ԴԱՏԱՒՈՐՔ 10:9 - Գրաբար Աստվածաշունչ (1895)

⁹ Եւ անցին որդիքն Ամոնայ ընդ Յորդանան տալ պատերազմ ընդ Յուդայ եւ ընդ Բենիամին, եւ ընդ տանն Եփրեմայ. եւ նեղեցան որդիքն Իսրայելի յոյժ։

ԴԱՏԱՒՈՐՔ 10:9 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 14:9

Եւ ել ի վերայ նոցա Զարեհ Եթէովպացի զօրութեամբ հազար հազարօք եւ երեք հարեւր կառօք, եւ եկն մինչեւ ի Մարիսա։

ՄՆԱՑՈՐԴԱՑ ԵՐԿՐՈՐԴ 15:5

Ի ժամանակին յայնմիկ ոչ գոյր խաղաղութիւն այնոցիկ որք մտանէին եւ որք ելանէին. վասն զի արհաւիրք ի Տեառնէ անկան ի վերայ ամենեցուն բնակչաց գաւառացն.

ԵՐԿՐՈՐԴՈՒՄՆ ՕՐԻՆԱՑ 28:65

Այլ եւ յազգսն յայնոսիկ ոչ հանգուսցէ զքեզ, եւ ոչ լինիցի կայ թաթից ոտից քոց. եւ տացէ քեզ անդ սիրտ տրտմեալ եւ աչս սորեալս եւ անձն հաշեալ.

ԴԱՏԱՒՈՐՔ 10:10

Եւ աղաղակեցին որդիքն Իսրայելի առ Տէր եւ ասեն. Մեղաք քեզ, զի թողաք զԱստուածդ մեր եւ պաշտեցաք զԲահաղիմսն։

ԴԱՏԱՒՈՐՔ 10:8

Եւ խախտեցին եւ խորտակեցին զորդիսն Իսրայելի ի ժամանակին յայնմիկ ամս ութուտասն, զամենայն Իսրայելացիս յայնկոյս Յորդանանու, յերկրի Ամովրհացւոցն ի Գաղաադ։

ԴԱՏԱՒՈՐՔ 11:4

Եւ եղեւ յետ աւուրց, եւ պատերազմեցան որդիքն Ամոնայ ընդ Իսրայելացիսն։

ԴԱՏԱՒՈՐՔ 2:15

Եւ՝՝ ձեռն Տեառն էր նոցա ի չարութիւն, որպէս եւ խօսեցաւ Տէր եւ որպէս երդուաւ Տէր, եւ նեղեաց զնոսա՝՝ յոյժ։

ԴԱՏԱՒՈՐՔ 6:2

Եւ զօրացաւ ձեռն Մադիամու ի վերայ Իսրայելի. եւ արարին իւրեանց որդիքն Իսրայելի յերեսաց Մադիամու գոմս ի լերինս եւ յայրս եւ յամուրս՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 13:6

Եւ ետես այր Իսրայելի եթէ անձուկ է նմա մերձենալ առ նա՝՝, եւ թաքեաւ ժողովուրդն յայրս եւ ի գոմս եւ ի վէմս եւ ի խորխորատս եւ ի ջրհորս.

ԹԱԳԱՒՈՐՈՒԹԵԱՆՑ ԱՌԱՋԻՆ 28:15

Եւ ասէ Սամուէլ ցՍաւուղ. Զի՞ լլկեցեր զիս ելանել ինձ՝՝։ Եւ ասէ Սաւուղ. Նեղեալ եմ յոյժ, եւ այլազգիք պատերազմին ընդ իս, եւ Աստուած հեռացաւ յինէն, եւ ոչ լուաւ ինձ ոչ մարգարէիւք, եւ ոչ երազովք. եւ արդ կոչեցի զքեզ ցուցանել ինձ զինչ գործեցից։