ԴԱՏԱՒՈՐՔ 15:5 - Գրաբար Աստվածաշունչ (1895)

⁵ եւ ելոյց հուր ի ջահսն, եւ արձակեաց յոճ այլազգեացն. եւ այրեաց զօրանն, եւ զյառաջագոյն հնձեալսն՝՝ ի բարդից մինչեւ ցկանգնաւորն, եւ մինչեւ ցայգիս եւ ցձիթենիս։

ԴԱՏԱՒՈՐՔ 15:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:30

Եւ ասէ Աբիսողոմ ցծառայս իւր. Գիտէք զվիճակ գետնոյ Յովաբայ, լի գարւով մօտ է առ իս. երթայք այրեցէք զնա հրով։ Եւ այրեցին ծառայքն Աբիսողոմայ զվիճակն Յովաբայ հրով։ Եւ եկին ծառայքն Յովաբայ առ նա պատառեալ զհանդերձս իւրեանց, եւ ասեն. Այրեցին ծառայքն Աբիսողոմայ զվիճակն հրով։՝՝

ԵԼՔ 22:6

Իսկ եթէ ելանիցէ հուր եւ գտանիցէ փուշ, եւ ընդ նմին այրիցէ զկալ կամ զօրան կամ զանդ, տուժելով տուժեսցի որոյ զհրդեհն հանեալ իցէ։

ԵԼՔ 23:11

Եւ յամին եւթներորդի թողութիւն արասցես, եւ հանգուսցես զնա, եւ կերիցեն տնանկք ազգի քո, եւ զմնացեալն ի նոցանէ կերիցեն գազանք վայրի. այնպէս արասցես զայգի քո եւ զձիթենի քո։

ԴԱՏԱՒՈՐՔ 15:4

Եւ գնաց Սամփսոն, եւ կալաւ երեք հարեւր աղուէս. եւ ա՛ռ ջահս եւ կապեաց զնոսա ընդ միմեանս ձետ ընդ ձետ, եւ եդ զջահսն ի մէջ երկուց ձետոցն, եւ կապեաց ի միջոցին զջահսն.

ԴԱՏԱՒՈՐՔ 15:6

Եւ ասեն այլազգիքն. Ո՞ արար զայս։ Եւ ասեն. Սամփսոն փեսայ Թամնացւոյն. զի եհան զկին նորա եւ ետ ընկերի նորա։ Եւ ելին այլազգիքն եւ այրեցին զտուն հօր նորա, եւ՝՝ զկինն եւ զհայր նորա հրով։