ԴԱՏԱՒՈՐՔ 17:2 - Գրաբար Աստվածաշունչ (1895)

² Եւ ասէ ցմայր իւր. Զհազար եւ զհարեւր արծաթոյն զոր առեր առ քեզ, եւ երդուար եւ ասես յականջս իմ թէ՝՝ արծաթն առ իս է, ես առի զայն։ Եւ ասէ մայր նորա. Օրհնեալ լիցիս, որդեակ իմ, ի Տեառնէ։

ԴԱՏԱՒՈՐՔ 17:2 ပူးပေါင်းရင်းမြစ်များ

ԾՆՈՒՆԴՔ 14:19

Եւ օրհնեաց զԱբրամ եւ ասէ. օրհնեալ է Աբրամ յԱստուծոյ Բարձրելոյ որ արար զերկինս եւ զերկիր։

ԳԻՐՔ ՆԷԵՄԵԱՅ 13:25

Եւ կագեցայ ընդ նոսա, եւ նզովեցի զնոսա, եւ հարի ի նոցանէ արս բազումս՝՝. եւ երդմնեցուցի զնոսա յանուն Աստուծոյ, զի մի՛ տացեն զդստերս իւրեանց որդւոց նոցա, եւ մի՛ զդստերս նոցա ածցեն որդւոց իւրեանց։

ԳԻՐՔ ՍԱՂՄՈՍԱՑ 10:3

Զի ահա մեղաւորք լարեցին զաղեղունս իւրեանց, պատրաստ արարին զնետս ի կապարճս, ձգել ընդ խաւար այնոցիկ ոյք ուղիղ են սրտիւք։

ԵԼՔ 20:7

Մի՛ առնուցուս զանուն Տեառն Աստուծոյ քո ի վերայ սնոտեաց. զի ոչ սրբեսցէ Տէր զայն որ առնուցու զանուն նորա ի վերայ սնոտեաց։

ԱՌԱԿՔ ՍՈՂՈՄՈՆԻ 28:24

Որ մերժէ զհայր իւր կամ զմայր՝ եւ համարիցի չմեղանչել, կցորդ է նա արանց ամպարշտաց։

ՄԱՐԳԱՐԷՈՒԹԻՒՆ ԵՐԵՄԵԱՅ 48:10

Անիծեալ լիցի որ գործէ զգործ Տեառն հեղգութեամբ, եւ անիծեալ լիցի որ վերացուսցէ զսուր իւր յարենէ նորա։

Մատթեոսի Աւետարան 26:74

Յայնժամ սկսաւ նզովել եւ երդնուլ թէ՝ Ոչ գիտեմ զայրն։ Եւ իսկոյն հաւ խօսեցաւ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:3

Զի ուխտիւք խնդրէի ես իսկ ինքնին նզով լինել ի Քրիստոսէ վասն եղբարց իմոց եւ ազգականաց ըստ մարմնոյ,

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 16:22

Եթէ ոք ոչ սիրէ զՏէր Յիսուս՝՝, եղիցի նզովեալ. Մարան աթա։

ԵՐԿՐՈՐԴՈՒՄՆ ՕՐԻՆԱՑ 27:16

Անիծեալ՝ որ անարգեսցէ զհայր իւր կամ զմայր իւր. եւ ասասցէ ամենայն ժողովուրդն. Եղիցի։

ՅՈՎՀԱՆՆՈՒ ԵՐԿՐՈՐԴ՝՝ 1:11

Որ ասասցէ նմա Ողջոյն՝ կցորդ լիցի չարաց գործոց նորա։

ԴԱՏԱՒՈՐՔ 17:1

Եւ եղեւ այր ի լեռնէն Եփրեմայ, եւ անուն նորա Միքա։

ԴԱՏԱՒՈՐՔ 17:3

Եւ դարձոյց անդրէն զհազար եւ զհարեւր արծաթոյն առ մայր իւր. եւ ասէ մայր նորա. Սրբելով սրբեցի զարծաթն Տեառն ի ձեռանէ իմմէ եւ առանձինն՝՝, առնել դրօշեալ եւ ձուլածոյ. եւ արդ դարձուցից զնա առ քեզ։

ԴԱՏԱՒՈՐՔ 5:23

Նզովեցէք զՄարովզ, ասէ հրեշտակն Տեառն, անիծանելով անիծէք զբնակիչս նորա, զի ոչ եկին յօգնականութիւն Տեառն, օգնական Տէր ի մէջ նահատակաց հզօրն՝՝։

ՀՌՈՒԹ 3:10

Եւ ասէ Բոոս. օրհնեալ ես դու ի Տեառնէ Աստուծոյ, դուստր, զի ազնուացուցեր դու զգութ քո զվերջինս քան զառաջինն. զի ոչ չոգար զհետ երիտասարդաց զաղքատաց կամ զմեծամեծաց։

ԹԱԳԱՒՈՐՈՒԹԵԱՆՑ ԱՌԱՋԻՆ 14:24

Եւ ամենայն ժողովուրդն էր ընդ Սաւուղայ իբրեւ տասն հազար արանց. եւ էր պատերազմ ցրուեալ ընդ ամենայն քաղաքսն ի լերինն Եփրեմի։ Եւ Սաւուղ անգիտացաւ անգիտութիւն յաւուր յայնմիկ, եւ նզովեաց՝՝ զժողովուրդն՝ եւ ասէ. Անիծեալ լիցի մարդն որ կերիցէ հաց մինչեւ ցերեկոյ. եւ խնդրեցից վրէժ ի թշնամեաց իմոց։ Եւ ոչ ճաշակեաց ամենայն ժողովուրդն հաց.

ԹԱԳԱՒՈՐՈՒԹԵԱՆՑ ԱՌԱՋԻՆ 14:28

Եւ պատասխանի ետ ոմն ի զօրուէ անտի եւ ասէ. Երդմնեցուցանելով երդմնեցոյց հայր քո զժողովուրդս եւ ասէ. Անիծեալ լիցի այր որ կերիցէ հաց մինչեւ ցերեկոյ։ Եւ լքաւ ժողովուրդն։

ԹԱԳԱՒՈՐՈՒԹԵԱՆՑ ԱՌԱՋԻՆ 15:13

Եւ եկն Սամուէլ առ Սաւուղ. եւ ահա նա մատուցանէր ողջակէզս Տեառն զառաջինս աւարոյն զոր ած յԱմաղեկայ։ Եւ եկն Սամուէլ առ Սաւուղ,՝՝ եւ ասէ ցնա Սաւուղ. Օրհնեալ դու ի Տեառնէ. կացուցի զոր ինչ խօսեցաւ Տէր։

ԹԱԳԱՒՈՐՈՒԹԵԱՆՑ ԱՌԱՋԻՆ 23:21

Եւ ասէ ցնոսա Սաւուղ. Օրհնեալ էք դուք ի Տեառնէ, զի ցաւեաց ձեզ վասն իմ։

ԹԱԳԱՒՈՐՈՒԹԵԱՆՑ ԱՌԱՋԻՆ 26:19

Եւ արդ լուիցէ տէր իմ արքայ զբանս ծառայի իւրոյ. եթէ Աստուծոյ շարժեալ է զքեզ ի վերայ իմ, ճենճերեսցի զոհ քո. եւ եթէ որդւոց մարդկան, անիծեալ լիցին դոքա առաջի Տեառն. զի մերժեցին զիս այսօր չհաստատել ինձ ի ժառանգութեան Տեառն. ասեն. Երթ ծառայեա աստուածոց օտարաց։