ՄԱՐԳԱՐԷՈՒԹԻՒՆ ԵՍԱՅԵԱՅ 63:11 - Գրաբար Աստվածաշունչ (1895)

¹¹ Եւ յիշեաց զաւուրսն յաւիտենից, թէ՝ Ո՞ւր է Մովսէս եւ ժողովուրդն նորա, որ եհան յերկրէ զհովիւն՝՝ հօտից. ո՞ւր է որ եդ ի նոսա զՀոգին Սուրբ.

ՄԱՐԳԱՐԷՈՒԹԻՒՆ ԵՍԱՅԵԱՅ 63:11 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 9:20

Եւ զՀոգի քո Սուրբ զբարերար՝ ետուր նոցա իմանալ զօրէնսն՝՝ եւ զմանանայն ոչ հեռացուցեր ի բերանոց նոցա, եւ ետուր նոցա ջուր ի ծարաւոյ վիմէ՝՝։

ԳԻՐՔ ՍԱՂՄՈՍԱՑ 106:9

Զի յագեցոյց զանձինս քաղցեալս, եւ զանձինս կարօտեալս լի արար բարութեամբ։

ԳԻՐՔ ՍԱՂՄՈՍԱՑ 143:5

Տէր, խոնարհեցո զերկինս եւ էջ, մերձեա ի լերինս՝ եւ ծխեսցին։

ԳԻՐՔ ՍԱՂՄՈՍԱՑ 25:6

Լուացայց սրբութեամբ զձեռս իմ, եւ շուրջ եղէց զսեղանով քով, Տէր։

ԳԻՐՔ ՍԱՂՄՈՍԱՑ 51:11

Խոստովան եղէց քեզ յաւիտեան զի արարեր, եւ համբերից անուան քում, զի քաղցր է առաջի սրբոց քոց։

ԳԻՐՔ ՍԱՂՄՈՍԱՑ 77:12

Առաջի հարց նոցա զոր արար զսքանչելիս իւր, յերկրին Եգիպտացւոց եւ ի դաշտին Տայանու։

ԳԻՐՔ ՍԱՂՄՈՍԱՑ 77:20

Քանզի հարկանէր զվէմն եւ հոսէին ջուրք, եւ վտակք խաղային ի նմանէ. Աղէ՝ հա՞ց եւս կարասցէ տալ նա մեզ, կամ պատրաստեսցէ՞ սեղան ժողովրդեան իւրոյ։

ԵԼՔ 14:22

Եւ մտին որդիքն Իսրայելի ի մէջ ծովուն ընդ ցամաք. եւ եղեւ ջուրն պարիսպ ընդ աջմէ նոցա, եւ ընդ ահեկէ իւրեանց։

ԵԼՔ 14:30

Եւ ապրեցոյց Տէր զԻսրայէլ յաւուր յայնմիկ ի ձեռաց Եգիպտացւոցն, եւ ետես Իսրայէլ զԵգիպտացիսն մեռեալս առ ափն ծովուն։

ՄԱՐԳԱՐԷՈՒԹԻՒՆ ԵՍԱՅԵԱՅ 43:16

Այսպէս ասէ Տէր որ արար ճանապարհ ընդ ծով եւ ի ջուրս սաստիկս շաւիղս,

ՄԱՐԳԱՐԷՈՒԹԻՒՆ ԵՍԱՅԵԱՅ 63:10

Բայց նոքա հեստեցին, եւ բարկացուցին զՀոգի նորա Սուրբ. եւ դարձաւ նոցա Տէր ի թշնամութիւն. ինքնին ետ ընդ նոսա պատերազմ։

ՄԱՐԳԱՐԷՈՒԹԻՒՆ ԵՍԱՅԵԱՅ 63:15

Եւ արդ դարձ յերկնից՝ եւ տես ի տաճարէ սրբոյ քումմէ եւ ի փառաց քոց. ո՞ւր է նախանձ քո եւ զօրութիւն. ո՞ւր է՝՝ բազում ողորմութիւն գթութեան քո, որով ներէիրն մեզ՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 2:6

եւ ոչ ասացին. Ո՞ւր է Տէր որ եհան զմեզ յերկրէն Եգիպտացւոց, եւ առաջնորդեաց մեզ յանապատին, յանբաւ եւ յանկոխ եւ յանջուր եւ յանպտուղ երկրին եւ ի ստուերս մահու, յերկիր՝ ընդ որ ոչ անց մարդ, եւ ոչ բնակեաց ի նմա որդի մարդոյ.

