ԴԱՏԱՒՈՐՔ 12:5 - Գրաբար Աստվածաշունչ (1895)

⁵ Եւ կալաւ Գաղաադ զկիրճս Յորդանանու զԵփրեմի. եւ եղեւ իբրեւ ասացին ապրեալքն Եփրեմայ, թէ՝ Թող անցցուք, ասեն ցնոսա արք Գաղաադու. Միթէ եւ դուք յԵփրեմէ՞ իցէք։ Եւ ասեն. Չեմք ի նոցանէ։

ԴԱՏԱՒՈՐՔ 12:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 11:26

Եւ Յերոբովամ որդի Նաբատայ Եփրաթացի ի Սարիրայ, եւ անուն մօր նորա Սարուա կին այրի, եւ նա էր որդի կնոջ այրւոյ՝՝ ծառայ Սողոմոնի. եւ ամբարձ զձեռն իւր յարքայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:7

Եւ պնդեցան արքն զկնի նոցա զճանապարհն Յորդանանու ի հունն, եւ դուռն փակեցաւ, եւ եղեւ՝՝ իբրեւ ելին խնդրակքն զհետ նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:11

Եւ լուան որդիքն Իսրայելի եւ ասեն եթէ՝ Ահա շինեցին որդիքն Ռուբենի եւ որդիքն Գադայ եւ կէս ցեղին Մանասէի սեղան ի սահմանս երկրին Քանանացւոց ի Գալիլովթ Յորդանանու, յայնկոյս որդւոցն Իսրայելի.

ԴԱՏԱՒՈՐՔ 12:4

Եւ ժողովեաց Յեփթայէ զամենայն արս Գաղաադու եւ տայր պատերազմ ընդ Եփրեմի. եւ հարին արք Գաղաադու զԵփրեմ. զի ասացին ապրեալքն Եփրեմի, թէ՝ Դուք Գաղաադացիք ի մէջ Եփրեմի եւ ի մէջ Մանասէի էք՝՝։

ԴԱՏԱՒՈՐՔ 12:6

Եւ ասեն ցնոսա. Տուք մեզ նշան ինչ, եւ ասացէք. Հասկ հասկ։ Եւ ոչ յաջողեցան խօսել այնպէս. եւ կալան եւ կոտորեցին զնոսա՝՝ յանցսն Յորդանանու. եւ անկան ի ժամանակին յայնմիկ յԵփրեմէ քառասուն եւ երկու հազարք։

ԴԱՏԱՒՈՐՔ 17:7

Եւ եղեւ պատանեակ մի ի Բեթղեհեմէ Յուդայ, յազգէ տոհմին Յուդայի, եւ ինքն Ղեւտացի, եւ բնակէր նա անդ։

ԴԱՏԱՒՈՐՔ 3:28

Եւ ասէ ցնոսա. Իջէք զկնի իմ, զի մատնեաց Տէր Աստուած մեր՝՝ զթշնամիս մեր զՄովաբացիս ի ձեռս մեր։ Եւ իջին զկնի նորա, եւ կալան նախ զանցս Յորդանանու ի Մովաբայ, եւ ոչ թողին մարդոյ անցանել։

ԴԱՏԱՒՈՐՔ 7:24

Եւ հրեշտակս արձակեաց Գեդէոն յամենայն սահմանս Եփրեմայ, եւ ասէ. Իջէք յառաջս Մադիամու, եւ կալարուք զկիրճս ջրոցն մինչեւ ցԲեթփարա եւ ցՅորդանան։ Եւ գոչեաց ամենայն այր Եփրեմի, եւ կալան իւրեանց զանցս ջրոցն մինչեւ ցԲեթփարա եւ ցՅորդանան։

ԹԱԳԱՒՈՐՈՒԹԵԱՆՑ ԱՌԱՋԻՆ 1:1

Եւ այր մի էր յԱրիմաթեմայ, ի Սիբայ՝ ի լեռնէ Եփրեմի, եւ անուն նորա Եղկանա, որդի Յերեմիելի, որդւոյ Հեղեայ, որդւոյ Թովկեայ, ի Նասիբ Եփրեմի՝՝։