ՄԱՐԳԱՐԷՈՒԹԻՒՆ ԵՍԱՅԵԱՅ 44:23 - Գրաբար Աստվածաշունչ (1895)

²³ Ուրախ լերուք, երկինք, զի ողորմեցաւ Աստուած Իսրայելի՝՝. փող հարէք, հիմունք երկրի. գոչեցէք, լերինք, զուրախութիւն, բլուրք եւ ամենայն ծառք որ ի նոսա. զի փրկեաց Աստուած զՅակոբ, եւ Իսրայէլ՝՝ փառաւորեսցի։

ՄԱՐԳԱՐԷՈՒԹԻՒՆ ԵՍԱՅԵԱՅ 44:23 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 16:31

Ուրախ եղիցին երկինք եւ ցնծասցէ երկիր. եւ ասասցեն ի հեթանոսս. Տէր թագաւորեաց։

ՄՆԱՑՈՐԴԱՑ ԱՌԱՋԻՆ 16:32

Հնչեսցէ ծով լիութեամբն իւրով, փայտք անդաստանի՝՝ եւ ամենայն որ է ի նմա։

ՄՆԱՑՈՐԴԱՑ ԱՌԱՋԻՆ 16:33

Յայնժամ ուրախ եղիցին ամենայն ծառք անտառի զի եկն՝՝ դատել զերկիր։

ԳԻՐՔ ՍԱՂՄՈՍԱՑ 148:7

Օրհնեցէք զՏէր յերկրէ վիշապք, եւ ամենայն խորք,

ԳԻՐՔ ՍԱՂՄՈՍԱՑ 148:9

լերինք եւ ամենայն բլուրք, ծառք պտղաբերք եւ ամենայն մայրք,

ԳԻՐՔ ՍԱՂՄՈՍԱՑ 65:13

Մտից ի տուն քո պատարագօք, տաց քեզ զուխտս իմ զոր խոստացան քեզ շրթունք իմ,

ԳԻՐՔ ՍԱՂՄՈՍԱՑ 89:13

Դարձ, Տէր, մինչեւ յե՞րբ. մխիթարեաց ի ծառայս քո։

ԵԼՔ 18:9

Եւ զարմացաւ Յոթոր ի վերայ ամենայն բարեացն զոր արար նոցա Տէր, եւ զի ապրեցոյց զնոսա ի ձեռաց Եգիպտացւոցն եւ ի ձեռաց փարաւոնի՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 12:5

Օրհնեցէք զանուն Տեառն զի մեծամեծս արար, պատմեցէք զայս՝ ամենայն երկրի։

ՄԱՐԳԱՐԷՈՒԹԻՒՆ ԵՍԱՅԵԱՅ 26:15

Յաւել նոցա, Տէր, չարիս, յաւել չարիս ի վերայ փառաւորաց երկրի. յերկարեցեր ամենայն ծագաց երկրի։

ՄԱՐԳԱՐԷՈՒԹԻՒՆ ԵՍԱՅԵԱՅ 43:1

Եւ արդ այսպէս ասէ Տէր Աստուած որ արար զքեզ, Յակոբ, եւ որ ստեղծ զքեզ, Իսրայէլ. Մի՛ երկնչիր զի փրկեցի զքեզ, եւ կոչեցի քեզ զանուն քո թէ՝ Իմ ես։

ՄԱՐԳԱՐԷՈՒԹԻՒՆ ԵՍԱՅԵԱՅ 43:7

եւ զամենեսեան որ միանգամ կոչեցեալ են յանուն իմ. զի փառօք իմովք հաստատեցի զնա եւ ստեղծի զնա եւ արարի զնա։

ՄԱՐԳԱՐԷՈՒԹԻՒՆ ԵՍԱՅԵԱՅ 46:13

մերձեցուցի զարդարութիւն իմ եւ այլ ոչ հեռասցի. եւ զճշմարտութիւն եւ զփրկութիւն իմ ոչ յամեցուցից. ետու ի Սիոն զփրկութիւն Իսրայելի ի փառաւորութիւն։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 49:13

Ուրախ լերուք, երկինք, եւ ցնծասցէ երկիր, գոչեսցեն լերինք զցնծութիւն եւ բլուրք զարդարութիւն՝՝. զի ողորմեցաւ Աստուած ժողովրդեան իւրում, եւ զխոնարհս ժողովրդեան իւրոյ մխիթարեաց։

