ԴԱՏԱՒՈՐՔ 16:30 - Գրաբար Աստվածաշունչ (1895)

³⁰ Եւ ասէ Սամփսոն. Մեռցի անձն իմ ընդ այլազգիսս։ Եւ շարժեաց զօրութեամբ. եւ անկաւ տունն ի վերայ ամենայն նախարարացն եւ ի վերայ ամենայն ժողովոյն որ ի նմա. եւ էին մեռեալքն զորս մեռոյց Սամփսոն ի մահուն իւրում, առաւել քան զորս սպան ի կենդանութեան իւրում։

ԴԱՏԱՒՈՐՔ 16:30 ပူးပေါင်းရင်းမြစ်များ

ԾՆՈՒՆԴՔ 3:15

Եւ եդից թշնամութիւն ի մէջ քո եւ ի մէջ կնոջդ, եւ ի մէջ զաւակի քո եւ ի մէջ զաւակի դորա. նա սպասեսցէ քում գլխոյ. եւ դու սպասեսցես նորա գարշապարի՝՝։

ԳԻՐՔ ՅՈԲԱՅ 20:5

Զի ուրախութիւն ամպարշտաց բեկումն անհնարին, եւ խնդութիւն անօրինաց՝ կորուստ։

ԳԻՐՔ ՅՈԲԱՅ 31:3

Ո՞չ ապաքէն կորուստ անիրաւին, եւ տարագրութիւն այնոցիկ ոյք գործեն զանօրէնութիւն։

ԳԻՐՔ ՍԱՂՄՈՍԱՑ 62:3

ուր ոչ գոյ ի նմա ճանապարհ, այսպէս ի սուրբս երեւեցայց քեզ՝՝, տեսանել ինձ զզօրութիւն քո եւ զփառս քո։

ԺՈՂՈՎՕՂ 9:12

Քանզի ոչ իսկ գիտաց մարդն զժամանակ իւր. որպէս ձկունք որսացեալք ցանցիւք չարեօք, եւ որպէս թռչունք որսացեալք ի ծուղակս, նոյնպէս հարկանին յորոգայթս որդիք մարդկան ի ժամանակի չարի՝ յորժամ հասանիցէ ի վերայ նոցա յանկարծակի։

Մատթեոսի Աւետարան 16:25

Զի որ կամիցի զանձն իւր կեցուցանել՝ կորուսցէ զնա. եւ որ կորուսցէ զանձն իւր վասն իմ՝ գտցէ զնա։

ԳՈՐԾՔ ԱՌԱՔԵԼՈՑ 20:24

Այլ եւ ոչ՝՝ իւիք համարիմ զանձն իմ պատուական՝ որպէս զկատարել զընթացս իմ ուրախութեամբ, եւ զպաշտօնն զոր առի ի Տեառնէ Յիսուսէ՝ վկայ լինել աւետարանի շնորհացն Աստուծոյ։

ԳՈՐԾՔ ԱՌԱՔԵԼՈՑ 21:13

Յայնժամ պատասխանի ետ Պաւղոս. Զի՞նչ գործէք զի լայքդ եւ ճմլեցուցանէք զսիրտ իմ. քանզի ես ոչ միայն կապելոյ, այլ եւ մեռանելոյ յԵրուսաղէմ պատրաստ եմ վասն անուանն Տեառն Յիսուսի Քրիստոսի։

ԱՌ ՓԻԼԻՊԵՑԻՍ ԹՈՒՂԹ 2:17

Այլ թէպէտ եւ նուիրիմ ի վերայ պատարագի եւ պաշտաման հաւատոցն ձերոց, խնդամ եւ ուրախակից եմ ամենեցուն ձեր։

ԱՌ ՓԻԼԻՊԵՑԻՍ ԹՈՒՂԹ 2:30

զի վասն գործոյ Տեառն մինչեւ ի մահ մերձեցաւ, գուն գործեալ ոգւովք չափ, զի լցցէ զձեր պակասութիւն իմոյ սպասաւորութեան։ ՎՋ

ԱՌ ՓԻԼԻՊԵՑԻՍ ԹՈՒՂԹ 2:8

խոնարհեցոյց զանձն, լիեալ հնազանդ մահու չափ եւ մահու խաչի։

ԱՌ ԿՈՂՈՍԱՑԻՍ ԹՈՒՂԹ 2:15

մերկեաց զիշխանութիւնս եւ զպետութիւնս, յայտ յանդիման խայտառակեաց նշաւակեալ զնոսա յանձին իւրում ի յարութեան իւրում՝՝։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 5:2

զի դուք ինքնին իսկ ստոյգ գիտէք, թէ օրն Տեառն իբրեւ զգող գիշերի՝ այնպէս հասանէ։

ԴԱՏԱՒՈՐՔ 14:19

Եւ յաջողեցաւ ի վերայ նորա Հոգի Տեառն, եւ էջ յԱսկաղոն եւ եհար անդ արս երեսուն. եւ ա՛ռ ետ զպատմուճանսն առեղծանելեաց առասպելին. եւ բարկացաւ սրտմտութեամբ Սամփսոն, եւ ել ի տուն հօր իւրոյ։

ԴԱՏԱՒՈՐՔ 15:15

Եւ եգիտ ծնօտ մի իշոյ ընկեցեալ, ձգեաց զձեռն իւր եւ ա՛ռ զնա, եւ եհար նովաւ հազար այր։

ԴԱՏԱՒՈՐՔ 15:8

Եւ եհար զնոսա ի սրօնից մինչեւ ցերանս հարուածս մեծամեծս. եւ էջ բնակեցաւ առ հեղեղատաւն յայրին՝՝ Ետեմայ։

ԴԱՏԱՒՈՐՔ 16:29

Եւ բուռն եհար Սամփսոն զերկոցունց սեանցն միջնոց, յորոց վերայ տունն հաստատեալ կայր, եւ յեցաւ ի նոսա, ի մին աջով իւրով եւ ի մեւսն ձախով իւրով։

ԴԱՏԱՒՈՐՔ 16:31

Եւ իջին եղբարք նորա եւ ամենայն տուն հօր նորա, եւ բարձին եւ հանին թաղեցին զնա ի մէջ Սարաայ եւ ի մէջ Եսթաւուղայ ի գերեզմանի Մանովայ հօր իւրոյ. եւ նա դատեաց զԻսրայէլ ամս քսան։