ԴԱՏԱՒՈՐՔ 13:4 - Գրաբար Աստվածաշունչ (1895)

⁴ Արդ զգոյշ լեր, գուցէ ըմպիցես գինի եւ օղի, եւ մի՛ ուտիցես զամենայն անսուրբ.

ԴԱՏԱՒՈՐՔ 13:4 ပူးပေါင်းရင်းမြစ်များ

ՂԵՒՏԱԿԱՆ 11:27

Եւ ամենայն որ գնայցէ ի ձեռս իւր, յամենայն գազանաց որ գնայցէ ի չորս, պիղծ լիցի ձեզ այն. ամենայն որ մերձեսցի ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 11:47

որոշել ի մէջ սրբոյն եւ ի մէջ անսրբոյն, եւ խելամուտ առնել զորդիսդ Իսրայելի ի մէջ ուտելեացն կենդանածնաց եւ ի մէջ չուտելեաց անասնոց։

ԱՒԵՏԱՐԱՆ ԸՍՏ ՂՈՒԿԱՍՈՒ 1:15

զի եղիցի մեծ առաջի Տեառն, եւ գինի եւ օղի մի՛ արբցէ, եւ Հոգւով Սրբով լցցի անդստին յորովայնէ մօր իւրոյ.

ԳՈՐԾՔ ԱՌԱՔԵԼՈՑ 10:14

Եւ Պետրոս ասէ. Քաւ լիցի, Տէր, զի ոչ երբեք կերայ խառնակ ինչ եւ անսուրբ։

ԴԱՏԱՒՈՐՔ 13:13

Եւ ասէ հրեշտակն ցՄանովէ. Յամենայնէ զոր ասացի կնոջդ՝ զգոյշ լինիցի.

ԴԱՏԱՒՈՐՔ 13:14

յամենայնէ որ ելանէ յորթոյ՝ մի՛ կերիցէ, եւ գինի եւ օղի մի՛ արբցէ, եւ զամենայն անսուրբ մի՛ կերիցէ. յամենայնէ զոր պատուիրեցի նմա՝ զգոյշ լինիցի։

ԴԱՏԱՒՈՐՔ 13:7

Եւ ասէ ցիս. Ահա յղասցիս դու եւ ծնցիս որդի. եւ արդ մի՛ ըմպիցես գինի եւ օղի, եւ մի՛ ուտիցես զամենայն անսուրբ. զի ուխտաւոր Աստուծոյ եղիցի մանուկն անդստին յորովայնէ մօր իւրոյ մինչեւ ցօր մահուան իւրոյ։