ՄԱՐԳԱՐԷՈՒԹԻՒՆ ԵՍԱՅԵԱՅ 27:4 - Գրաբար Աստվածաշունչ (1895)

⁴ Զի չէր որ ոչ ձեռնամուխ լինէր ի նա. ո՞ դիցէ զիս պահել զոճ արտոյ յագարակի. վասն այսր պատերազմողի անարգեցի զնա այսուհետեւ։ Վասն այսորիկ արար Տէր զամենայն ինչ զոր կարգեաց. Այրեցաք, ասէ։

ՄԱՐԳԱՐԷՈՒԹԻՒՆ ԵՍԱՅԵԱՅ 27:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:6

Զի մի՛ բողբոջեսցի անօրէնքն. իբրեւ զփուշ մերժեալ են ամենեքին նոքա՝ որ ոչ ձեռամբ առնուցուն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:7

Եւ աշխատեսցի ի նոսա այր, եւ զամենայն երկաթ եւ զփայտ նիզակի հրով այրեսցէ, եւ բորբոքեսցին ամօթով իւրեանց։՝՝

ԳԻՐՔ ՍԱՂՄՈՍԱՑ 103:9

Սահման եդիր՝ եւ ոչ անցանեն, եւ ոչ եւս դառնան ի ծածկել զերկիր։

ԳԻՐՔ ՍԱՂՄՈՍԱՑ 85:3

Ողորմեա ինձ, Տէր, զի առ քեզ աղաղակեցի զօրհանապազ։

ՄԱՐԳԱՐԷՈՒԹԻՒՆ ԵՍԱՅԵԱՅ 10:17

Եւ եղիցի Լոյսն Իսրայելի ի հուր. եւ սրբեսցէ զնա հրով բորբոքելով, եւ կերիցէ իբրեւ զխոտ զանտառն։

ՄԱՐԳԱՐԷՈՒԹԻՒՆ ԵՍԱՅԵԱՅ 12:1

Եւ ասասցես յաւուր յայնմիկ. Օրհնեցից զքեզ, Տէր, զի բարկացար ինձ, եւ դարձուցեր զսրտմտութիւն քո յինէն, եւ ողորմեցար ինձ՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 33:12

Եւ եղիցին հեթանոսք խարշեալք իբրեւ զփուշ յագարակի՝ այրեցեալ եւ ընկեցեալ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 9:18

Եւ վառեսցի իբրեւ զհուր անօրէնութիւն, եւ իբրեւ զսէզ չորացեալ այրեսցի ի հրոյ՝՝. եւ վարեսցի յանտառս մայրեաց. եւ շուրջ զամենայն բլրովք նոցա հուր ճարակեսցի։

ՄԱՐԳԱՐԷՈՒԹԻՒՆ ԵՐԵՄԵԱՅ 29:11

Զի ես գիտեմ զխորհուրդս զոր խորհիմ եւ խորհեցայց՝՝ ի վերայ ձեր, ասէ Տէր, խորհուրդ խաղաղութեան եւ ոչ չարութեան, տաց ձեզ յետ այդորիկ՝՝ յոյս.

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:63

զի յիշեսցես եւ ամաչեսցես, եւ մի՛ եւս լիցի քեզ բանալ զբերան քո առաջի անարգանաց քոց, ի քաւել ինձ զամենայն գործս քո զոր գործեցեր, ասէ Ադոնայի Տէր։

ՄԱՐԳԱՐԷՈՒԹԻՒՆ ՄԱՂԱՔԻԱՅ 4:3

Եւ կոխեսջիք զանօրէնս, եւ եղիցին մոխիր ի ներքոյ ոտից ձերոց յաւուրն զոր ես արարից, ասէ Տէր ամենակալ՝՝։

Մատթեոսի Աւետարան 3:12

որոյ հեծանոցն ի ձեռին իւրում, եւ սրբեսցէ զկալ իւր, եւ ժողովեսցէ զցորեանն ի շտեմարանս իւր, եւ զյարդն այրեսցէ անշէջ հրով։

ԱՌ ԵԲՐԱՅԵՑԻՍ ԹՈՒՂԹ 6:8

իսկ որ բերէ փուշ եւ տատասկ, անպիտան է եւ մերձ յանէծս, եւ վախճան նորա յայրումն։

ԹՈՒՂԹ ՊԵՏՐՈՍԻ ԵՐԿՐՈՐԴ 2:9

Գիտէ Տէր զաստուածապաշտս փրկել ի փորձութենէ, եւ զանիրաւս պահել ի տանջանս աւուրն դատաստանի։