ՄԱՐԳԱՐԷՈՒԹԻՒՆ ԵՍԱՅԵԱՅ 17:1 - Գրաբար Աստվածաշունչ (1895)

¹ Պատգամ ի վերայ Դամասկոսի։ Ահաւասիկ Դամասկոս բարձցի ի քաղաքաց, եւ եղիցի ի կործանումն.

ՄԱՐԳԱՐԷՈՒԹԻՒՆ ԵՍԱՅԵԱՅ 17:1 ပူးပေါင်းရင်းမြစ်များ

ԾՆՈՒՆԴՔ 14:15

Եւ պնդեցաւ զկնի նոցա գիշերի, ինքն եւ ծառայք իւր, եւ եհար զնոսա մինչեւ ցՔոբաղ, որ է ի ձախմէ Դամասկոսի։

ԾՆՈՒՆԴՔ 15:2

Եւ ասէ Աբրամ. Տէր, Տէր, զի՞նչ արասցես ինձ, զի ես կորնչիմ անորդի, եւ որդի Մասեկայ ընդոծնի իմոյ, այն՝՝ է Եղիազար Դամասկացի։

ԹԱԳԱՒՈՐՈՒԹԵԱՆՑ ԵՐՐՈՐԴ 11:24

Եւ ժողովեցան առ նա արք, եւ էր իշխան գնդին ի կոտորել զնոսա Դաւթի. եւ գնացին ի Դամասկոս եւ նստան ի նմա. եւ թագաւորեաց ի Դամասկոս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 16:9

Եւ լուաւ նմա արքայն Ասորեստանեայց, եւ ել արքայն Ասորեստանեայց ի Դամասկոս եւ առ զնա, եւ վարեաց զնա ի գերութիւն ի Կիւրէն, եւ զՌասոն սպան։

ՄՆԱՑՈՐԴԱՑ ԱՌԱՋԻՆ 18:5

Եւ եկն Ասորին ի Դամասկոսէ օգնել Ադրազարայ արքայի Սուբայ. եւ եհար Դաւիթ յԱսորեացն քսան եւ երկու հազարս արանց։

ՄՆԱՑՈՐԴԱՑ ԵՐԿՐՈՐԴ 28:23

եւ ասաց արքայն. Խնդրեցից զաստուածս Դամասկոսի որք հարին զիս. եւ ասէ. Եթէ աստուածք թագաւորին Ասորեստանեայց նոքա են զօրաւորք՝՝, նոցա այսուհետեւ զոհեցից եւ օգնեսցեն ինձ. եւ նոքա եղեն նմա խոչ եւ ամենայն Իսրայելի։

ՄՆԱՑՈՐԴԱՑ ԵՐԿՐՈՐԴ 28:5

Եւ մատնեաց զնա Տէր Աստուած նորա ի ձեռս արքային Ասորեաց, եւ եհար զնա, եւ գերեաց ի նոցանէ գերութիւն բազում, եւ տարաւ ի Դամասկոս. եւ ի ձեռս արքային Իսրայելի մատնեաց զնա, եւ եհար զնա հարուածս մեծամեծս։

ՄԱՐԳԱՐԷՈՒԹԻՒՆ ԵՍԱՅԵԱՅ 10:9

Ասասցէ. Ո՞չ առի զաշխարհն որ ի վեր է քան զԲաբելոն, եւ զՔաղանէ ուր աշտարակն շինեցաւ. առի եւ զԱրաբիա, եւ զԴամասկոս եւ զՍամարիա։

ՄԱՐԳԱՐԷՈՒԹԻՒՆ ԵՍԱՅԵԱՅ 13:1

Տեսիլ Բաբելացւոց, զոր ետես Եսայի որդի Ամովսայ։

ՄԱՐԳԱՐԷՈՒԹԻՒՆ ԵՍԱՅԵԱՅ 15:1

Պատգամ ի վերայ Մովաբացւոց։

ՄԱՐԳԱՐԷՈՒԹԻՒՆ ԵՍԱՅԵԱՅ 19:1

Տեսիլ Եգիպտացւոց։

ՄԱՐԳԱՐԷՈՒԹԻՒՆ ԵՍԱՅԵԱՅ 25:2

Այո, Տէր, զի եդիր զքաղաքս ի հողաբլուրս, եւ զքաղաքս ամուրս ի կործանումն հիմանց նոցա. քաղաք ամպարշտաց՝՝ յաւիտենից մի՛ շինեսցի։

