ԴԱՏԱՒՈՐՔ 18:10 - Գրաբար Աստվածաշունչ (1895)

¹⁰ Եւ եղիցի յորժամ երթայք, ունիք զազգն յուլացեալ եւ զերկիրն ընդարձակ. զի մատնեաց զնա Աստուած ի ձեռս մեր. տեղի յորում ոչ գոյ պակասութիւն ամենայն բանի որ ինչ իցէ յերկրի։

ԴԱՏԱՒՈՐՔ 18:10 ပူးပေါင်းရင်းမြစ်များ

ԵԼՔ 3:8

եւ իջի փրկել զնոսա ի ձեռաց Եգիպտացւոցն, եւ հանել զնոսա յերկրէն յայնմանէ, եւ տանել զնոսա յերկիր բարի եւ յընդարձակ, յերկիր՝ որ բղխէ զկաթն եւ զմեղր. յերկիրն Քանանացւոց եւ Քետացւոց եւ Ամովրհացւոց եւ Փերեզացւոց եւ Խեւացւոց եւ Գերգեսացւոց՝՝ եւ Յեբուսացւոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:6

յաւուր յայնմիկ ձեռն ետու նոցա՝՝ հանել զնոսա յերկրէն Եգիպտացւոց, յերկիրն զոր պատրաստեցի նոցա, երկիր որ բղխէ զկաթն եւ զմեղր, քաղցր քան զամենայն երկիր՝՝։

ԵՐԿՐՈՐԴՈՒՄՆ ՕՐԻՆԱՑ 2:29

որպէս արարին ինձ որդիքն Եսաւայ բնակեալքն ի Սէիր, եւ Մովաբացիքն բնակեալք յԱրոյէր, մինչեւ անցից ընդ Յորդանան յերկիրն զոր Տէր Աստուած տացէ մեզ։

ԵՐԿՐՈՐԴՈՒՄՆ ՕՐԻՆԱՑ 4:1

Եւ այժմ, Իսրայէլ, լուր իրաւանց եւ դատաստանաց զոր ես ուսուցանեմ քեզ այսօր առնել. զի կեցջիք, եւ մտանիցէք ժառանգիցէք զերկիրն զոր Տէր Աստուած մեր տացէ ձեզ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:17

Մեծատանց որ են յայսմ աշխարհի՝ պատուէր տաջիր մի՛ հպարտանալ եւ մի՛ յուսալ ի մեծութիւն սնոտի, այլ յԱստուած որ տայ մեզ զամենայն առատապէս ի վայելել,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:23

Եւ դարձան երկոքին երիտասարդքն եւ իջին ի լեռնէ անտի եւ եկին յայնկոյս, եւ հասին առ Յեսու որդի Նաւեայ, եւ պատմեցին զամենայն անցսն որ անցին ընդ նոսա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:24

եւ ասեն ցՅեսու թէ մատնեաց Տէր Աստուած ի ձեռս մեր զամենայն երկիրն, եւ զարհուրեցան ամենայն բնակիչք երկրին ի մէնջ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:16

եւ եղեւ՝՝ յեւթներորդում նուագի պատելոյն՝ հարին քահանայքն զփողսն. եւ ասէ Յեսու ցորդիսն Իսրայելի. Արդ աղաղակեցէք, քանզի մատնեաց Տէր ի ձեռս մեր զքաղաքս։

ԴԱՏԱՒՈՐՔ 18:11

Եւ խաղացին անտի յազգականութենէ տոհմիցն Դանայ, ի Սարաայ եւ յԵսթաւուղայ, արք վեց հարեւրք վառեալք զինու պատերազմի։

ԴԱՏԱՒՈՐՔ 18:27

Եւ նոքա առին զոր ինչ արարն Միքա եւ զքահանայն նորա, եւ չոգան ի Լայիսա՝ ի ժողովուրդն հանդարտացեալ եւ վստահացեալ յուսով. եւ հարին զնոսա սրով սուսերի, եւ զքաղաքն այրեցին։

ԴԱՏԱՒՈՐՔ 18:7

Եւ գնացին հնգեքին արքն, եւ չոգան ի Լայիսա. եւ տեսին զժողովուրդն, որ ի նմա, որ բնակեալ նստէր յուսով՝ ըստ նմանութեան Սիդոնացւոցն հանդարտելոցն յուսով. եւ ոչ բաւական լինելոյ խօսել ումեք բան մի յերկրի գանձուցն ժառանգաւորի. եւ՝՝ հեռի էին ի Սիդոնէ, եւ բանք ինչ ոչ գոյին նոցա ընդ Ասորիս։

ԴԱՏԱՒՈՐՔ 18:9

Եւ ասեն. Արիք ելցուք ի վերայ նոցա, զի մտաք եւ շրջեցաք ընդ երկիրն մինչեւ ցԼայիսա, եւ տեսաք ժողովուրդ բնակեալ ի նմա յուսով հանգոյն Սիդոնացւոց, եւ հեռի են ի Սիդոնէ, եւ բանք ինչ ոչ գոյ նոցա ընդ Ասորիս. արիք՝՝ եւ ելցուք ի վերայ նոցա. զի ահա տեսաք զերկիրն, եւ բարի է յոյժ, եւ դուք դադարեա՞լ կայք. եւ արդ է՞ր վատանայք երթալ մտանել ժառանգել զերկիրն։