ՄԱՐԳԱՐԷՈՒԹԻՒՆ ԵՍԱՅԵԱՅ 43:23 - Գրաբար Աստվածաշունչ (1895)

²³ ոչ մատուցեր ինձ խաշինս ողջակիզաց քոց, եւ ոչ զոհիւք քովք փառաւորեցեր զիս. ոչ ծառայեցեր ինձ պատարագօք քովք՝՝, եւ ոչ աշխատ արարի զքեզ ի ծախս կնդրկաց քոց։

ՄԱՐԳԱՐԷՈՒԹԻՒՆ ԵՍԱՅԵԱՅ 43:23 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 13:10

Եւ գիտացի եւ հասի ի վերայ՝ եթէ զբաժին Ղեւտացւոցն ոչ էր տուեալ, եւ նոքա էին գնացեալ յագարակս իւրեանց, եւ Ղեւտացիքն եւ երգեցիկքն գործէին զգործ մշակութեան։

ԵԼՔ 30:34

Եւ ասէ Տէր ցՄովսէս. Առ դու քեզ խունկս անուշունս, ստաշխն եւ եղունգն եւ զքաղբանն զանոյշ եւ զկնդրուկ զերեւելի. զի հասարակ առ հասարակ լինիցին։

ԱՌԱԿՔ ՍՈՂՈՄՈՆԻ 15:8

Պատարագք ամպարշտաց պիղծ են առաջի Աստուծոյ, ուխտք ուղղոց՝ ընդունելի են նմա։

ԱՌԱԿՔ ՍՈՂՈՄՈՆԻ 21:27

Պատարագք ամպարշտաց պիղծ են առաջի Տեառն՝՝, քանզի անօրէնութեամբ իսկ մատուցանեն զնոսա։

ԱՌԱԿՔ ՍՈՂՈՄՈՆԻ 3:9

Պատուեա զՏէր ի քոց արդար վաստակոց, եւ հան նմա պտուղ ի քոց արդարութեան արմտեաց.՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 66:3

Բայց անօրէնն որ մատուցանէ ինձ եզն պատարագ՝ այնպէս է, որպէս թէ հարկանիցէ ոք զկառափն մարդոյ. եւ որ մատուցանէ զոչխար պատարագ՝ այնպէս է, որպէս թէ զշուն ոք մորթիցէ. եւ որ մատուցանէ ոք նաշիհ՝ այնպէս է, որպէս թէ հեղուցու ոք զարիւն խոզի. եւ որ տայցէ զկնդրուկն ի խունկս յիշատակաց՝ այնպէս է, որպէս զհայհոյիչն. եւ ինքեանք ընտրեցին զճանապարհս իւրեանց, եւ զգարշելիս իւրեանց զոր անձինք իւրեանց ախորժեցին։

ՄԱՐԳԱՐԷՈՒԹԻՒՆ ԵՐԵՄԵԱՅ 7:21

Այսպէս ասէ Տէր զօրութեանց Աստուած Իսրայելի. Զողջակէզս ձեր ժողովեցէք հանդերձ զոհիւք ձերովք, եւ կերայք միս.

ՄԱՐԳԱՐԷՈՒԹԻՒՆ ԵՐԵՄԵԱՅ 7:22

զի ոչ խօսեցայ ընդ հարսն ձեր, եւ ոչ պատուէր ետու նոցա յաւուրն յորում հանի զնոսա յերկրէն Եգիպտացւոց՝ վասն բանի ողջակիզաց եւ զոհից։

ՂԵՒՏԱԿԱՆ 2:1

Եւ անձն ոք եթէ մատուցանիցէ պատարագ Տեառն, նաշիհ լիցի պատարագն նորա. եւ արկցէ զնովաւ եւղ, եւ դիցէ ի վերայ նորա կնդրուկ. զի զոհ է։՝՝

ՂԵՒՏԱԿԱՆ 24:7

Եւ դիցես ի վերայ նուիրին կնդրուկ սուրբ եւ աղ՝՝. եւ եղիցին ի հաց յիշատակի զառաջաւոր Տեառն։

ՄԱՐԳԱՐԷՈՒԹԻՒՆ ԱՄՈՎՍԱՅ 5:25

Միթէ սպա՞նդ եւ զոհս մատուցէք ինձ յանապատի անդ զքառասուն ամ, տունդ Իսրայելի.

ՄԱՐԳԱՐԷՈՒԹԻՒՆ ՄԻՔԻԱՅ 6:3

Ժողովուրդ իմ, զի՞ արարի քեզ, կամ ի՞ւ տրտմեցուցի զքեզ,՝՝ կամ ի՞ւ նեղեցի զքեզ. տուր ինձ պատասխանի։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:8

Իցէ՞ թէ խաբիցէ՝՝ մարդ զԱստուած. զի դուք խաբեցէք զիս, եւ ասացէք. Ի՞ւ խաբեցաք զքեզ. զի տասանորդք եւ պտուղք առ ձեզ են.

Մատթեոսի Աւետարան 11:30

Զի լուծ իմ քաղցր է, եւ բեռն իմ՝ փոքրոգի։