ՄԱՐԳԱՐԷՈՒԹԻՒՆ ԵՍԱՅԵԱՅ 58:12 - Գրաբար Աստվածաշունչ (1895)

¹² Եւ շինեսցին աւերակք քո յաւիտենից, եւ եղիցին հիմունք քո մշտնջենաւորք, ազգաց յազգս՝՝ կանգնեսջիր, եւ կոչեսջիր Խրամակարկատ ցանգոյ, եւ զընդմիջնաշաւիղս նոցա դադարեցուսցես՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 58:12 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 2:17

Եւ ասացի ցնոսա. Դուք տեսէք զչարիսս յորում եմք այժմ, եւ զիարդ Երուսաղէմ անապատ է եւ դրունք սորա հրկէզ. եկայք եւ շինեսցուք զպարիսպս Երուսաղեմի, եւ ոչ եւս եղիցուք ի նախատինս։

ԳԻՐՔ ՆԷԵՄԵԱՅ 2:5

ասեմ ցթագաւորն. Եղիցի ի վերայ թագաւորութեանդ քում բարութիւն՝՝, եւ եթէ եգիտ ծառայ քո շնորհս առաջի երեսաց քոց, եւ կամիս՝՝ յղեա զիս ի Հրէաստան ի քաղաք յիշատակարանաց՝՝ հարցն իմոց, եւ ես բանիւ հրամանի քո՝՝ շինեցից զնա։

ԳԻՐՔ ՆԷԵՄԵԱՅ 6:1

Եւ եղեւ յորժամ լուան Սանաբաղատ եւ Տուբիա եւ երկիրն Արաբացւոց եւ այլք բազումք՝՝ ի թշնամեաց մերոց, եթէ շինեցի զպարիսպն, եւ ոչ մնաց ի նոսա զօրութիւն. (եւ ցայն ժամ եւս զդրունսն ոչ էր կազմեալ.)

ԳԻՐՔ ՅՈԲԱՅ 3:14

ընդ թագաւորս եւ ընդ խորհրդականս երկրի ոյք հպարտացեալ էին ի սուրս իւրեանց՝՝,

ՄԱՐԳԱՐԷՈՒԹԻՒՆ ԵՍԱՅԵԱՅ 30:13

Վասն այնորիկ եղիցին ձեզ մեղքդ այդոքիկ իբրեւ զպարիսպ կործանեալ առժամայն ամուր քաղաքի առելոյ՝՝, որում յանկարծակի հասանիցէ կործանումն։

ՄԱՐԳԱՐԷՈՒԹԻՒՆ ԵՍԱՅԵԱՅ 44:28

որ ասեմ ցԿիւրոս թէ՝ Իմաստնասջիր, եւ զամենայն կամս իմ արասցես. որ ասեմ ցԵրուսաղէմ թէ՝ Շինեսջիր, եւ զտաճարն իմ սուրբ հաստատեցից՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 49:8

Այսպէս ասէ Տէր ցԻսրայէլ. Ի ժամանակի ընդունելութեան լուայ քեզ, եւ յաւուր փրկութեան օգնեցի քեզ. եւ ստեղծի զքեզ, եւ ետու զքեզ յուխտ հեթանոսաց՝՝ հաստատել զերկիր, եւ ժառանգեցուցանել զժառանգութիւնս աւերակս.

ՄԱՐԳԱՐԷՈՒԹԻՒՆ ԵՍԱՅԵԱՅ 51:3

Եւ արդ մխիթարեցից զքեզ, Սիոն, եւ մխիթարեցից զամենայն զաւերակս նորա. եւ արարից զամենայն աւերակս նորա իբրեւ զդրախտ, եւ զկողմն արեւմտից՝՝ իբրեւ զդրախտ Տեառն. ուրախութիւն եւ ցնծութիւն գտցեն ի նմա, խոստովանութիւն եւ ձայն օրհնութեան։

ՄԱՐԳԱՐԷՈՒԹԻՒՆ ԵՍԱՅԵԱՅ 52:9

Լերինք գոչեսցեն աւերակօքն հանդերձ Երուսաղեմի զցնծութիւն, զի ողորմեցաւ նմա Տէր, եւ փրկեաց զԵրուսաղէմ։

ՄԱՐԳԱՐԷՈՒԹԻՒՆ ԵՍԱՅԵԱՅ 61:4

Եւ շինեսցեն զաւերակսն յաւիտենից, եւ զյառաջագոյն աւերեալսն կանգնեսցեն, եւ նորոգեսցեն զքաղաքս աւերեալս ազգաց մինչեւ յազգս։

ՄԱՐԳԱՐԷՈՒԹԻՒՆ ԵՐԵՄԵԱՅ 31:38

Ահա աւուրք գան, ասէ Տէր. եւ շինեսցի քաղաք Տեառն յաշտարակէ անտի Անամայելի մինչեւ ի դուռն Անկեանն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 13:5

եւ ոչ կացին ի հաստատութեան, եւ ժողովեցին հօտս ի վերայ տանդ Իսրայելի, եւ ոչ հաստատեցան ոյք խօսէին յանուն Տեառն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:33

Այսպէս ասէ Տէր Տէր. Յաւուր յորում սրբեցից զձեզ յամենայն անօրէնութեանց ձերոց, եւ շինեսցին աւերակք, եւ բնակեցուցից զքաղաքս.

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:4

վասն այդորիկ, լերինք Իսրայելի, լուարուք զպատգամս Ադոնայի Տեառն. այսպէս ասէ Տէր Տէր ցլերինս եւ ցբլուրս եւ ցխորս եւ ցձորս եւ ցաւերակս ապականեալս եւ ցքաղաքս լքեալս՝ որ եղեն յաւեր եւ ի կոխումն մնացելոց ազգացդ որ շուրջ զձեւք են.

ՄԱՐԳԱՐԷՈՒԹԻՒՆ ԱՄՈՎՍԱՅ 9:11

Յաւուր յայնմիկ կանգնեցից զխորանն Դաւթի զանկեալն. եւ կանգնեցից զկործանեալս նորա. եւ զյատակեալս նորա վերստին կանգնեցից, եւ շինեցից զնա ըստ աւուրցն յաւիտենից,

ՄԱՐԳԱՐԷՈՒԹԻՒՆ ԱՄՈՎՍԱՅ 9:14

Եւ դարձուցից զգերութիւն ժողովրդեան իմոյ Իսրայելի, եւ շինեսցեն զքաղաքս ապականեալս եւ բնակեսցեն. եւ տնկեսցեն այգիս, եւ արբցեն զգինի նոցա. արասցեն պարտէզս, եւ կերիցեն զպտուղ նոցա։

ՄԱՐԳԱՐԷՈՒԹԻՒՆ ՄԻՔԻԱՅ 7:11

Օր ծեփոյ աղիւսոյ, եւ ջնջումն քո եղիցի օրն այն. մերժեսցէ զիրաւունս քո օրն այն։