ՄԱՐԳԱՐԷՈՒԹԻՒՆ ԵՍԱՅԵԱՅ 37:29 - Գրաբար Աստվածաշունչ (1895)

²⁹ Եւ սրտմտութիւն քո զոր սրտմտեցեր, եւ դառնութիւն քո ել առաջի՝՝ իմ. եւ արկից վարապան ի ցռուկ քո, եւ դանդանաւանդ ի կզակս քո. եւ դարձուցից զքեզ ընդ նոյն ճանապարհ ընդ որ եկիր։

ՄԱՐԳԱՐԷՈՒԹԻՒՆ ԵՍԱՅԵԱՅ 37:29 ပူးပေါင်းရင်းမြစ်များ

ԳԻՐՔ ՅՈԲԱՅ 41:2

կամ ո՞վ իցէ որ ինձ ընդդէմ դառնայցէ եւ հանդարտիցէ. եթէ ամենայն առ ի ներքոյ երկնից իմ է։

ԳԻՐՔ ՍԱՂՄՈՍԱՑ 32:9

Զի նա ասաց՝ եւ եղեն, ինքն հրամայեաց՝ եւ հաստատեցան։

ԳԻՐՔ ՍԱՂՄՈՍԱՑ 46:6

Համբարձաւ Աստուած օրհնութեամբ, եւ Տէր մեր ձայնիւ փողոյ։

ԳԻՐՔ ՍԱՂՄՈՍԱՑ 74:4

Մաշեցաւ երկիր եւ ամենայն բնակիչք նորա, ես հաստատեցի զսիւնս նորա։

ԳԻՐՔ ՍԱՂՄՈՍԱՑ 83:2

Ո՜րպէս սիրելի են յարկք քո, Տէր զօրութեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 10:12

Եւ եղիցի յորժամ կատարեսցէ Տէր առնել զամենայն ինչ ի լերին Սիոնի եւ յԵրուսաղէմ, ածցէ եւ ի վերայ մեծամտին բարկութիւն, ի վերայ իշխանին Ասորեստանեայց եւ ի վերայ հպարտացեալ փառաց աչաց նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 30:28

եւ հոգի նորա իբրեւ զջուր ձորալիր պարանոցաթաղ յորդեսցէ. եւ բաժանեսցի խռովեցուցանել զազգս վասն սնոտի մոլորութեանն. եւ հալածեսցէ զնոսա մոլորութիւնն, եւ հասցէ նոցա յանդիման նոցին։

ՄԱՐԳԱՐԷՈՒԹԻՒՆ ԵՍԱՅԵԱՅ 36:10

Իսկ արդ մեք առանց Տեա՞ռն եկեալ իցեմք յերկիրս յայս տալ ընդ սմա պատերազմ. Տէր ասաց ցիս. Ել յերկիրն յայն, եւ ապականեա զնա։

ՄԱՐԳԱՐԷՈՒԹԻՒՆ ԵՍԱՅԵԱՅ 36:4

Եւ ասէ ցնոսա Ռափսակ. Երթայք ասացէք ցԵզեկիա. Այսպէս ասէ մեծ, արքայն Ասորեստանեայց. Յո՞ յուսացեալ իցես.

ՄԱՐԳԱՐԷՈՒԹԻՒՆ ԵՍԱՅԵԱՅ 37:10

Այսպէս ասացէք ցԵզեկիա արքայ Հրէաստանի. Մի՛ խաբեսցէ զքեզ Աստուած յոր դու յուսացեալ ես, եւ ասիցէ թէ՝ Ոչ մատնեսցի Երուսաղէմ ի ձեռս արքային Ասորեստանեայց։

ՄԱՐԳԱՐԷՈՒԹԻՒՆ ԵՍԱՅԵԱՅ 37:34

այլ ճանապարհ ընդ որ եկն՝ ընդ նոյն դարձցի, եւ ի քաղաքդ յայդ մի՛ մտցէ։ Այսպէս ասէ Տէր.՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 37:7

Ահաւասիկ արկանեմ ես ի նա ոգի խռովութեան, եւ լուեալ համբաւ՝ դարձցի յաշխարհ իւր, եւ անկցի ի սուր յերկրի իւրում։

ՄԱՐԳԱՐԷՈՒԹԻՒՆ ԵԶԵԿԻԵԼԻ 29:4

Եւ ես արկից դանդանաւանդ ի կզակս քո, եւ մածուցից զձկունս գետոյդ ի թեւս քո, եւ հանից ի միջոյ քումմէ զգետսդ քո՝՝, եւ ամենայն ձկունք գետոյդ կցեսցին ի թեւս քո.

ՄԱՐԳԱՐԷՈՒԹԻՒՆ ԵԶԵԿԻԵԼԻ 35:13

եւ մեծաբանեցեր ի վերայ իմ բերանովք քովք, եւ հնչեցէք առ իս զբանս ձեր, եւ ես լուայ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 38:4

եւ պաշարեցից՝՝ զքեզ, եւ արկից դանդանաւանդ ի կզակս քո, եւ ժողովեցից զքեզ եւ զամենայն զօրութիւնս քո, զհեծեալս եւ զերիվարս, զվառեալս եւ զսպառազէնս ազգաց բազմաց, վահանաւորս եւ սաղաւարտաւորս եւ սուսերաւորս.

ՄԱՐԳԱՐԷՈՒԹԻՒՆ ԱՄՈՎՍԱՅ 4:2

Երդնու Տէր ի սրբութիւնս իւր, եթէ՝ Ահա աւուրք եկեսցեն ի վերայ ձեր, եւ առցեն զձեզ զինուք, եւ զդոսա որ ընդ ձեզդ են արկցեն ի սանս ջեռուցեալս։

Մատթեոսի Աւետարան 27:24

Եւ տեսեալ Պիղատոսի թէ ոչինչ օգնէ, այլ առաւել խռովութիւն լինի, առեալ ջուր՝ լուաց զձեռս առաջի ժողովրդեանն եւ ասէ. Քաւեալ եմ ես յարենէ արդարոյդ այդորիկ. դուք գիտասջիք։

ԳՈՐԾՔ ԱՌԱՔԵԼՈՑ 22:22

Եւ ունկն դնէին նմա մինչեւ ցայս բան, ապա բարձին զձայնս իւրեանց եւ ասեն. Բարձ յերկրէ զայդպիսիդ, զի չէ պարտ այդպիսւոյդ կեալ։

ԳՈՐԾՔ ԱՌԱՔԵԼՈՑ 9:4

Եւ անկեալ յերկիր՝ լուաւ բարբառ որ ասէր ցնա. Սաւուղ, Սաւուղ, զի՞ հալածես զիս։