ԴԱՏԱՒՈՐՔ 16:4 - Գրաբար Աստվածաշունչ (1895)

⁴ Եւ եղեւ յետ այսորիկ սիրեաց կին մի առ եզերբ հեղեղատին Սովրեկայ, եւ անուն նորա Դալիլա։

ԴԱՏԱՒՈՐՔ 16:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 11:1

Եւ արքայ Սողոմոն էր իգասէր. եւ ա՛ռ իւր՝՝ կանայս օտարոտիս բազումս, եւ զդուստրն փարաւոնի, եւ Մովաբացիս եւ Ամոնացիս եւ Եդովմայեցիս եւ Ասորիս եւ Քետացիս եւ Ամովրհացիս՝՝,

ԳԻՐՔ ՆԷԵՄԵԱՅ 13:26

Եւ ասեմ ցնոսա՝՝. Ո՞չ յայդմ ամենայնի մեղաւ Սողոմոն թագաւոր Իսրայելի. եւ ո՞վ էր իբրեւ զնա իմաստուն յամենայն թագաւորս մեր՝՝. եւ սիրելի էր նա Աստուծոյ, եւ կացոյց զնա Աստուած թագաւոր ի վերայ ամենայն Իսրայելի. եւ զայսպիսի սիրելի Աստուծոյ եւ զիմաստուն եւ զմեծ թագաւոր՝ խոտորեցուցին եւ յանցուցին ի մեղս կանայք այլազգեաց՝՝։

ԱՌԱԿՔ ՍՈՂՈՄՈՆԻ 22:14

Գուբ խոր է բերան անօրինի, եւ ատեցեալն ի Տեառնէ անկցի ի նա։ Են ճանապարհք չարք՝ առաջի առն, եւ ոչ սիրէ դառնալ ի նոցանէ. բայց դառնալ պարտ է ի թեւր եւ ի չար ճանապարհէ։

ԱՌԱԿՔ ՍՈՂՈՄՈՆԻ 23:27

Կարաս ծակ է տուն օտար՝՝, եւ ջրհոր նեղ՝ օտարոտին։

ԱՌԱԿՔ ՍՈՂՈՄՈՆԻ 26:11

Որպէս շուն յորժամ դառնայ ի փսխած իւր եւ ատելի լինի, նոյնպէս եւ անզգամն իւրովք չարեօք՝ յորժամ դառնայցէ անդրէն ի մեղս իւր։ Է ամօթ որ ածէ զմեղս, եւ է ամօթ որ ածէ զփառս եւ զշնորհս։

ԱՌԱԿՔ ՍՈՂՈՄՈՆԻ 27:22

Սիրտ անօրինի խնդրէ զչարիս, եւ սիրտ ուղիղ խնդրէ զգիտութիւն։ Եթէ հարկանես զանզգամն ի մէջ ատենի եւ անարգես զնա՝՝, սակայն ոչ մերժես զանզգամութիւնն ի նմանէ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:6

Եւ այն՝ օրինակաւ լինէր վասն մեր, զի մի՛ լիցուք ցանկացողք չարեաց, որպէս նոքայն ցանկացան։

ԴԱՏԱՒՈՐՔ 16:3

Եւ ննջեաց Սամփսոն մինչեւ ցմէջ գիշերոյն, եւ յարեաւ զմէջ գիշերաւն, եւ թափեաց զդրունս քաղաքին հանդերձ սեմովքն, եւ եբարձ զնոսա հանդերձ նգօքն, եւ եդ ի վերայ ուսոց իւրոց, եւ եհան զնոսա ի գլուխ լերինն որ է հանդէպ Քեբրոնի, եւ եդ զնոսա անդ։՝՝

ԴԱՏԱՒՈՐՔ 16:5

Եւ ելին առ նա նախարարք այլազգեացն եւ ասեն. Պատրեա զնա եւ տես ի՛ւ իցէ զօրութիւն նորա մեծ, եւ կամ ի՛ւ կարասցուք նմա հնար գտանել եւ կապել զնա առ ի տկարացուցանել զնա. եւ մեք տացուք քեզ այր իւրաքանչիւր հազար եւ հարեւր արծաթոյ։