ԴԱՏԱՒՈՐՔ 14:14 - Գրաբար Աստվածաշունչ (1895)

¹⁴ Եւ ասէ ցնոսա։ Ի կերչէ ել կերակուր, եւ ի հզօրէ ել քաղցր։ Եւ ոչ կարացին առեղծանել զառասպելն նորա զերիս աւուրս։

ԴԱՏԱՒՈՐՔ 14:14 ပူးပေါင်းရင်းမြစ်များ

ԾՆՈՒՆԴՔ 3:15

Եւ եդից թշնամութիւն ի մէջ քո եւ ի մէջ կնոջդ, եւ ի մէջ զաւակի քո եւ ի մէջ զաւակի դորա. նա սպասեսցէ քում գլխոյ. եւ դու սպասեսցես նորա գարշապարի՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 17:6

Եւ ագռաւք բերէին նմա հաց եւ միս ընդ առաւօտս, եւ հաց եւ միս ընդ երեկոյս. եւ ի հեղեղատէն ըմպէր ջուր։

ՄՆԱՑՈՐԴԱՑ ԵՐԿՐՈՐԴ 20:2

Եկին եւ ցուցին Յովսափատայ եւ ասեն. Եկն ի վերայ քո ամբոխ բազում յայնմ կողմանէ ծովուն յԱսորեաց, եւ ահա են յԱսասանթամար՝ որ է Ենգադդի։

ՄՆԱՑՈՐԴԱՑ ԵՐԿՐՈՐԴ 20:25

Եւ եկն Յովսափատ եւ զօրն կողոպտել զաւարն նոցա, եւ գտին անասուն բազում եւ զկազմածն եւ զաւարն՝՝ եւ անօթս ցանկալիս, եւ աւարեցին զայն. եւ եղեւ զերիս աւուրս ժողովել նոցա զաւարն, վասն զի բազում էր յոյժ։

ԱՌԱԿՔ ՍՈՂՈՄՈՆԻ 24:7

Իմաստութիւն եւ խորհուրդ բարեաց ի դրունս իմաստնոց։

Մատթեոսի Աւետարան 13:11

Նա պատասխանի ետ եւ ասէ ցնոսա. Քանզի ձեզ տուեալ է գիտել զխորհուրդս արքայութեան երկնից, եւ նոցա չէ տուեալ։

ԳՈՐԾՔ ԱՌԱՔԵԼՈՑ 8:31

Եւ նա ասէ. Զիա՞րդ կարիցեմ, եթէ ոչ ոք առաջնորդեսցէ ինձ։ Եւ աղաչեաց զՓիլիպպոս ելանել նստել ընդ նմա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:37

Այլ յայսմ ամենայնի առաւել յաղթեմք նովաւ որ սիրեացն զմեզ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 4:17

Զի առժամայն յաճախութիւն թեթեւ նեղութեանս մերոյ ի յաւիտենական առաւելութիւն զմեծութիւն փառացն գործէ ի մեզ։

ՊԵՏՐՈՍԻ ԱՌԱՋԻՆ՝՝ 2:24

որ զմեր մեղսն իւրով մարմնովն վերացոյց ի խաչափայտն, զի լիցուք զերծեալք ի մեղաց անտի, եւ իցեմք արդարութեանն կենակիցք. որոյ վիրօքն բժշկեցայք։

ԴԱՏԱՒՈՐՔ 14:13

ապա թէ ոչ կարիցէք առեղծանել ինձ, տաջիք դուք ինձ երեսուն պաստառակալ եւ երեսուն պատմուճան հանդերձից։ Եւ ասեն ցնա. Արկ մեզ զառասպելն քո, եւ լուիցուք զնա։

ԴԱՏԱՒՈՐՔ 14:15

Եւ եղեւ յաւուրն չորրորդի, եւ ասեն ցկինն Սամփսոնի. Պատրեա զայր քո եւ պատմեսցէ քեզ զառասպելն, գուցէ այրիցեմք զքեզ եւ զտուն հօր քո. թէ աղքատացուցանե՞լ կոչեցեր զմեզ այսր։