ՄԱՐԳԱՐԷՈՒԹԻՒՆ ԵՍԱՅԵԱՅ 38:3 - Գրաբար Աստվածաշունչ (1895)

³ եւ ասէ. Ո՜ Տէր, յիշեա զիս, Տէր,՝՝ զի գնացի առաջի քո արդարութեամբ եւ ճշմարտութեամբ սրտիւ, եւ զհաճոյս առաջի քո արարի։ Եւ ելաց Եզեկիա լալիւն մեծ։

ՄԱՐԳԱՐԷՈՒԹԻՒՆ ԵՍԱՅԵԱՅ 38:3 ပူးပေါင်းရင်းမြစ်များ

ԾՆՈՒՆԴՔ 17:1

Եւ եղեւ Աբրամ ամաց իննսուն եւ ինունց. եւ երեւեցաւ Տէր Աստուած Աբրամու եւ ասէ ցնա. Ես եմ Աստուած քո. հաճոյ լեր՝՝ առաջի իմ, եւ լեր անարատ։

ԾՆՈՒՆԴՔ 6:9

Եւ այս են ծնունդք Նոյի. Նոյ այր արդար կատարեալ էր յազգի անդ իւրում. եւ հաճոյ եղեւ Նոյ՝՝ Աստուծոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 15:14

Սակայն զբարձունսն ոչ եբարձ. բայց սիրտ նորա կատարեալ էր ընդ Տեառն զամենայն աւուրս իւր։

ԹԱԳԱՒՈՐՈՒԹԵԱՆՑ ԵՐՐՈՐԴ 2:4

Զի հաստատեսցէ Տէր զբան իւր զոր խօսեցաւ վասն իմ եւ ասէ. Եթէ պահեսցեն որդիք քո զճանապարհս իւրեանց գնալ առաջի իմ ճշմարտութեամբ յամենայն սրտէ իւրեանց եւ յամենայն անձնէ իւրեանց, ասէ. Մի՛ սատակեսցի այր յաթոռոյ Իսրայելի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:3

Եւ արար ուղղութիւն առաջի Տեառն ըստ ամենայնի զոր արար Դաւիթ հայր նորա։

ՄՆԱՑՈՐԴԱՑ ԱՌԱՋԻՆ 28:9

Եւ դու, Սողոմոն որդի իմ, ծանիր զԱստուած հարցն քոց՝՝, եւ ծառայեա նմա կատարեալ սրտիւ, եւ մտօք կամաց քոց. վասն զի զամենայն սիրտս քննէ Տէր եւ զամենայն խորհուրդս ճանաչէ. եթէ խնդրեսցես զնա՝ գտցի քեզ, եւ եթէ թողցես զնա՝ լքցէ զքեզ ի սպառ։

ՄՆԱՑՈՐԴԱՑ ԱՌԱՋԻՆ 29:19

Եւ Սողոմոնի որդւոյ իմում տուր սիրտ բարի՝ առնել զպատուիրանս քո եւ զվկայութիւնս քո եւ զհրամանս քո, եւ ի կատարումն ածել զպատրաստութիւն տան քո՝՝։

ՄՆԱՑՈՐԴԱՑ ԱՌԱՋԻՆ 29:9

Եւ զուարճացաւ ժողուվուրդն յաղագս յառաջամիտ լինելոյն. վասն զի լի սրտիւ եղեն յառաջամիտք Տեառն. եւ Դաւիթ արքայ ուրախ եղեւ մեծապէս։

ՄՆԱՑՈՐԴԱՑ ԵՐԿՐՈՐԴ 16:9

վասն զի աչք Տեառն հային յամենայն երկիր զօրացուցանել յամենայն լի սրտից զնա՝՝։ եւ արդ տգիտացար յայդմիկ. յայսմ հետէ եղիցի քեզ պատերազմ։

ՄՆԱՑՈՐԴԱՑ ԵՐԿՐՈՐԴ 25:2

Եւ արար ուղղութիւն առաջի Տեառն, բայց ոչ լի սրտիւ։

ԵԶՐ 10:1

Եւ յորժամ եկաց Եզրաս յաղօթս հանդերձ խոստովանութեամբքս այսոքիւք եւ ողբովք մեծամեծօք՝ անկեալ էր ի վերայ երեսաց երկրի առաջի Տեառն՝՝. ժողովեցան առ նա ամենայն որ էին յԵրուսաղէմ՝՝ ժողովուրդ բազում, արք եւ կանայք, երիտասարդք եւ կուսանք, եւ ողբայր ժողովուրդն, եւ համբարձին զձայնս լալոյ իւրեանց։

ԳԻՐՔ ՆԷԵՄԵԱՅ 1:4

Եւ եղեւ յորժամ լուայ ես զբանս զայս, նստայ եւ լայի եւ սուգ առի զաւուրս եւ պահեցի պահս, եւ կացի յաղօթս առաջի Տեառն Աստուծոյ երկնից,

ԳԻՐՔ ՆԷԵՄԵԱՅ 13:14

Յիշեսցէ զիս Աստուած յայնմ ամենայնի, եւ մի՛ ի բացէ արասցէ զողորմութիւն իւր յինէն. վասն զի արարի զայս ամենայն ի տան Տեառն Աստուծոյ Իսրայելի։՝՝

