ԴԱՏԱՒՈՐՔ 16:17 - Գրաբար Աստվածաշունչ (1895)

¹⁷ պատմեաց նմա զամենայն ինչ ի սրտէ իւրմէ, եւ ասէ ցնա. Ածելի ոչ ելցէ ի գլուխ իմ, զի ուխտաւոր Աստուծոյ եմ ես յորովայնէ մօր իմոյ. ապա թէ գերծուցում, մեկնեսցի յինէն զօրութիւն իմ, եւ տկարացայց եւ եղէց իբրեւ զամենայն մարդիկ։

ԴԱՏԱՒՈՐՔ 16:17 ပူးပေါင်းရင်းမြစ်များ

ԱՌԱԿՔ ՍՈՂՈՄՈՆԻ 12:23

Այր իմաստուն՝ աթոռ հանճարոյ, սիրտ անզգամաց պատահեսցէ նզովից։

ԱՌԱԿՔ ՍՈՂՈՄՈՆԻ 13:3

Որ խնայէ ի բերան իւր՝ պահէ զանձն, իսկ որ յանդուգն է շրթամբք՝ խռովէ զանձն իւր։

ԱՌԱԿՔ ՍՈՂՈՄՈՆԻ 29:12

Թագաւոր՝ որ ունկնդիր է բանից անիրաւութեան, ամենեքեան որ ընդ նովաւ են՝ անօրէնք են։

ՄԱՐԳԱՐԷՈՒԹԻՒՆ ՄԻՔԻԱՅ 7:5

Մի՛ հաւատայք սիրելեաց, եւ մի՛ յուսայք յիշխանս. եւ յանկողնակցէ քումմէ զգոյշ լեր պատմել ինչ նմա։

ԹԻՒՔ 6:2

Խօսեաց ընդ որդիսդ Իսրայելի եւ ասասցես. Այր կամ կին, որ մեծ ինչ ուխտս ուխտեսցէ սրբել զսրբութիւն Տեառն։

ԹԻՒՔ 6:5

Զամենայն աւուրս սրբութեանն, սրբիչ մի՛ ածիցէ զգլխով իւրով, մինչեւ լցցին աւուրքն զորս ուխտեաց Տեառն՝ սուրբ կացցէ, աճեցուցեալ զվարսս մազոյ գլխոյ իւրոյ։

ԳՈՐԾՔ ԱՌԱՔԵԼՈՑ 18:18

Բայց Պաւղոսի տակաւին մնացեալ աւուրս բազումս, յեղբարց հրաժարեալ՝ նաւէր յԱսորիս, եւ ընդ նմա Պրիսկիղա եւ Ակիւղաս, փոքրել զգլուխ ի Կենքրա, քանզի ուխտադիր էր։

ԴԱՏԱՒՈՐՔ 13:5

զի ահա յղասցիս դու եւ ծնցիս որդի, եւ երկաթ մի՛ ելցէ ի գլուխ նորա. զի ուխտաւոր Աստուծոյ եղիցի մանուկն անդստին յորովայնէ. եւ նա սկսցի փրկել զԻսրայէլ ի ձեռաց Փղշտացւոցն։

ԴԱՏԱՒՈՐՔ 16:16

Եւ եղեւ իբրեւ վտանգեաց զնա բանիւք զգիշերն ողջոյն՝՝ եւ թախանձեցոյց զնա, եւ պարտասեցոյց զնա մինչեւ ցմահ,

ԴԱՏԱՒՈՐՔ 16:18

Իբրեւ ետես Դալիլա եթէ պատմեաց նմա զամենայն ինչ ի սրտէ իւրմէ, առաքեաց կոչեաց զնախարարս այլազգեացն եւ ասէ. Ելէք միանգամայն, զի պատմեաց ինձ զամենայն ի սրտէ իւրմէ։ Եւ ելին առ նա ամենայն նախարարք այլազգեացն, եւ բերին զարծաթն ի ձեռս իւրեանց։