ԴԱՏԱՒՈՐՔ 18:2 - Գրաբար Աստվածաշունչ (1895)

² Եւ առաքեցին որդիքն Դանայ ի տոհմից իւրեանց արս հինգ, այր ըստ ցեղի՝՝ իւրեանց, որդիս զօրութեան ի Սարաայ եւ յԵսթաւուղայ, լրտեսել զերկիրն եւ հետազօտել զնա. եւ ասեն ցնոսա. Երթայք որոնեցէք զերկիրն։ Եւ չոգան ի լեառնն Եփրեմայ մինչեւ ցտունն Միքայ, եւ հանգեան անդ։

ԴԱՏԱՒՈՐՔ 18:2 ပူးပေါင်းရင်းမြစ်များ

ԾՆՈՒՆԴՔ 42:9

Եւ յիշեաց Յովսէփ զերազսն իւր զոր ետես, եւ ասէ ցնոսա. Լրտեսք էք դուք, եւ դիտել զել եւ զմուտ՝՝ աշխարհիս եկեալ էք։

ԱՌԱԿՔ ՍՈՂՈՄՈՆԻ 20:18

Խորհուրդք մտօք պատրաստեսցին, եւ պատերազմ իմաստութեամբ մղեսցի։՝՝

ԹԻՒՔ 13:17

Այս անուանք են արանցն՝ զոր առաքեաց Տէր լրտեսել զերկիրն Քանանացւոց. եւ անուանեաց Մովսէս զանուն Աւսեայ որդւոյ Նաւեայ՝ Յեսու։

ԱՒԵՏԱՐԱՆ ԸՍՏ ՂՈՒԿԱՍՈՒ 14:31

Կամ ո՞ր թագաւոր երթեալ տայցէ պատերազմ ընդ այլում թագաւորի, եւ ոչ նստեալ նախ խորհիցի, եթէ կարո՛ղ իցէ տասն հազարաւ զդէմ ունել զայնորիկ որ գայցէ ի վերայ նորա քսան հազարաւ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:33

Ի դաշտավայրս՝ Եսթաւուղ եւ Սարաա եւ Ասնա, եւ Ռամոն՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:41

Եւ եղեն սահմանք ժառանգութեան նոցա Սարաա եւ Եսթաւուղ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:1

Եւ առաքեաց Յեսու որդի Նաւեայ ի Սատիմայ երկուս երիտասարդս լրտեսել զերկիրն գաղտ, եւ ասէ. Ելէք լրտեսեցէք զերկիրն եւ զԵրիքով։ Եւ գնացեալ երկուց երիտասարդացն եկին յԵրիքով եւ մտեալ՝՝ ի տուն կնոջ պոռնկի միոջ որում անուն էր Ռախաբ, եւ անդ կալան օթեվանս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:2

Ազդ եղեւ թագաւորին Երիքովայ եւ ասեն. Ահա արք մտեալ են այսր զցայգս յորդւոցն Իսրայելի լրտեսել զերկիրս։

ԴԱՏԱՒՈՐՔ 13:2

Եւ եղեւ այր մի ի Սարաայ ի ցեղէ Դանայ, եւ անուն նորա Մանովէ. եւ կին նորա ամուլ էր եւ ոչ ծնանէր։

ԴԱՏԱՒՈՐՔ 13:25

Եւ սկսաւ Հոգի Տեառն շրջել ընդ նմա ի բանակին Դանայ, ի մէջ Սարաայ եւ ի մէջ Եսթաւուղայ։

ԴԱՏԱՒՈՐՔ 16:31

Եւ իջին եղբարք նորա եւ ամենայն տուն հօր նորա, եւ բարձին եւ հանին թաղեցին զնա ի մէջ Սարաայ եւ ի մէջ Եսթաւուղայ ի գերեզմանի Մանովայ հօր իւրոյ. եւ նա դատեաց զԻսրայէլ ամս քսան։

ԴԱՏԱՒՈՐՔ 17:1

Եւ եղեւ այր ի լեռնէն Եփրեմայ, եւ անուն նորա Միքա։

ԴԱՏԱՒՈՐՔ 18:11

Եւ խաղացին անտի յազգականութենէ տոհմիցն Դանայ, ի Սարաայ եւ յԵսթաւուղայ, արք վեց հարեւրք վառեալք զինու պատերազմի։

ԴԱՏԱՒՈՐՔ 18:13

Եւ անցին անտի եւ եկին մինչեւ ցլեառնն Եփրեմայ, եւ հասին մինչեւ ի տունն Միքայի։

ԴԱՏԱՒՈՐՔ 18:3

Եւ մինչդեռ էին նոքա ի տան Միքայ, ծանեան զձայն պատանեկին Ղեւտացւոյ, եւ խոտորեցան անդ եւ ասեն ցնա. Ո՞ ած զքեզ այսր, եւ զի՞նչ գործես դու աստ, եւ կամ զի՞նչ կայ քո աստ։

ԴԱՏԱՒՈՐՔ 18:8

Եւ եկին հնգեքին արքն՝՝ առ եղբարս իւրեանց ի Սարաա եւ յԵսթաւուղ. եւ ասեն ցնոսա եղբարք իւրեանց. Զի՞ նստիք դուք՝՝։

ԴԱՏԱՒՈՐՔ 19:1

Եւ եղեւ յաւուրսն յայնոսիկ, եւ թագաւոր ոչ գոյր յԻսրայելի եւ էր այր Ղեւտացի պանդխտեալ ի կողմանս լերինն Եփրեմի. եւ առ իւր այրն կին հարճ ի Բեթղեհեմէ Յուդայ։

ԴԱՏԱՒՈՐՔ 19:18

Եւ ասէ ցնա. Անցանեմք մեք ի Բեթղեհեմէ Յուդայ մինչեւ ցկողմանս լերինն Եփրեմայ. քանզի անտի եմ ես. եւ չոգայ մինչեւ ցԲեթղեհէմ Յուդայ, եւ ի տուն հօր իմոյ՝՝ երթամ. եւ չիք այր որ ժողովիցէ զմեզ ի տուն.