ԳԻՐՔ ՆԷԵՄԵԱՅ 13:22

Եւ ասեմ ցՂեւտացիսն որք էին սրբեալ, եւ գային պահէին զդրունսն, եւ սրբէին յաւուր շաբաթու. եւ յայնմ հետէ ոչ պղծեցին զշաբաթսն՝՝։ Եւ յայսմ ամենայնի յիշեսցէ զիս Աստուած, եւ խնայեսցէ յիս ըստ բազում ողորմութեան իւրում։

ԳԻՐՔ ՆԷԵՄԵԱՅ 13:31

եւ ետու կազմ բերել զամենայն փայտ ողջակիզացն յիւրաքանչիւր ժամանակս, եւ զառաջաւորսն պտղոյ իւրեանց։ Յիշեսցէ զիս Աստուած մեր յամենայն բարութիւնս արդարութեան, այն որ օրհնեալն է յաւիտեան։ Ամէն։՝՝

ԳԻՐՔ ՆԷԵՄԵԱՅ 5:19

Յիշեսցէ զիս Աստուած՝՝ ի բարութիւն, որպէս արարի ամենայն ժողովրդեանն։

ԳԻՐՔ ՍԱՂՄՈՍԱՑ 101:2

Տէր, լուր աղօթից իմոց, աղաղակ իմ առ քեզ եկեսցէ։

ԳԻՐՔ ՍԱՂՄՈՍԱՑ 102:9

Ոչ ի սպառ բարկանայ Տէր, եւ ոչ յաւիտեան պահէ ոխս։

ԳԻՐՔ ՍԱՂՄՈՍԱՑ 16:8

Պահեա զիս որպէս բիբ ական, ընդ հովանեաւ թեւոց քոց ծածկեսցես զիս

ԳԻՐՔ ՍԱՂՄՈՍԱՑ 26:3

Թէ պատրաստեսցի ի վերայ իմ պատերազմ, ոչ երկիցէ սիրտ իմ. թէ յարիցէ ի վերայ իմ ճակատամարտ, սակայն եւ յայսմիկ ի քեզ, Տէր, յուսացայ։

ԳԻՐՔ ՍԱՂՄՈՍԱՑ 32:2

Խոստովան եղերուք Տեառն օրհնութեամբ, տասնաղեաւ սաղմոսարանաւ սաղմոս ասացէք նմա։

ԳԻՐՔ ՍԱՂՄՈՍԱՑ 6:6

Զի ոչ ոք է որ ի մահու յիշէ զքեզ, կամ ի դժոխս խոստովան առնի առ քեզ։

ԳԻՐՔ ՍԱՂՄՈՍԱՑ 6:8

Խռովեցաւ ի սրտմտութենէ ակն իմ, մաշեցայ ես ի վերայ ամենայն թշնամեաց իմոց։

ՄԱՐԳԱՐԷՈՒԹԻՒՆ ԵՍԱՅԵԱՅ 38:2

Եւ դարձոյց Եզեկիա զերեսս իւր յորմ անդր, յաղօթս եկաց,

ՄԱՐԳԱՐԷՈՒԹԻՒՆ ԵՍԱՅԵԱՅ 38:4

Եւ եղեւ բան Տեառն առ Եսայի եւ ասէ.

ՄԱՐԳԱՐԷՈՒԹԻՒՆ ՈՎՍԵԱՅ 12:4

Եւ ժուժկալեաց ընդ հրեշտակին եւ զօրացաւ. լացին եւ խնդրեցին զիս, եւ ի տան իմում գտին զիս. անդ պատմեցաւ նոցա.

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:47

Իբրեւ ետես Յիսուս զՆաթանայէլ զի գայր առ նա, ասէ վասն նորա. Ահա արդարեւ Իսրայելացի յորում նենգութիւն ոչ գոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:12

Քանզի պարծանք մեր այս են, վկայութիւն մտաց մերոց, զի սրբութեամբ եւ ստուգութեամբ Աստուծոյ, եւ ոչ մարմնեղէն իմաստութեամբ, այլ շնորհօքն Աստուծոյ շրջեցաք յաշխարհի, բայց առաւել եւս առ ձեզ։

ԵՐԿՐՈՐԴՈՒՄՆ ՕՐԻՆԱՑ 6:18

Եւ արասցես զբարին եւ զհաճոյսն առաջի Տեառն Աստուծոյ քո՝՝, զի քեզ բարի լինիցի, եւ մտցես եւ ժառանգեսցես զերկիրն բարի զոր երդուաւ Տէր հարցն մերոց,

ԱՌ ԵԲՐԱՅԵՑԻՍ ԹՈՒՂԹ 5:7

Որ յաւուրս մարմնոյ իւրոյ աղօթս եւ պաղատանս առ այն որ կարողն էր ապրեցուցանել զնա ի մահուանէ՝ ուժգին գոչմամբ եւ արտասուօք մատուցանէր, եւ լսելի լինէր առ լաւութեանն։

ԱՌ ԵԲՐԱՅԵՑԻՍ ԹՈՒՂԹ 6:10

Ոչ եթէ անիրաւ ինչ է Աստուած մոռանալ զգործս ձեր եւ զսէրն զոր ցուցէք յանուն նորա, զի պաշտէիք զսուրբսն եւ պաշտէք։