ԴԱՏԱՒՈՐՔ 12:8 - Գրաբար Աստվածաշունչ (1895)

⁸ Եւ դատեաց յետ նորա զԻսրայէլ Եսեբոն ի Բեթղեհեմէ։

ԴԱՏԱՒՈՐՔ 12:8 ပူးပေါင်းရင်းမြစ်များ

ԾՆՈՒՆԴՔ 15:19

զԿինեցիս եւ զԿենեզացիս եւ զԿեդմոնացիս

ՄԱՐԳԱՐԷՈՒԹԻՒՆ ՄԻՔԻԱՅ 5:2

Եւ դու, Բեթղեհէմ տուն Եփրաթայ՝՝, սակաւաւոր իցես լինել ի հազարաւորս Յուդայ, ի քէն ելցէ ինձ լինել իշխան Իսրայելի, եւ ելք նորա ի սկզբանէ աւուրց աշխարհի՝՝։

Մատթեոսի Աւետարան 2:1

Եւ ի ծնանելն Յիսուսի ի Բեթղեհեմ Հրէաստանի յաւուրս Հերովդի արքայի, ահա մոգք յարեւելից եկին յԵրուսաղէմ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:15

եւ ընդ Կատտամաթ եւ ընդ Նաաղովղ եւ ընդ Սեմրոն եւ ընդ Յադեղա եւ ընդ Բեթղեհեմ. քաղաքք երկոտասան եւ աւանք նոցա։

ԴԱՏԱՒՈՐՔ 10:1

Եւ յարեաւ յետ Աբիմելեքայ փրկել զԻսրայէլ Թովղա որդի Փուայ, որդի հօրեղբօր նորա՝՝, այր յԻսաքարայ. եւ նա բնակէր ի Սամարիա, ի լերինն Եփրեմայ։

ԴԱՏԱՒՈՐՔ 12:7

Եւ դատեաց Յեփթայէ զԻսրայէլ ամս վեց, եւ մեռաւ Յեփթայէ Գաղաադացի, եւ թաղեցաւ ի քաղաքի իւրում ի Գաղաադ։

ԴԱՏԱՒՈՐՔ 12:9

Եւ եղեն նորա ուստերք երեսուն, եւ դստերք երեսուն տուեալ արտաքս. եւ երեսուն կին ած ուստերաց իւրոց արտաքուստ. եւ դատեաց զԻսրայէլ ամս եւթն։

ԴԱՏԱՒՈՐՔ 17:7

Եւ եղեւ պատանեակ մի ի Բեթղեհեմէ Յուդայ, յազգէ տոհմին Յուդայի, եւ ինքն Ղեւտացի, եւ բնակէր նա անդ։

ԴԱՏԱՒՈՐՔ 19:1

Եւ եղեւ յաւուրսն յայնոսիկ, եւ թագաւոր ոչ գոյր յԻսրայելի եւ էր այր Ղեւտացի պանդխտեալ ի կողմանս լերինն Եփրեմի. եւ առ իւր այրն կին հարճ ի Բեթղեհեմէ Յուդայ։

ԹԱԳԱՒՈՐՈՒԹԵԱՆՑ ԱՌԱՋԻՆ 16:1

Եւ ասէ Տէր ցՍամուէլ. Մինչեւ յե՞րբ սուգ առնուս ի վերայ Սաւուղայ. եւ ես անարգեցի զնա չթագաւորել ի վերայ Իսրայելի. լից զեղջեւր քո իւղով, եւ եկ առաքեմ զքեզ առ Յեսսէ մինչեւ ցԲեթղեհեմ՝՝. զի տեսի ես յորդւոցն նորա թագաւորել ինձ ի թագաւոր։