ՄԱՐԳԱՐԷՈՒԹԻՒՆ ԵՍԱՅԵԱՅ 49:3

եւ ասէ ցիս. Ծառայ իմ ես դու, Իսրայէլ, եւ ի քեզ փառաւորեցայց։

ՄԱՐԳԱՐԷՈՒԹԻՒՆ ԵՍԱՅԵԱՅ 52:9

Լերինք գոչեսցեն աւերակօքն հանդերձ Երուսաղեմի զցնծութիւն, զի ողորմեցաւ նմա Տէր, եւ փրկեաց զԵրուսաղէմ։

ՄԱՐԳԱՐԷՈՒԹԻՒՆ ԵՍԱՅԵԱՅ 60:21

Եւ ժողովուրդ քո ամենեքին արդար, եւ յաւիտեանս ժառանգեսցեն զերկիր, պահել զնորատունկ գործոց ձեռաց իւրեանց ի փառս՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 61:3

տալ սգաւորաց Սիոնի փառս. փոխանակ մոխրոյն՝ օծումն ուրախութեան, եւ սգաւորացն հանդերձ փառաց՝ փոխանակ ոգւոցն՝՝ վհատութեան, եւ կոչեսցին նոքա ազգք արդարութեան՝ տունկ Տեառն ի փառս։

ՄԱՐԳԱՐԷՈՒԹԻՒՆ ԵՐԵՄԵԱՅ 31:11

զի փրկեաց Տէր զՅակոբ, եւ ապրեցոյց զնա ի ձեռաց բռնաւորաց նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 51:48

Եւ ցնծասցեն ի վերայ Բաբելոնի երկինք եւ երկիր եւ ամենայն որ ի նոսա. զի ի հիւսիսոյ եկեսցեն թշուառացուցիչք նորա, ասէ Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 35:14

Այսպէս ասէ Տէր Տէր. Յուրախութիւն ամենայն երկրի՝ արարից զքեզ յաւերակ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:1

Եւ դու, որդի մարդոյ, մարգարեաց ի վերայ լերանցն Իսրայելի, եւ ասասցես ցլերինսն Իսրայելի. Լուարուք զպատգամս Տեառն.

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:8

Բայց զձեր, լերինքդ Իսրայելի, զխաղող եւ զարդիւնս կերիցէ ժողովուրդ իմ Իսրայէլ, զի ակն ունին դառնալոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:13

Եւ թաղեսցեն զնոսա ամենայն ժողովուրդք երկրին. եւ եղիցի նոցա անուանի օրն յորում փառաւորեցայց, ասէ Տէր Տէր։

ԱՌ ԵՓԵՍԱՑԻՍ ԹՈՒՂԹ 3:21

նմա փառք յեկեղեցւոջն եւ ի Քրիստոս Յիսուս յամենայն ազգս յաւիտենից յաւիտեանս։ Ամէն։

ԱՌ ԵՓԵՍԱՑԻՍ ԹՈՒՂԹ 4:9

Որ ելն զի՞նչ է, եթէ ոչ զի էջ նախ ի ստորին կողմ երկրի։

ՊԵՏՐՈՍԻ ԱՌԱՋԻՆ՝՝ 4:11

Եթէ ոք խօսիցի, իբրեւ զԱստուծոյ պատգամս. եթէ ոք մատակարարիցէ, իբրեւ ի զօրութենէ զոր շնորհէ Աստուած. զի յամենայնի փառաւորեսցի Աստուած ի ձեռն Յիսուսի Քրիստոսի. որում փառք եւ զօրութիւն յաւիտեանս յաւիտենից։ Ամէն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 12:12

Վասն այսորիկ ուրախ լիցին երկինք՝՝ եւ ամենայն որ բնակեալ են ի նմա. վա՜յ երկրի եւ ծովու զի անկաւ Բանսարկուն առ ձեզ, որ ունի զցասումն բազում, եւ կացցէ առ սակաւ մի ժամանակս՝՝։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 18:20

Ուրախ լերուք ի վերայ նորա, երկինք եւ սուրբ առաքեալք եւ մարգարէք, զի դատեցաւ Աստուած զդատաստան ձեր ի դմանէ։