ՄԱՐԳԱՐԷՈՒԹԻՒՆ ԵՍԱՅԵԱՅ 14:29 - Գրաբար Աստվածաշունչ (1895)

²⁹ Մի՛ ուրախ լինիք, ամենայն այլազգիք, թէ խորտակեցաւ լուծ հարկանողացն ձերոց. զի ի զաւակէ օձին ելցեն ծնունդք իժից, եւ ի նոցա ծննդոց ելցեն օձք թեւաւորք։

ՄԱՐԳԱՐԷՈՒԹԻՒՆ ԵՍԱՅԵԱՅ 14:29 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:8

Նա եհար զայլազգիսն մինչեւ ցԳազա եւ մինչեւ ցսահմանս նորա, յաշտարակէ պահապանացն մինչեւ ցքաղաքն ամուր։

ՄՆԱՑՈՐԴԱՑ ԵՐԿՐՈՐԴ 26:6

Եւ ել եւ պատերազմեցաւ ընդ այլազգիս, եւ քակեաց զպարիսպն Գեթայ եւ զպարիսպն Յաբնեայ եւ զպարիսպն Ազովտայ, եւ շինեաց զքաղաքսն Ազովտայ՝՝ ի մէջ այլազգեացն։

ՄՆԱՑՈՐԴԱՑ ԵՐԿՐՈՐԴ 28:18

Եւ այլազգիքն դիմեցին ի քաղաքս դաշտին, եւ Լիբէացիքն եկին ի Յուդայ՝՝ եւ առին զԲեթսամիւս եւ զԱյեղոն եւ զԳադերովթ եւ զՍոկքով եւ զգեղս նորա, եւ զԹամնա եւ զգեղս նորա, եւ զԳամեզեր եւ զգեղս նորա, եւ բնակեցին անդ։

ԱՌԱԿՔ ՍՈՂՈՄՈՆԻ 24:17

Եթէ կործանեսցի թշնամին քո՝ մի՛ ոտն հարկաներ, եւ ի գայթակղելն նորա մի՛ հպարտանար։

ՄԱՐԳԱՐԷՈՒԹԻՒՆ ԵՍԱՅԵԱՅ 11:14

Եւ թռիցեն նաւք այլազգեաց՝՝, եւ առցեն աւար միանգամայն զծովակողմն եւ զարեւելեայսն եւ զԵդովմայեցիսն՝՝, արկցեն զձեռս իւրեանց նախ ի Մովաբ. եւ որդիքն Ամովնայ յառաջագոյն հնազանդեսցին։

ՄԱՐԳԱՐԷՈՒԹԻՒՆ ԵՍԱՅԵԱՅ 11:8

Եւ մանուկ մատաղ ի ծակ իժից, եւ ի բոյն կորեանց իժից արկցէ զձեռն իւր.

ՄԱՐԳԱՐԷՈՒԹԻՒՆ ԵՍԱՅԵԱՅ 14:31

Ողբացէք, դրունք քաղաքաց. ձայնս արկցեն, քաղաքք խռովեալք, ամենայն այլազգիք. ծուխ ել ի հիւսիսոյ, եւ ոչ եւս գտանիցի։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 2:6

Քանզի եթող նա զժողովուրդ իւր զտունն Յակոբայ. զի լցաւ իբրեւ զառաջինն աշխարհ նոցա հմայիւք իբրեւ զայլազգեաց, եւ որդիք բազումք այլազգիք ծնան նոցա։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 30:6

Տեսիլ չորքոտանեաց յանապատի, ի նեղութեան եւ յանձկութեան՝՝. առեւծ եւ կորիւն առիւծու, եւ ի նոցանէն իժք եւ կորիւնք իժից թռչունք, որ բարձեալ բերեն իշոց զգանձս իւրեանց, եւ լցեալ ուղտուց զմեծութիւն իւրեանց. առ ազգ մի՝ որ ոչինչ օգուտ լինիցի նոցա յօգնականութիւն, այլ յամօթ եւ ի նախատինս։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 47:1

Ի վերայ այլազգեաց։՝՝ Բանն Տեառն որ եղեւ առ Երեմիա մարգարէ ի վերայ այլազգեաց, մինչչեւ հարեալ էր փարաւոնի զԳազա։

ՈՂԲՔ 2:17

Արար Տէր զոր խօսեցաւ, կատարեաց զբանս իւր զոր պատուիրեաց յաւուրցն առաջնոց. քակեաց եւ ոչ անխայեաց. ուրախ արար ի վերայ քո զթշնամիս քո, եւ բարձր արար զեղջեւր նեղչաց քոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 25:15

Ի վերայ Փղշտացւոցն։ Վասն այդորիկ՝՝ այսպէս ասէ Ադոնայի Տէր. Փոխանակ զի ոխակալ եղեն այլազգիքն, եւ յարուցին վրէժխնդրութիւն սրտի մտօք յոտնհարութիւն՝ սատակել մինչեւ յաւիտեան,

ՄԱՐԳԱՐԷՈՒԹԻՒՆ ԵԶԵԿԻԵԼԻ 26:2

Որդի մարդոյ, փոխանակ զի ոտնհար եղեւ Ծուր ի վերայ Երուսաղեմի, եւ ասէ. Վաշ վաշ, զի բեկաւ կորեաւ, առ իս դարձցին ազգքն, որովհետեւ լին աւերեցաւ՝՝,

