ԴԱՏԱՒՈՐՔ 1:27 - Գրաբար Աստվածաշունչ (1895)

²⁷ Եւ ոչ ժառանգեաց Մանասէ զԲեթսան որ է Սկիւթուպօլիս՝՝, եւ ոչ զդստերս նորա եւ ոչ զանդաստանս նորա՝՝, եւ ոչ զԹանաք եւ զդստերս նորա, եւ ոչ զբնակիչսն Դովրայ եւ ոչ զշուրջ բնակեալսն զնովաւ՝՝ եւ ոչ զդստերս նորա. եւ ոչ զբնակիչս Բաղակայ եւ ոչ զշուրջ բնակեալսն զնովաւ եւ ոչ զդստերս նորա.՝՝ եւ ոչ զբնակիչս Յեբղամայ եւ ոչ զշուրջ բնակեալսն զնովաւ եւ՝՝ ոչ զդստերս նորա. եւ սկսաւ՝՝ Քանանացին բնակել յերկրին յայնմիկ։

ԴԱՏԱՒՈՐՔ 1:27 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 9:21

որդիք նոցա մնացեալք յետ նոցա յերկրին, զորս ոչ կարացին որդիքն Իսրայելի սատակել. եւ արկ զնոսա Սողոմոն ընդ հարկօք ծառայութեան մինչեւ ցայսօր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:29

Յաւուրսն յայնոսիկ՝՝ ել փարաւոն Նեքաւով արքայ Եգիպտացւոց ի վերայ արքային Ասորեստանեայց առ Եփրատ գետով. եւ գնաց Յովսիա արքայ ընդ առաջ նորա. եւ սպան զնա ի Մակեդով ի տեսանելն նորա զնա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:27

Եւ Ոքոզիա արքայ Յուդայ ետես եւ փախեաւ ընդ ճանապարհ Բեթանգանայ. եւ պնդեցաւ զհետ նորա Յէու եւ ասէ. Հապա, եւ զդա եւս։ Եւ եհար զնա ի կառսն մինչդեռ ելանէր ընդ զառ ի վերն Բերայի, որ է Յեբղաամ. եւ փախեաւ ի Մակեդդով, եւ անդ մեռաւ։

ԵԼՔ 23:32

Եւ դու մի՛ դնիցես ընդ նոսա եւ ընդ դիս նոցա ուխտ։

ՄԱՐԳԱՐԷՈՒԹԻՒՆ ԵՐԵՄԵԱՅ 48:10

Անիծեալ լիցի որ գործէ զգործ Տեառն հեղգութեամբ, եւ անիծեալ լիցի որ վերացուսցէ զսուր իւր յարենէ նորա։

ԵՐԿՐՈՐԴՈՒՄՆ ՕՐԻՆԱՑ 7:2

եւ մատնեսցէ զնոսա Տէր Աստուած քո ի ձեռս քո, հարցես զնոսա, եւ եղծանելով եղծցես զնոսա. մի՛ դնիցես ընդ նոսա ուխտ, եւ մի՛ ողորմեսցիս նոցա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 21:25

Եւ կիսոյ ցեղին Մանասէի՝ զԹանաք եւ զզատուցեալսն ի նա, եւ զԲեթսան՝՝ եւ զզատուցեալսն ի նա. քաղաքս երկուս։

ԴԱՏԱՒՈՐՔ 1:1

Եւ եղեւ յետ վախճանելոյն Յեսուայ՝ հարցանէին որդիքն Իսրայելի զՏէր եւ ասէին. Ո՞ ելցէ մեզ առ Քանանացին առաջնորդ՝ պատերազմել ընդ նմա։

ԴԱՏԱՒՈՐՔ 1:21

Եւ զՅեբուսացին զբնակեալն յԵրուսաղէմ ոչ ժառանգեցին որդիքն Բենիամինի. եւ բնակեաց Յեբուսացին ընդ որդիսն Բենիամինի յԵրուսաղէմ մինչեւ ցայսօր։

ԴԱՏԱՒՈՐՔ 1:26

Եւ գնաց այրն յերկիրն ի Քետիմ, եւ շինեաց անդ քաղաք, եւ կոչեաց զանուն նորա Լուզա. եւ այն է անուն նորա մինչեւ ցայսօր։

ԴԱՏԱՒՈՐՔ 1:28

Եւ եղեւ իբրեւ զօրացաւ Իսրայէլ՝ եդ զՔանանացին ընդ հարկաւ, եւ բառնալով ոչ եբարձ զնա։

ԴԱՏԱՒՈՐՔ 5:19

Հասին թագաւորք եւ ճակատեցան. յայնժամ տագնապեցան թագաւորք Քանանացւոց ի Թանաք ի վերայ ջրոց Մակեդդովայ. զագահութիւն արծաթոյ ես ոչ առի՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 15:9

Եւ ապրեցոյց Սաւուղ եւ ամենայն ժողովուրդն զԱգագ կենդանի, եւ զընտիրս խաշանց եւ զանդւոց եւ զկերակրոց եւ զայգեաց եւ զամենայն բարութեանց՝՝, եւ ոչ կամեցաւ սատակել զնոսա. եւ զամենայն գործ զանարգ եւ զարհամարհեալ սատակեցին։

ԹԱԳԱՒՈՐՈՒԹԵԱՆՑ ԱՌԱՋԻՆ 31:10

Եւ եդին զկարասին նորա յԱստարտիոնն, եւ զմարմինս նոցա՝՝ կախեցին զպարսպէն Բեթսանայ։