ՄԱՐԳԱՐԷՈՒԹԻՒՆ ՈՎՍԵԱՅ 12:13

Եւ ի ձեռն մարգարէին եհան Տէր զԻսրայէլ յերկրէն Եգիպտացւոց, եւ մարգարէիւ պահեցաւ։

ՄԱՐԳԱՐԷՈՒԹԻՒՆ ԱՄՈՎՍԱՅ 9:11

Յաւուր յայնմիկ կանգնեցից զխորանն Դաւթի զանկեալն. եւ կանգնեցից զկործանեալս նորա. եւ զյատակեալս նորա վերստին կանգնեցից, եւ շինեցից զնա ըստ աւուրցն յաւիտենից,

ՄԱՐԳԱՐԷՈՒԹԻՒՆ ԱՆԳԵԱՅ 2:5

Եւ բանն զոր ուխտեցի ընդ ձեզ՝ յելանելն յերկրէն Եգիպտացւոց, եւ Հոգին իմ որ կայ ի միջի ձերում. քաջալերեցարուք։

ՄԱՐԳԱՐԷՈՒԹԻՒՆ ԶԱՔԱՐԵԱՅ 4:6

Պատասխանի ետ հրեշտակն եւ ասէ ցիս. Այս բան Տեառն է առ Զորաբաբէլ. ասէ. Ոչ զօրութեամբ մեծաւ եւ ոչ ուժգնութեամբ, այլ Հոգւով իմով, ասէ Տէր ամենակալ։

ԹԻՒՔ 11:17

եւ իջից անդր եւ խօսեցայց ընդ քեզ. եւ առից ի Հոգւոյդ որ ի քեզ է եւ արկից զնոքօք. եւ բարձցեն ընդ քեզ զյանդգնութիւն ժողովրդեանդ այդորիկ, եւ ոչ կրեսցես զդոսա դու միայն։

ԹԻՒՔ 11:25

Եւ էջ Տէր ամպով, եւ խօսեցաւ ընդ Մովսիսի, եւ ա՛ռ ի Հոգւոյն որ ի նմա, եւ արկ զեւթանասուն արամբքն զծերովք. եւ իբրեւ հանգեաւ Հոգին ի վերայ նոցա, եւ մարգարէացան ի բանակին, եւ այլ ոչ եւս յաւելին։

ԹԻՒՔ 11:29

Եւ ասէ ցնա Մովսէս. Մի՛ արկաներ դու ինձ նախանձուկս. եւ ո՜ տայր զամենայն ժողովուրդս Տեառն մարգարէս, յորժամ տայր Տէր զՈգին իւր ի վերայ նոցա։

ԱՌ ԵԲՐԱՅԵՑԻՍ ԹՈՒՂԹ 13:20

Եւ Աստուած խաղաղութեան որ եհան ի մեռելոց զՀովիւն հօտից, զմեծն արեամբ յաւիտենական ուխտին, զՏէր մեր Յիսուս,

ԴԱՏԱՒՈՐՔ 6:13

Եւ ասէ ցնա Գեդէոն. Յիս, Տէր իմ. եթէ էր Տէր ընդ մեզ, ընդէ՞ր գտին զմեզ ամենայն չարիքս այսոքիկ. եւ ո՞ւր են ամենայն սքանչելիքն նորա զոր պատմեցին մեզ հարքն մեր եւ ասեն. Ո՞չ ապաքէն յԵգիպտոսէ եհան զմեզ Տէր. եւ արդ ընդէ՞ր մերժեաց զմեզ, եւ մատնեաց զմեզ ի ձեռս Մադիամու։