ՄԱՐԳԱՐԷՈՒԹԻՒՆ ԵԶԵԿԻԵԼԻ 35:15

Փոխանակ զի ոտնհար եղեր ժառանգութեան տանն Իսրայելի՝ զի ապականեցաւ,

ՄԱՐԳԱՐԷՈՒԹԻՒՆ ՈՎՍԵԱՅ 9:1

Մի՛ խնդար, Իսրայէլ, եւ մի՛ ուրախ լինիր որպէս ժողովուրդք երկրի. զի պոռնկեցար յԱստուծոյն քումմէ, սիրեցեր զկաշառս ի վերայ ամենայն կալոց ցորենոյ։

ՄԱՐԳԱՐԷՈՒԹԻՒՆ ՅՈՎԵԼԱՅ 3:4

Եւ դուք եւս տակաւին ինձ՝՝, Ծուր եւ Ծայդան եւ ամենայն Գալիլեա այլազգեաց՝՝, միթէ հատուցո՞ւմն ինչ հատուցանիցէք ինձ, կամ ո՞խս պահիցէք՝՝ ինձ, վաղվաղակի տագնապաւ հատուցից զհատուցումն ձեր ի գլուխս ձեր։

ՄԱՐԳԱՐԷՈՒԹԻՒՆ ԱՄՈՎՍԱՅ 1:6

Այսպէս ասէ Տէր. Ի վերայ երից ամպարշտութեանցն Գազայ, եւ ի վերայ չորիցն՝ ոչ դարձայց ի նոցանէն. փոխանակ զի գերեցին զգերութիւն Սողոմոնի արգելուլ՝՝ յԵդովմ։

ՄԱՐԳԱՐԷՈՒԹԻՒՆ ԱՄՈՎՍԱՅ 1:8

Եւ սատակեցից զբնակիչս յԱզովտայ, եւ բարձցի ազգն՝՝ յԱսկաղոնէ. եւ ածից զձեռն իմ ի վերայ Ակկարոնի, եւ կորիցեն մնացորդք այլազգեացն, ասէ Տէր Տէր։

ՄԱՐԳԱՐԷՈՒԹԻՒՆ ԱԲԴԻՈՒ 1:12

Եւ մի՛ տեսցես զաւեր եղբօրն քո յաւուրն օտարաց, եւ մի՛ ոտնհար լիցիս՝՝ որդւոցն Յուդայ յաւուրս կորստեան նոցա, եւ մի՛ մեծաբանեսցես յաւուր նեղութեան,

ՄԱՐԳԱՐԷՈՒԹԻՒՆ ՄԻՔԻԱՅ 7:8

Մի՛ ոտնհար լինիր ինձ, թշնամի իմ, զի գլորեցայ, միւսանգամ կանգնեցայց. զի թէ նստայց ի խաւարի՝ Տէր է իմ լոյս։

ՄԱՐԳԱՐԷՈՒԹԻՒՆ ՍՈՓՈՆԻԱՅ 2:4

Զի Գազա յափշտակեալ լիցի, եւ Ասկաղոն յապականութիւն, եւ Ազովտոս ի միջօրէի կործանեսցի, եւ Ակկարոն յարմատոյ խլեսցի։

ՄԱՐԳԱՐԷՈՒԹԻՒՆ ՍՈՓՈՆԻԱՅ 2:5

Վա՜յ որ բնակեալդ էք ի վիճակս ծովու՝՝, բնակիչք Կրետացւոց. պատգամ Տեառն ի վերայ ձեր, Քանան, երկիրդ այլազգեաց. եւ կորուսից զձեզ ի բնակութենէ։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:11

Յաւուր յայնմիկ ոչ ամաչեսցես յամենայն գործոց քոց, որովք ամպարշտեցար առ իս. զի յայնժամ զերծից ի քէն զչարութիւն ամբարտաւանութեան քո, եւ ոչ եւս յաւելցես մեծաբանել ի վերայ լերին սրբութեան իմոյ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:5

Տեսցէ Ասկաղոն, եւ երկիցէ, եւ Գազա՝ մորմոքեսցի յոյժ, եւ Ակկարոն՝ զի յամօթ եղեւ ի վերայ յանցանաց իւրոց՝՝, եւ կորիցէ թագաւոր ի Գազայ, եւ Ասկաղոն մի՛ բնակեսցի։

ԹԻՒՔ 21:8

Եւ ասէ Տէր ցՄովսէս. Արա դու քեզ օձ, եւ դիցես զնա ի վերայ նշանակի. եւ եղիցի յորժամ հարկանիցէ օձ զմարդ, ամենայն օձահար որ տեսանիցէ զնա՝ կեցցէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:3

Գեսուրի եւ Քանանացին, Յանշինէ՝՝ անտի ընդդէմ Եգիպտոսի՝ մինչեւ ի սահմանս Ակկարոնի, ընդ աջմէ՝՝ Քանանացւոյն համարի, հնգից թագաւորացն Փղշտացւոց, Գազացւոյն եւ Ազովտացւոյն եւ Ասկաղոնացւոյն եւ Գեթացւոյն եւ Ակկարոնացւոյն, եւ Խեւացւոյն.