ՄԱՐԳԱՐԷՈՒԹԻՒՆ ԵՍԱՅԵԱՅ 37:26

Չիցէ՞ լուեալ քո զոր յառաջագոյն արարի ես յաւուրցն առաջնոց զոր կարգեցի, եւ այժմ յայտնեցի աւերել զհեթանոսս յամուրս իւրեանց,

ՄԱՐԳԱՐԷՈՒԹԻՒՆ ԵՍԱՅԵԱՅ 7:16

Վասն այնորիկ մինչչեւ ծանուցեալ իցէ մանկանն զբարի կամ զչար, անարգեսցէ զչարն եւ ընտրեսցէ զբարին. եւ մնասցէ երկիրդ յորմէ՝՝ դուդ կասկածես՝ յերեսաց երկուց թագաւորացն։

ՄԱՐԳԱՐԷՈՒԹԻՒՆ ԵՍԱՅԵԱՅ 7:8

այլ գլուխ Արամայ Դամասկոս, եւ գլուխ Դամասկոսի Ռասիմ. եւ այլ եւս վաթսուն եւ հինգ ամ, եւ ապա պակասեսցէ թագաւորութիւնն Եփրեմայ ի ժողովրդենէ անտի՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 8:4

քանզի մինչչեւ ծանուցեալ իցէ մանկանն կոչել զհայր կամ զմայր, առցէ զզօրութիւն Դամասկոսի եւ զաւար Սամարեայ՝՝ յանդիման թագաւորին Ասորեստանեայց։

ՄԱՐԳԱՐԷՈՒԹԻՒՆ ԵՐԵՄԵԱՅ 49:2

Վասն այդորիկ ահա աւուրք գան, ասէ Տէր, եւ լուր արարից յՌաբովթ որդւոցն Ամոնայ զգոյժ քաղաքացն. եւ եղիցի յանապատ եւ ի կորուստ, եւ բագինք նորա հրով այրեսցին, եւ առցէ Իսրայէլ զիշխանութիւն իւր՝՝, ասէ Տէր։

ՄԱՐԳԱՐԷՈՒԹԻՒՆ ՄԻՔԻԱՅ 1:6

Եւ եդից զՇամրին իբրեւ զտաղաւար մրգապահաց ագարակի՝՝, եւ ի տունկ այգւոյ, եւ կործանեցից ի խորխորատ զվէմս նորա, եւ զհիմունս նորա մերկացուցից։

ՄԱՐԳԱՐԷՈՒԹԻՒՆ ՄԻՔԻԱՅ 3:12

Վասն այդորիկ ի ձեր սակս Սիոն արօրադիր լիցի, եւ Երուսաղէմ՝ իբրեւ զտաղաւար մրգապահաց՝՝, եւ լեառն տաճարին՝ յանտառ մայրւոյ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:1

Առած բանի Տեառն յերկիր Սեդրաք, եւ ի Դամասկոս զոհ նորա. զի Տէր տեսանէ զմարդիկ, եւ զամենայն ազգս Իսրայելի։

ԳՈՐԾՔ ԱՌԱՔԵԼՈՑ 9:2

խնդրեաց ի նմանէ թուղթս ի Դամասկոս առ ժողովուրդսն. որպէս թէ զոք գտցէ զայնր ճանապարհաւ, արս կամ կանայս, կապեալս ածցէ յԵրուսաղէմ։

ԵՐԿՐՈՐԴՈՒՄՆ ՕՐԻՆԱՑ 13:16

եւ զամենայն կապուտ նորա ժողովեսցես յելս նորա, եւ այրեսցես հրով զքաղաքն եւ զամենայն զաւար նորա համօրէն առաջի Տեառն Աստուծոյ քո, եւ եղիցի աւերակ յաւիտեան եւ ոչ եւս շինեսցի։