց զկոյսն, եւ խօսեցաւ ըստ մտաց կուսին։

ԾՆՈՒՆԴՔ 50:21

Մի՛ երկնչիք, ես կերակրեցից զձեզ եւ զտունս ձեր։ Եւ մխիթարեաց զնոսա, եւ սփոփեաց զսիրտս նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 3:1

Եթէ արձակեսցէ այր զկին իւր, եւ գնասցէ ի նմանէ եւ լինիցի առն այլում, եթէ դառնալով դարձցի՞ անդրէն ի նոյն. ո՞չ ապաքէն պղծելով պղծիցի կինն այն. եւ դու պոռնկեցար ընդ հոմանիս բազումս, այլ դարձ առ իս, ասէ Տէր։

ՄԱՐԳԱՐԷՈՒԹԻՒՆ ՈՎՍԵԱՅ 2:14

Վասն այնորիկ ահաւասիկ ես ստերիւրեցից զնա, եւ կարգեցից զնա իբրեւ զանապատ՝՝. եւ խօսեցայց ի սիրտ նորա։

ՄԱՐԳԱՐԷՈՒԹԻՒՆ ՈՎՍԵԱՅ 2:16

Եւ եղիցի յաւուր յայնմիկ, ասէ Տէր, կոչեսցէ զիս Այր իմ, եւ ոչ կոչեսցէ զիս Բահաղիմ։

ՂԵՒՏԱԿԱՆ 19:17

Մի՛ ատեսցես զեղբայր քո ի մտի քում. յանդիմանութեամբ յանդիմանեսցես զընկեր քո, եւ մի՛ ընդունիցիս վասն նորա զմեղս։

ՂԵՒՏԱԿԱՆ 20:10

Եւ այր ոք եթէ շնասցի ընդ առնակնոջ կամ շնայցէ ընդ կնոջ ընկերի իւրոյ, մահու մեռցին եւ շնացօղն ե՛ւ շնացեալն։

ԹԻՒՔ 22:22

Եւ բարկացաւ սրտմտութեամբ Աստուած ընդ երթալն նորա. եւ եկաց հրեշտակ Աստուծոյ լինել նմա բանսարկու. եւ նա հեծեալ էր ի վերայ իշոյ իւրոյ, եւ երկու պատանիք նորա ընդ նմա։

Մատթեոսի Աւետարան 1:19

Եւ Յովսէփ այր նորա, քանզի արդար էր եւ ոչ կամէր առակել զնա, խորհեցաւ լռելեայն արձակել զնա։

ԱՒԵՏԱՐԱՆ ԸՍՏ ՅՈՎՀԱՆՆՈՒ 8:11

Եւ ասէ. Ոչ, Տէր։ Եւ ասէ Յիսուս. Եւ ոչ ես դատապարտեմ զքեզ, երթ, յայսմ հետէ մի՛ մեղանչեր։՝՝

ԱՌ ԳԱՂԱՏԱՑԻՍ ԹՈՒՂԹ 6:1

Եղբարք, եթէ յանկարծ ըմբռնեսցի ոք ի ձէնջ յինչ եւ իցէ յանցանս, դուք որ հոգեւորքդ էք՝ հաստատեցէք զայնպիսին հոգւով հեզութեան. զգոյշ լինիցիք անձանց զի մի՛ եւ դուք փորձիցիք։

ԴԱՏԱՒՈՐՔ 15:1

Եւ եղեւ յետ աւուրց, յաւուրս հնձոց ցորենոյ, այց արար Սամփսոն կնոջ իւրում, ածեալ ուլ մի յայծեաց, եւ ասէ. Մտից առ կին իմ ի սենեակ։ Եւ ոչ եթող զնա հայրն նորա մտանել առ նա։

ԴԱՏԱՒՈՐՔ 19:2

Եւ սարտեաւ ի նմանէ հարճն իւր, եւ գնաց ի նմանէ ի տուն հօր իւրոյ ի Բեթղեհէմ Յուդայ, եւ եղեւ անդ զերիս ամիսս։

ԴԱՏԱՒՈՐՔ 19:26

Եւ եկն կինն ընդ առաւօտսն, եւ անկաւ առ դրանդւոյ դրան տան առնն՝ ուր էր տէր նորա, եւ եհան զոգին՝՝։

ԴԱՏԱՒՈՐՔ 19:4

Եւ տարաւ զնա ի ներքս աներ իւր, հայր աղջկանն, եւ նստաւ առ նմա աւուրս երիս. եւ կերան եւ արբին եւ ննջեցին անդ։