ԴԱՏԱՒՈՐՔ 18:27 - Գրաբար Աստվածաշունչ (1895)

²⁷ Եւ նոքա առին զոր ինչ արարն Միքա եւ զքահանայն նորա, եւ չոգան ի Լայիսա՝ ի ժողովուրդն հանդարտացեալ եւ վստահացեալ յուսով. եւ հարին զնոսա սրով սուսերի, եւ զքաղաքն այրեցին։

ԴԱՏԱՒՈՐՔ 18:27 ပူးပေါင်းရင်းမြစ်များ

ԾՆՈՒՆԴՔ 49:16

Դան դատեսցէ զժողովուրդ իւր իբրեւ զմի այր ի մէջ՝՝ Իսրայելի։

ԵՐԿՐՈՐԴՈՒՄՆ ՕՐԻՆԱՑ 33:22

Եւ զԴանայ ասէ. Դան՝ կորիւն առիւծու, եւ յարձակեսցի ի Բասանայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:11

եւ կոտորեցին զամենայն շնչաւոր որ ի նմա սրով սուսերի, եւ սատակեցին զամենեսին. եւ ոչ մնաց ի նմա շնչաւոր. եւ զԱսովր այրեցին հրով։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:47

Եւ ել սահման որդւոցն Դանայ ի նոցանէն։ Այս է ժառանգութիւն ցեղի որդւոցն Դանայ՝ ըստ տոհմից իւրեանց, քաղաքք եւ աւանք նոցա։ Եւ ոչ ջնջեցին որդիքն Դանայ զԱմովրհացին զնեղիչն իւրեանց ի լերինն. եւ ոչ թողուին զնոսա Ամովրհացիքն իջանել ի հովիտսն, եւ նեղէին ի նոցանէ զսահմանս բաժնի իւրեանց։՝՝ Եւ գնացին որդիքն Դանայ եւ ետուն պատերազմ ընդ Ղեսեմայ, եւ առին զնա եւ հարին զնա սրով սուսերի. եւ ժառանգեցին զնա եւ բնակեցին ի նմա. եւ անուանեցին զՂեսեմ՝ Դան, ըստ անուան հօրն իւրեանց։

ԴԱՏԱՒՈՐՔ 18:10

Եւ եղիցի յորժամ երթայք, ունիք զազգն յուլացեալ եւ զերկիրն ընդարձակ. զի մատնեաց զնա Աստուած ի ձեռս մեր. տեղի յորում ոչ գոյ պակասութիւն ամենայն բանի որ ինչ իցէ յերկրի։

ԴԱՏԱՒՈՐՔ 18:26

Եւ գնացին որդիքն Դանայ զճանապարհս իւրեանց. եւ իբրեւ ետես Միքա եթէ բռնագոյն քան զնա են, դարձաւ ի տուն իւր։

ԴԱՏԱՒՈՐՔ 18:7

Եւ գնացին հնգեքին արքն, եւ չոգան ի Լայիսա. եւ տեսին զժողովուրդն, որ ի նմա, որ բնակեալ նստէր յուսով՝ ըստ նմանութեան Սիդոնացւոցն հանդարտելոցն յուսով. եւ ոչ բաւական լինելոյ խօսել ումեք բան մի յերկրի գանձուցն ժառանգաւորի. եւ՝՝ հեռի էին ի Սիդոնէ, եւ բանք ինչ ոչ գոյին նոցա ընդ Ասորիս։

ԴԱՏԱՒՈՐՔ 8:11

Եւ ել Գեդէոն ընդ ճանապարհս վրանաբնակչացն յարեւելից Նաբաէի եւ հանդէպ Նաբեայ, եւ եհար զբանակն. զի ահա էր բանակն յանհոգս։